Víkurfréttir - 05.09.2013, Page 28

fimmtudagurinn 5. september 2013 • VÍKURFRÉTTIR28
Margt var um manninn og mikil gleði ríkjandi í Sandgerðsdagavikunni sem nú er nýafstaðin.
Hátíðin heppnaðist einstaklega vel og var mikil og
góð þátttaka í öllum þeim fjölda viðburða sem fram
fóru. Á hápunkti hátíðarinnar á laugardagskvöld var
saman komið vel á annað þúsund manns á öllum aldri
sem skemmti sér konunglega.
Um verkefnastjórn Sandgerðisdaga sá Kvennakór Suður-
nesja með Bergnýju Sævarsdóttur formann kórsins í
broddi fylkingar. Verkefnið fórst þessum samhenta hópi
kraftmikilla kvenna einstaklega vel úr hendi.
Eins og áður hafa einstaklingar, fyrirtæki og stofnanir
lagt Sandgerðisdögum lið með fjárframlögum, við-
burðum og veitingum.
Fyrir hönd bæjarstjórnar og ferða- og menningarráðs
Sandgerðisbæjar er öllum þeim sem lögðu Sandgerðis-
dögum lið færðar bestu þakkir. Þá er öllum bæjarbúum
þakkað sérstaklega fyrir að gera góða hátíð betri.
Sigrún Árnadóttir, bæjarstjóri.
Mikil gleði á
Sandgerðisdögum