Neytendablaðið - 01.10.2009, Blaðsíða 3

Frá leiðbeininga-
og kvörtunarfljónustunni
Þarftu að framkvæma?
Mundu að gera skriflega samning!
Oft kemur fyrir að leitað er til Neytendasamtakanna vegna ágrein­
ings um kaup á þjónustu. Þessi ágreiningur getur t.a.m. stafað af því
að fólk hefur fengið iðnaðarmenn heim til sín eða farið með hlut,
bíl eða raftæki í viðgerð. Sjaldnast eru gerðir skriflegir samningar
um slík verk sem gerir sönnunarstöðu aðila mjög erfiða ef kemur
til deilna.
Deilur geta t.d. skapast af því að ekki var samið um verð eða tíma­
kaup fyrirfram og getur þá verið erfitt fyrir neytandann að sanna
að uppsett verð sé ósanngjarnt. Einnig er algengt að verkið reynist
stærra en talið var við upphaf þess, eða að neytandinn biður selj­
anda þjónustunnar að inna af hendi einhver viðbótarverk. Stundum
eru slík verk nauðsynleg og í beinum tengslum við verkið sem
samið var um, t.d. ef færa þarf lagnir til að koma upp sturtuklefa,
en í öðrum tilvikum er um að ræða óskyld verk sem neytandinn
biður um að gerð séu fyrst framkvæmdir eru á annað borð farnar
af stað. Þá er algengt að deilt sé um umsamin verklok, þ.e. viðgerð
eða framkvæmdir dragast úr hömlu og aðilum ber ekki saman um
hvenær þeim átti að vera lokið.
Neytendasamtökin hvetja neytendur og seljendur þjónustu til að
setja helstu atriði samnings niður á blað áður en hafist er handa.
Þar getur t.a.m. komið fram hver er áætlaður kostnaður við verkið,
hvað eigi að gera, og hvenær verkinu eigi að vera lokið. Það getur
forðað bæði kaupanda og seljanda þjónustunnar frá miklum óþæg­
indum að vera með slíkan samning í höndunum.
Á heimasíðu Neytendasamtakanna, www.ns.is, er að finna samn­
ingseyðublað (ásamt útdrætti úr helstu reglum laga um þjónustu­
kaup) sem nýst getur vel til þessa, en eyðublaðið var sett saman að
frumkvæði viðskiptaráðuneytisins.
Flýtimeðferð á viðgerð
þurfa neytendur að greiða fyrir slíkt?
Þegar vara reynist gölluð og neytandi leitar til seljanda eftir
úrbótum er mismunandi hversu langan tíma seljandi áætlar
í viðgerð og í vissum tilfellum er neytendum boðið upp á
sérstaka flýtimeðferð gegn þóknun. Í tengslum við þetta er
rétt að árétta að þegar söluhlutur er gallaður og neytandi ber
fyrir sig gallann innan kvörtunarfrestsins ber seljanda að bæta
úr honum á eigin kostnað. Þessi viðgerð á því ekki að leiða
til kostnaðar fyrir neytanda. Seljanda ber auk þess að bæta
úr gallanum innan hæfilegs tíma. Ef viðgerðin stendur yfir í
meira en viku getur neytandi krafist þess að fá sambærilegan
hlut til umráða á kostnað seljanda, ef slíkt telst sanngjarnt
með hliðsjón af þörfum neytandans og þeim kostnaði sem það
hefur í för með sér fyrir seljanda. Neytandi verður því ekki að
greiða gjald fyrir flýtimeðferð nema hann vilji það, enda getur
hann átt rétt á að fá lánshlut ef viðgerðin hefur staðið yfir í
viku. Ef neytendur kjósa að greiða fyrir sérstaka flýtimeðferð
verða þeir að hafa í huga að slík þóknun leiðir ekki endilegra
til betri þjónustu. Þess eru dæmi að neytendur hafa greitt
fyrir flýtimeðferð en samt ekki fengið bætt úr gallanum innan
viku. Neytendasamtökin vilja því hvetja neytendur til að hafa
varann á þegar kemur að þess háttar þóknun og hafa í huga
rétt sinn, sem er að fá úrbætur á galla innan hæfilegs tíma.
Skortur
á SodaStream flöskum
Neytendasamtökin hafa fengið ábendingar um að flöskur
í eldri gerðir SodaStream tækja séu ófáanlegar. Þykir fólki
þetta heldur hvimleitt enda sitja margir uppi með stráheil tæki
sem eru ónothæf þar sem flöskurnar vantar. Samtökin sendu
því fyrirspurn til Vífilfells og hér að neðan má sjá svar fyrir­
tækisins:
Vífilfell er ekki lengur umboðsaðili fyrir SodaStream vörur á
Íslandi og er það ástæðan fyrir því að við höfum ekki fengið
afgreiddar flöskur í eldri gerðir tækja um nokkurt skeið.
Við höfum hins vegar unnið við að finna flöskur frá öðrum
framleiðanda sem passa í tækin þannig að við getum áfram
þjónað þeim fjölmörgu viðskiptavinum sem eiga eldri gerðir
tækja. Flöskur sem passa í tækin hafa verið pantaðar og eru
væntanlegar til landsins og verða fyrst um sinn seldar hjá
Vífilfelli. Vífilfell mun áfram þjóna neytendum með gashylki í
SodaStream og aðrar gerðir tækja og eru þau fáanleg í flestum
matvöruverslunum.
 NEYTENDABLA‹I‹ 3. TBL. 2009