Neytendablaðið - 01.12.2008, Síða 14

Kostir LCD- og plasmaflatskjártækja
um fram hefðbundin myndlampasjón-
varpstæki (CRT) eru margir. Nýju skjáirnir
eru þynnri (oft 10-15 cm) og léttari.
Tækin taka lítið pláss en geta þó verið með
langtum stærri skjái en CRT-tæki, þau má
hengja nær hvar sem er (enda eru þau oft
kölluð veggsjónvörp) og það er auðvelt að
flytja þau. Loks nota þau minna rafmagn
en CRT-tæki og endast lengi, að meðaltali
í um 60.000 klst. Það eru um 25 ár miðað
við 5 klst. notkun á dag. Hefðbundið CRT-
tæki endist í 15.000 - 30.000 klst. Einn
fárra ókosta er að flatskjártæki eru dýr.
Markaðskönnun Neytendablaðsins
Neytendablaðið kannaði í lok október stór
flatskjársjónvarpstæki á íslenska mark­
aðnum. Mikið framboð reyndist vera af
slíkum gripum, eða 159 mismunandi
gerð ir. Skjáirnir voru á stærðarbilinu 32­65
tommur (mælt horn í horn myndflatar).
Nú eru sjónvarpstæki með flatskjáum
ráðandi á markaðnum og skiptast þau í
tvo flokka eftir gerð skjásins; annars vegar
tæki með LCD­skjá og hins vegar tæki með
plasmaskjá.
Fleiri gerðir reyndust til með LCD­skjáum,
eða alls 136. Af þeim voru 59 með
raunverulegan háskerpuskjá (HDTV, 1080
láréttar línur eða fleiri).
Af plasma­skjáum voru 40 gerðir á
boð stólum. Af þeim voru 23 með háskerpu.
• Tvær dýrustu LCD­gerðirnar voru frá
Bang & Olufsen og sú dýrasta kostaði
um eina og hálfa milljón króna. (BO
BeoVision 7, 40 tommur).
• Ódýrustu LCD­tækin voru Dantax 32
LCD V 7, sem fékkst á kr. 89.989 í Max
(32 tommur), og Mirai DTL 632 E 500,
sem fékkst á kr. 99.000 hjá Svartækni
(32 tommur).
• Tvær dýrustu plasmagerðirnar voru líka
frá Bang & Olufsen og kostaði sú dýrari
3,2 milljónir kr. (BO BeoVision 4, 65
tommur).
• Ódýrustu plasmatækin voru LG 32 PG
6000, sem kostaði kr. 139.995 í Elko (32
tommur), og Panasonic TH 42 PX 7, sem
fékkst á kr.159.900 í Elko (42 tommur).
Markaðskönnunin er birt í heild á vef
Neytendasamtakanna, www.ns.is. Í könn­
uninni er greint frá seljanda, staðgreiðslu­
verði, stærð skjásins og hvort tækið er
með raunverulegri háskerpu (HDTV) eða er
háskerpumeðvitað (HD Ready).
Gæðakönnun ICRT
Rannsóknarstofur International Consumer
Research and Testing (ICRT) fylgjast stöðugt
með sjónvarpstækjamarkaðnum. Hérlendis
fengust í lok október alls 46 gerðir af þeim
sem ICRT hefur kannað á árinu; 41 LCD­
tæki og fimm plasma­tæki. Neytendablaðið
birtir hér töflu með upplýsingum úr gæða­
könnuninni varðandi þessi tæki og ýmislegt
fleira.
Hæstu heildargæðaeinkunn þeirra LCD­
tækja sem ICRT kannaði og eru á markaði
hér hlaut Panasonic TX 32­ LX70F sem
fékkst á kr. 169.990 í Sjónvarpsmiðstöðinni.
Það er hagstætt verð fyrir slíkan gæðagrip.
Skjárinn er í smærra lagi og býður ekki upp
á fulla háskerpu. Einkunnirnar fær tækið
hins vegar fyrir að skila sínu mjög vel.
Hæstu heildareinkunn plasmatækja hlaut
að þessu sinni Panasonic TH­ 42 PZ 700 E
sem kostaði kr. 279.900 í Elko. Þetta er 42
tommu tæki með fullri háskerpu.
Hvað er háskerpa?
Algengasta sjónvarpsupplausn í okkar
heimshluta hefur fram á síðustu ár verið
480 láréttar línur. Almennt er miðað við að
til að tæki geti kallast háskerputæki verði
aftari talan í upplýsingum um upplausn
skjásins að vera að lágmarki 720, til
dæm is 1024x768 eða 1920x1080. Aftari
tal an gefur til kynna fjölda láréttra lína á
skján um.
Tiltölulega lítið er um háskerpuútsendingar
sjónvarpsstöðva ennþá. Hins vegar sýna
háskerpuskjáirnir mikla kosti þegar þeir eru
fóðraðir á HD­DVD­diskum eða blágeisla
(Blu­Ray), sem er nýjasta og skarpasta gerð
geisladiska.
Flókið er að lýsa öllum þeim þáttum sem
hafa áhrif á myndgæði sjónvarpstækja.
Upplausn á skjá er ekki alltaf mikilvægust en
skiptir meira máli eftir því sem skjáirnir eru
stærri. Skjár með upplausnina 1920x1080
kann að skila lakari myndgæðum en skjár
með upplausnina 1024x768.
Varðandi myndgæði koma við sögu margir
liðir sem hafa áhrif. Nefna má hæfni
tækisins til að sýna viðunandi birtuskil
(kontrast) og litadýpt. Mikill glampi eða
endurkast af sjónvarpsskjá er galli sem fáir
íhuga kannski nægilega við kaup.
Hvað eru 1080 p og i ?
Skammstafanirnar 1080p og 1080i varð­
andi sjónvarpstæki og ­skjái staðfesta að
búnaðurinn sé háskerputæki í hæsta gæða­
flokki á markaði með tæki sem nú eru
fáanleg fyrir almenning (high­definition
television, HDTV). Talan 1080 er fjöldi
láréttra lína á skjánum. Stafirnir p og i
(pro gressive scan, interlaced scan) vísa til
tækni sem birtir myndirnar.
Um svona nútíma háskerpusjónvarpsbúnað
eru oft notuð orð eins og Full HD, Full High
Definition eða Complete High­Definition.
Þetta eru auglýsingaslagorð frekar en raun­
veruleiki, því miklu meiri háskerpa er í
stafrænum bíómyndum og hún er líka fyrir­
sjáanleg í heimilissjónvörpum framtíðar
(ultra­high definition video).
Hvað er HD-ready?
Merkingin HD Ready, sem kannski
mætti nefna „háskerpureiðubúið“ eða
„há skerpu með vitað“, er oft sett á tæki
sem sýna 720 láréttar línur eða fleiri,
Stór sjónvarpstæki
með flatskjám
14 NEYTENDABLA‹I‹ 4. TBL. 2008