Frjáls verslun - 01.02.2008, Síða 108
108 F R J Á L S V E R S L U N • 2 . T B L . 2 0 0 8
Andri Marteinsson, verkefnisstjóri hjá Útflutningsráði Íslands.
Öflugt tengslanet er
mikilvægt þegar hasla
á sér völl á erlendri
grundu
Meginhlutverk Útflutningsráðs Íslands er að auðvelda íslenskum fyrirtækjum að selja vörur sínar, þjónustu og þekkingu erlendis. Auk þjónustu Útflutningsráðs hér heima er mikil vægt að hafa aðgang að þekkingu og aðstoð erlendis.
Margir leita til viðskiptafulltrúa í sendiráðum Íslands og getur
ráðgjafi á erlendri grund skipt sköpum þegar fyrirtæki fara í útrás.
Andri Marteinsson er verkefnisstjóri hjá Útflutningsráði og er
fyrirtækjum innan handar varðandi þennan þátt:
„Mitt starf er aðallega fólgið í því að starfa með viðskiptafulltrúum
sem eru í sendiráðum Íslands í New York, London, Kaupmannahöfn,
París, NýjuDelí, Tókýó, Peking, Moskvu og Berlín. Viðskipta
fulltrúarnir koma hingað til lands a.m.k. tvisvar á ári og er þá
stórum og smáum fyrirtækjum, sem óska eftir að njóta aðstoðar
sendiráðanna í viðskiptamálum erlendis, boðið til viðtals. Í þessum
viðtölum er farið í gegnum þær óskir og hugmyndir sem fyrirtækin
hafa um hvernig þau sjái fyrir sér hvað og hvernig þau vilji fara með
sína vöru og þjónustu á erlenda markaði. Í kjölfarið skapast oft
verkefni sem unnin eru fyrir fyrirtækin sem ég hef svo umsjón með
í tengslum við viðskiptafulltrúana. Þessi verkefni eru mjög mismun
andi þar sem fyrirtækin vilja ýmist aðstoð við að finna ákveðnar
upplýsingar um markaðinn, finna mögulega kaupendur, kanna mögu
leika á markaðssetningu, setja upp vinnustofur með hugsan legum
söluaðilum eða finna samstarfaðila á markaði.“
Útflutningsráð Íslands:
Þekking og reynsla
Að sögn Andra felst styrkur viðskiptafulltrúanna í þekkingu og
reynslu sem þeir búa yfir eftir að hafa dvalist lengi í þeim löndum
sem þeir starfa í: „Það öfluga tengslanet sem þeir hafa komið sér
upp er einn mikilvægasti þátturinn þegar kemur að því að hasla sér
völl á nýjum markaði. Eins verða viðskiptafulltrúarnir að vera vel með
á nótunum um það sem er að gerast hér heima og því förum við með
þá í heimsókn í íslensk fyrirtæki þegar þeir koma til Íslands. Meðal
fyrirtækja sem viðskiptafulltrúarnir heimsóttu þegar þeir voru hér
síðast, í janúar, voru CCP, Glitnir, ND á Íslandi og Flugur ehf.“
Eftirsótt þjónusta
Andri segir greinilegt að íslensk fyrirtæki eru ánægð með þjónustu
Útflutningsráðs við íslensku útrásina og hefur eftirspurnin verið að
aukast jafnt og þétt: „Til að mynda nýttu 63 einstaklingar sér að geta
pantað viðtal við viðskiptafulltrúana þegar þeir komu til landsins í janúar
sl. Miðað við þessar undirtektir má greina að forsvars menn íslenskra
fyrirtækja bindi nokkrar vonir við gagnsemi þessarar þjónustu og ég get
ekki annað en verið spenntur yfir framhaldinu.“
MArgVíSLEg og MiKiLVæg ÞjÓNuStA
Meðal fyrirtækja sem viðskiptafulltrúar í sendiráðum Íslands hafa þjónað
er ORF Líftækni hf. Um er að ræða margvíslega og mikilvæga þjónustu,
sem hefur nýst félaginu vel á undanförnum árum í mótun markaðs
stefnu þess og viðskiptaþróun.
„Viðskiptafulltrúar í Frakklandi og Þýskalandi hafa gert markaðs
kannanir sem hafa nýst okkur vel,“ segir dr. Júlíus B. Kristinsson hjá
ORF: „Auk þess hafa viðskiptafulltrúarnir í Kaupmannahöfn, París,
Berlín, New York og Peking verið félaginu innan handar með mikil
vægar upplýsingar og nú er unnið að söfnun upplýsinga fyrir ORF
hjá viðskiptafulltrúa í Japan. Það er mikilvægt fyrir íslensk fyrirtæki,
ekki síst ung nýsköpunarfyrirtæki, að geta sett sig í samband við mikil
væga viðskiptavini erlendis. Það gefur fyrirtækjunum aukið vægi og
traust þegar viðskiptafulltrúarnir hafa samband við viðkom andi
aðila í upphafi samskiptanna eða ef fyrstu fundir eru haldnir í húsnæði
sendiráðanna.“
K
YN
N
IN
G
Nafn: Andri Marteinsson
Fæðingastaður: reykjavík,
8. Ágúst, 1965
Foreldrar: Marteinn Þór Viggósson
og Perla Guðmundsdóttir
Börn: Marteinn Gauti 16 ára
og Soffía dögg 12 ára
Maki: Arnheiður Ösp Hjálmarsdóttir
Menntun: MBA frá Háskólanum
í reykjavík, BA í Business
Administration frá University of
Auburn, USA, Bachelor of education
í Kennslu frá Kennaraháskóla Íslands.