Frjáls verslun - 01.03.2007, Qupperneq 87

F R J Á L S V E R S L U N • 3 . T B L . 2 0 0 7 87
FÓLK
L ýsing hf. fagnaði 20 ára afmæli í fyrra og er í dag
stærsta fyrirtækið á eignaleigu-
markaði með öfluga starfsemi
bæði á einstaklings- og fyr-
irtækjamarkaði. Guðrún Soffía
Björnsdóttir er forstöðumaður
þjónustu- og markaðssviðs:
„Segja má að sviðið sé nýtt
að því leyti að nýtt þjónustuver
sem fór í gang í lok apríl var
sett undir svið sem áður hét
markaðs- og þróunarsvið. Með
þessum breytingum og stofnun
þjónustuversins erum við að
taka stórt skref í átt til enn
betri þjónustu við sívaxandi hóp
viðskiptavina Lýsingar sem telja
nú tæplega 20 þúsund. Starfið
er gífurlega spennandi og fjöl-
breytilegt þar sem markaðsleg
nálgun og snertifletir við við-
skiptavini okkar og hina fjöl-
mörgu samstarfsaðila falla undir
mitt ábyrgðarsvið. Útlánasvið
Lýsingar eru tvö, annars vegar
einstaklingssvið og hins vegar fyr-
irtækjasvið. Markaðsleg nálgun
viðskiptavina þessara tveggja
sviða er nokkuð frábrugðin og
því starfa kynningarstjórar á
hvoru sviði fyrir sig. Þar að auki
stýri ég allri framleiðslu á kynn-
ingar- og auglýsingaefni fyrir
Lýsingu og dreifingu á því hverju
sinni, en þar hefur Birtingahúsið
þó reynst haukur í horni.
Síðustu mánuði hefur mikið
af mínum tíma farið í mótun
þjónustuversins enda mikilvægt
að rétt sé staðið að öllum und-
irbúningi ef útkoman á að vera
sú sem ætlast er. Í byrjun munu
fimm starfa í þjónustuverinu
en með þessari breytingu mun
upplýsingagjöf til viðskiptavina
verða greiðari með það fyrir
augum að þeir finni lausn í
fyrsta símtali.“
Guðrún Soffía fór strax að
loknu stúdentsprófi með eig-
inmanni sínum, Magnúsi Ívari
Guðfinnssyni, til náms við
Háskólann í Alabama: „Þar
bjuggum við í fjögur ár. Þessi
tími var mjög skemmtilegur í
minningunni en það gerir manni
að sjálfsögðu ekkert nema gott
að flytjast til skemmri tíma af
klakanum og sjá hvernig lífið
gengur fyrir sig annars staðar.
Magnús Ívar, eiginmaður
minn, er framkvæmdastjóri hjá
BPM ráðgjöf. Sjálf held ég að ég
verði að teljast frekar mikil fjöl-
skyldumanneskja en það verður
að segjast eins og er að svo til
allur sá tími sem gefst frá vinnu
fer í að hlúa að drengjunum
okkar tveimur. Áhugamál okkar
einskorðast því nokkuð við þá
hluti sem allir í fjölskyldunni
geta tekið þátt í, göngutúrar,
kappleikir og útivera er eitthvað
sem við reynum að eiga saman.
Við erum reyndar nýkomin
úr frábæru ferðalagi. Fjölskyldan
fór í aprílbyrjun til New York í
tvo daga og síðan færðum við
okkur suður á bóginn og áttum
nokkra yndislega daga í Walt
Disney Resort í Flórída. Við
gistum á nýju Walt Disney hót-
eli og heimsóttum svo skemmti-
garðana eftir því sem hentaði
hverju sinni. Úr varð náttúrulega
ógleymanleg fjölskylduferð sem
verður lengi í minnum höfð.“
Guðrún Soffía
Björnsdóttir:
„Fjölskyldan fór í
aprílbyrjun til New
York í tvo daga og
síðan færðum við
okkur suður á bóg-
inn og áttum nokkra
yndislega daga í
Walt Disney Resort í
Flórída.“
forstöðumaður þjónustu- og markaðssviðs Lýsingar hf.
GUÐRÚN SOFFÍA BJÖRNSDÓTTIR
Nafn: Guðrún Soffía
Björnsdóttir.
Fæðingarstaður: Keflavík, 8.
október 1970.
Foreldrar: Guðrún Skúladóttir
og Björn Bjarnason.
Maki: Magnús Ívar
Guðfinnsson.
Börn: Björn Breki 8 ára og
Eyþór Ernir 5 ára.
Menntun: BA í almanna-
tengslum og stjórnun frá
Háskólanum í Alabama.