Frjáls verslun - 01.02.2008, Side 89
F R J Á L S V E R S L U N • 2 . T B L . 2 0 0 8 89
sameinuðust okkur. Innflutningsfyrirtækið okkar sameinaðist heildversl-
uninni Himnesk hollusta og við tókum yfir rekstur Græns kosts við
Skólavörðustíg. Í byrjun mars opnuðum við síðan Maður lifandi í
Hafnarfirði, og verðum þar með matstofu í Hafnarborg þar sem lista -
safn Hafnfirðinga er. Þar er einnig skemmtileg útiaðstaða og vínveit-
ingar í boði.
Nú erum við með starfsemi á fjórum stöðum og er mikið um að vera.
Hinn mikli vöxtur kemur að hluta af sjálfu sér. Það eru alltaf fleiri og
fleiri að fara í hollan lífsstíl og okkar kappsmál er að draga sem flesta
úr óhollustunni yfir í hollustuna. Ég er viss um að á endanum vilja allir
borða hollan mat og það er gaman að starfa í svona jákvæðu umhverfi.
Við teljum okkur hafa sérstöðu þar sem við erum eina fyrirtækið sem
er með þennan heildarpakka á heilsutengdu sviði, verslanir, matsölustaði
og fræðslu.“
Vakning í hollustu
Maður lifandi gerir út á hollustu og er Hjördís spurð hvort ekki hafi
verið mikil vakning meðal þjóðarinnar í þá áttina: „Heldur betur.
Við opnuðum á réttum tíma og sáum vakninguna verða að veruleika.
Kannski höfum við átt einhvern þátt í þeirri umfjöllun sem varð um
hollan mat og breyttan lífsstíl. Alla vega er það svo að áhuginn er mikill
og sá heilbrigði lífsstíll sem svo margir hafa tileinkað sér á aðeins eftir
að vaxa áfram.“
Strax í upphafi fékk Maður lifandi ýmsa ráðgjafa á heilsusviðinu til
samstarfs: „Þeir hafa ekki unnið í okkar nafni heldur sjálfstætt en eru
í tengslum við okkur og fá afnot af aðstöðu okkar. Þessi starfsemi hefur
gengið vel og stutt við það sem við sjálf erum að gera og viðskiptavinir
okkar eru ánægðir með að geta leitað ráða, enda sumir í vandræðum með
að ákveða hvernig þeir eiga að byrja, hvað megi og hvað megi ekki.“
Tækifærin mörg
Hjördís segir að sú starfsemi, sem Maður lifandi hefur markað sér, sé
mjög jákvæð í því umhverfi sem við lifum í: „Það er gefandi að starfa
við að bjóða hollan lífsstíl og við heyrum sögur á hverjum degi frá
ánægðum viðskiptavinum sem hafa upplifað breytingu á heilsu og líðan
með réttu mataræði og bætiefnum. Í framtíðinni bíða mörg tækifæri og
nefna má að aukist hefur mikið hjá okkur þjónusta við alls kyns hópa,
áhugasamtök, fyrirtæki og stofnanir. Þarna er stór markaður sem vert
er að gefa gaum.“
„Með eigin innflutningi náðum
við verðinu niður og sjálfstæður
innflutningur hefur síðan verið
forsendan fyrir rekstrinum á
matsölustöðunum.“
Verslanir og matsölustaðir Maður lifandi: Borgartúni 24, Reykjavík / Hæðasmára 6, Kópavogi,
Hafnarborg, Strandgötu 34, Hafnarfirði / Grænn kostur, Skólavörðustíg 8, Reykjavík.
Maður lifandi opnaði nýjan stað í Hafnarborg í Hafnarfirði í byrjun mars.