Neytendablaðið - 01.12.2008, Blaðsíða 8

Það er hægt að gefa jólagjafir sem kosta
ekki mikið en sýna hlýhug og væntum-
þykju. Hér eru nokkrar hugmyndir:
Gjafakort þar sem gefandi býðst til að
inna einhverja vinnu af hendi s.s.: moka
snjó, þvo glugga, hjálpa til við garðverk in,
bóna bílinn og pússa silfrið. Hægt er að
skoða ítarlegan lista á landvernd.is en þar
eru fjölmargar ráðleggingar um vistvænar
jólagjafir.
Margir eru duglegir við að sulta og
heimagerðar sultur í fallegum krukkur geta
verið góð gjöf. Einnig er hægt að gera líkjör
úr t.d. berjum en að því þarf að huga strax
að hausti.
Hannyrðir eru í tísku sem aldrei fyrr og
sérstaklega er íslenski lopinn vinsæll. Það
er því upplagt að prjóna jólagjafir. Það
hafa allir not fyrir hlýja vettlinga, sokka,
trefla og húfur. Þá gæti verið sniðugt að
gefa fólki sem er hrifið af hannyrðum garn,
prjóna eða jafnvel námskeið sem margar
hannyrðaverslanir standa fyrir.
Blóm eru alltaf falleg gjöf. Það er tilvalið
að koma til afleggjurum og gefa síðan
þegar plantan er komin vel á legg. Einnig
má setja niður ýmsa steina, s.s. sítrónu­ og
appelsínusteina, og rækta þannig plöntur.
Hér má sjá blómlega ræktun en hér hefur
tekist að koma á legg Lísu, sítrónutré,
hawaiirós og avókadóplöntu.
„Íslensk hönnun“ varð fyrir valinu hjá Rann­
sóknarsetri verslunarinnar, en í Svíþjóð
völdu systrasamtök Verslunar og þjónustu
„upp lifun“ sem jólagjöf ársins. Upplifun
getur verið hagkvæm og vistvæn gjöf, eins
og útilega eða leikhúsferð, eða jafnvel táslu­
þvottur og handsnyrting framkvæmd af
gef anda.
Jólagjafir
– sniðugar, hagkvæmar og vistvænar
Baráttan við höfuðlúsina
Norrænt lúsamálþing var haldið í Svíþjóð þann 17. nóvember
sl. Þar voru kynntar rannsóknir á lúsadrepandi efnum sem hafa
verið á markaðinum um nokkurt skeið en lýsnar virðast nú vera
orðnar ónæmar fyrir þessum efnum. Þetta kemur fram á heima­
síðu Landlæknisembættisins. Á fundinum var stofnaður sam starfs­
hópur höfuðlúsasérfræðinga, einn frá hverju landi. Mark mið
samstarfshópsins er að samræma meðferðarleiðbeiningar, standa
saman að rannsóknum til að auka þekkingu og skilning á höfuð­
lúsinni, samræma átaksverkefni og þjálfun þeirra sem koma að
slíkum málum og halda uppi umræðu um málefnið.
Lúsalyf geta innihaldið ýmis eiturefni sem geta verið varasöm.
Neytendablaðið vill minna á að helsti óvinur lúsarinnar er lúsa­
kamburinn sjálfur, að því tilskyldu að réttri meðferð sé beitt. Bug
Busting er aðferð sem breska góðgerðastofnunin Community
Hygiene Concern þróaði. Mikilvægast er að fylgja tímaáætlun í
lúsakembingu sem gengur út á að rjúfa lífshring lúsarinnar. Allt um
þetta er að finna á heimasíðunni www.chc.org.
Fram kom í nýrri athugun dönsku ofnæmissamtakanna
Videncenter for Allergi að margir farsímar innihalda
nikkel. Fólk sem er með ofnæmi fyrir nikkel þarf að hafa
mikið fyrir því að forðast efnið en það getur m.a. verið að
finna í skartgripum, hnöppum, hurðarhúnum og lykl um,
að ógleymdum farsímum.
Um það bil 20% símanna sem skoðaðir voru innihéldu
nikkel. Þeir sem hafa fengið ofnæmisviðbrögð eftir notk un
farsíma eiga það yfirleitt sameiginlegt að nota símann
mikið. Þar sem flestir símar innihalda ekki nikkel er ljóst
að það er hægt að framleiða nikkelfría síma og er það að
sjálfsögðu krafa neytendasamtaka.
Á heimasíðunni www.videncenterforallergy.dk má finna
mikið af áhugaverðum upplýsingum um ofnæmi.
Nikkel í farsímum
8 NEYTENDABLA‹I‹ 4. TBL. 2008