Franskir dagar - 01.07.2012, Blaðsíða 34

FrANSKIR DAGAR - LeS JOURS FRANfAIS
tekið á móti yfirmönnum skipa sem áttu leið um
Fáskrúðsfjörð og þeim boðið upp á veislukost.
I dagbókinni er greint frá gróðri og landslagi
umhverfis stöðina auk þess sem fram kemur
að Stapel safnaði fallegum steinum. Lítillega er
fjallað um dýralífið fyrir utan hvalina en þó er
getið um íslenska hestinn og rottur sem voru
plága á hvalstöðvunum á þessum tíma.
Islendingunum sem Stapel umgekkst er lýst af
mikilli hlýju en í Villunni starfaði til dæmis ávallt
íslensk ráðskona. Þrátt fyrir að dagbókarritarinn
skrifi afar vel um landið og íbúana þá ríkti engu
að síður fögnuður í hjarta hennar þegar Fáskrúðs-
íjörður var kvaddur. Heinrich Grohmann, Anne
dóttir hans og Bertha Stapel sigldu á brott frá
Fáskrúðsfirði með gufuskipinu Vesta hinn 25.
ágúst 1905.
Hér verður ekki fjallað nánar um dagbókarskrif
fröken Stapel en lesendur geta átt von á ítarlegri
skrifum um þau í væntanlegri hvalveiðisögu og
ekki síður í sögu Fáskrúðsfjarðar sem nú er hafin
vinna við.
Höfundur vinnur að ritun hvalveiðisögu Islands
og sögu Fáskrúðsjjarðar.

Blaðsiða í dagbók frðken Stapel.
.34