Víkurfréttir - 05.09.2013, Qupperneq 40

fimmtudagurinn 5. september 2013 • VÍKURFRÉTTIR40
pÓSTKASSINN
Ásmundur Friðriksson alþingismaður skrifar:
Ég vil eiga við ykkur samstarf
Ég vil þakka allar góðar
kveðjur og óskir
um velgengni
í starfi frá fjöl-
mörgum Sunn-
lendingum sl.
vikur og mán-
uði. Það eru við-
brigði að vera
orðinn þingmaður í stóru kjör-
dæmi þar sem flóra atvinnu- og
mannlífs er blómstrandi og stór.
Ég legg mig fram um að ná nýjum
tengingum í kjördæminu og
virkja gömul og góð tengsl. Það
er mér mikilvægt til að geta sinnt
sem best þeim skyldum sem á mér
hvíla fyrir kjördæmið að fólkið,
forystumenn í atvinnulífi og
sveitarstjórnum hafi við mig sam-
band og haldi mér upplýstum. Ég
er að átta mig á hvernig ég held
bestu sambandi við fólkið í kjör-
dæminu og finn taktinn í því með
fólkinu. Ég hef ákveðið að vera
með fastan viðverutíma á Selfossi
annan föstudag í hverjum mán-
uði en Suðurnesjamenn geta náð í
mig hvenær sem er, litið við í kaffi
hér heima eða boðið mér á vinnu-
staði eða aðra staði sem henta.
Einstaklingar, sveitarstjórnar-
menn og atvinnurekendur geta
pantað viðtalstíma eða óskað eftir
því að ég líti við hjá þeim eftir
hentugleikum. Ég er hreyfanlegur
og hef gaman af því að ferðast og
hitta fólkið hvar sem það býr og
mun nýta tímann líka til heim-
sókna. Ég hvet ykkur til að hafa
samband þegar ykkur hentar.
Það var ánægjuleg reynsla að setjast
á þing og taka þátt í störfum þess.
Glíman við ræðupúltið tók ekki
verulega á mig en jómfrúarræða
þingmanna er meira mál en ég
ætlaði. Samþingmenn fagna þeim
sem flytur sína fyrstu ræðu með
hamingjuóskum og þeirri ræðu
er aldrei svarað. Nokkrar ferðir í
púltið tókust vel og best að fara ró-
lega af stað og ræða mál sem maður
gjörþekkir.
Ræðutíminn „Störf þingsins“ er
tvisvar í viku og þá geta þingmenn
rætt hvað sem þeim liggur á hjarta.
Ég talaði tvisvar undir þessum lið,
um 40 ára goslokaafmælið í Eyjum
og um orku- og atvinnumál og
svarta atvinnustarfsemi. Merkilegt
hvað margir þingmenn ræddu um
svarta atvinnustarfsemi sem segir
sína sögu. Við þekkjum öll hvernig
slík starfsemi grefur undan trú-
verðugleika atvinnulífsins og grein-
anna og mikilvægt að uppræta slíka
starfsemi sem hefur aukist í samfé-
laginu vegna hárra skatta. Þá ræddi
ég og spurði iðnaðarráðherra um
kostnað á orku og orkuflutningum
fyrir orkusækin lítil og meðal-
stór fyrirtæki. Það er verkefni að
koma til móts við þá mikilvægu
atvinnustarfsemi með því að nýta
ódýra endurnýjanlega orku til að
efla þær greinar. Um það hafa verið
sögð mörg orð en nú er komið að
efndum, ég mun leggja mitt lóð á
þá vogarskál. Ég ræddi um stöðu
Suðurnesja í greinum og ræðu fyrir
kosningar. Hvernig svæðið hefur
orðið eftir þegar kemur að því að
deila út fjármunum til einstakra
málaflokka eins og menntunar,
heilbrigðisþjónustu, málefna aldr-
aðra og atvinnuþróunar. Ég hef sent
fjármálaráðherra póst með upp-
lýsingum um þennan mismun þar
sem ég fer yfir þessi mál og óskaði
eftir því að þegar verði hafist handa
með að leiðrétta þetta óréttlæti
sem Suðurnesin búa við. Það mun
taka tíma en það verður að hefja
þá leiðréttingu sem fyrst. Þá hef ég
lagt vinnu í uppbyggingu atvinnu á
svæðinu og lagt áherslu á að koma
álverinu í Helguvík af stað. Von-
andi að sú vinna skili árangri og ég
er tilbúinn að leggja þeim málum
frekari lið verði eftir því óskað.
Framundan eru mikilvægir tímar
fyrir okkur öll. Atvinnulífið verður
að koma fjárfestingum af stað í
takt við lækkaða skatta og velviljað
ríkisvald sem vill hleypa lífi í vinnu-
markaðinn. Rísa undir loforðum
um bætta stöðu heimila og lækka
skuldir sem er eitt helsta kosninga-
loforðið. Forsætisráðherra lagði
fram frumvarp á sumarþinginu í
10 liðum og verkefnið er komið
af stað. Við bíðum öll og sjáum til
hvað kemur út úr þeirri vinnu. Ég
segi að mikilvægast er að staðið
verði við dagsetningar í þeirri
vinnu en henni á að ljúka í haust
og byrjun nýs árs. Þá eiga mikilvæg
skilaboð um stöðu heimilanna og
lækkun kostnaðar að fylgja fjár-
lagafrumvarpinu eins og afturkall-
anir skerðinga á kjörum aldraðra
og öryrkja sem eiga að ganga til
baka á kjörtímabilinu. Ég tel mjög
mikilvægt að í upphafi nýs veiði-
árs verði kvótinn aukinn og það
verulega. Ég hef ekki farið dult með
þá skoðun í þingflokknum, í At-
vinnuveganefndinni og í samtölum
við stjórnarsinna í þinginu.
Það hefur gefið mér fleiri tækifæri
sem þingmaður að taka meiri þátt
í lífi fólksins í sveitunum og bæj-
unum. Fjölmargar bæjarhátíðir eru
vel sóttar og til fyrirmyndar hve vel
er staðið að öllum hlutum. Þrátt
fyrir góðan vilja og yfirferð næst
ekki að mæta á öllum stöðum en
stefnan er að hafa sótt allar hátíðir í
kjördæminu á kjörtímabilinu.
Ég vil eiga við ykkur samstarf og
reyni eftir megni að ferðast um
kjördæmið en það virkar ekki bara
aðra leiðina. Það er auðvelt að ná
í mig og ég er alltaf tilbúinn að
hlusta og sjá hvort við getum ekki
leyst hnúta saman. Orð eru til alls
fyrst og ég hlakka til samstarfsins
með ykkur.
Með vinsemd
Ásmundur Friðriksson
asmundurf@althingi.is
sími 5630500,- 8943900
Íb ú a r Reykjanes-
b æ j a r h a f a
skapað fallegt
u m h v e r f i
hér í bæ og
er u ný l e g ar
v i ð u r k e n n -
i n g a r s e m
veittar voru fyrir fallegustu
garða og snyrtilegustu fyrirtæki
bæjarins góð dæmi og hvatning
til okkar allra um að huga vel að
umhverfinu.
Á undanförnum árum hefur
áhersla verið lögð á fegrun um-
hverfisins og auka þannig lífsgæði
bæjarbúa. Strandleiðin sem nú
er 8 kílómetra löng er dæmi um
verkefni sem bæði prýðir bæinn
okkar og auðveldar fólki á öllum
aldri að njóta útiveru í fallegu
umhverfi.
Græn svæði skapa umgjörð fyrir
útivist
Skrúðgarðurinn í Keflavík hefur
fengið andlitslyftingu sem var
orðin tímabær. Breytingarnar
felast m.a. í auknum gróðri,
hreyfitækum og fleiri bekkjum
auk þess sem vatn hefur verið sett
á tjörnina. Garðurinn er sann-
kölluð vin í miðbænum og gaman
að er að sjá að breytingarnar hafa
orðið til þess að mun meira líf er
í skrúðgarðinum en áður. Skrúð-
garðurinn í Njarðvík fékk einnig
andlitslyftingu með hreyfitækum
sem hafa hlotið góðar viðtökur.
Aðgengi íbúa að opnum grænum
svæðum er mikilvægur þáttur í
þróun þéttbýlis og eru breytingar
sem gerðar hafa verið við skrúð-
garðana skref í þá átt.
Hreyfigarðar sem nýlega voru
settir upp eru frábært tækifæri
fyrir unga sem aldna til að njóta
fjölbreyttrar hreyfingar undir
beru lofti.
Á þessu ári og því síðasta hafa 300
aspir verið gróðursettar og setja
þær skemmtilegan svip á bæinn.
Starfsfólk Þjónustumiðstöðvar og
garðyrkjudeildar Reykjanesbæjar
hefur unnið frábært starf við að
auka gróður auk þess sem áhersla
hefur verið lögð á að slá og hreinsa
opin svæði. Hvergi hefur verið
gefið eftir í þeim efnum.
Unnið er að umhverfisbótum
við smábátahöfnina í Grófinni
og munu þær setja skemmti-
legan svip á hafnarsvæðið sem
er vinsæll áfangastaður á meðal
heimafólks og gesta.
Vatnstankurinn verður alþjóðlegt
umhverfislistaverk
Framvæmdir við vatnstankinn
í Vatnsholti hafa sennilega ekki
farið framhjá mörgum, en þar
vinnur alþjóðlegur listamann-
hópur er nefnast Toyistar útilista-
verk á tankinn sjálfan. Hópurinn
vinnur við að endurbæta gömul
mannvirki og breyta þeim í lista-
verk og hefur unnið við svipuð
verkefni víða um heim. Í verk-
inu tengjast myndlist og um-
hverfisvernd á hátt sem mun án
efa vekja athygli.
Verkefnið tengist einnig vinnu
Toyistanna að svipuðum verk-
efnum í öðrum löndum og þannig
verður til tenging á milli stað-
anna. Tankurinn verður einstakt
verk í íslenskum veruleika, en um
leið hluti af alþjóðlegri keðju og
táknrænn fyrir umhverfisvernd.
Umhverfislistaverk eru góð leið
til að nýta það sem fyrir er en og
stuðla samtímis að listsköpun og
áhugaverðu umhverfi.
Hlutverk hringtorga er fyrst og
fremst að auka umferðaröryggi.
Torgin eru jafnframt til mikillar
prýði en nokkur þeirra skarta úti-
listaverkum. Nýtt torg er staðsett
á gatnamótum Sunnubrautar og
Þjóðbrautar þar sem mikil þörf
var á að bæta umferðaröryggi.
Torgið mun bera heitið Parísar-
torg og þar verður listaverk sem
ber heitið Snúinn Eiffelturn.
Listamaðurinn Stefán Geir Karls-
son á heiðurinn af verkinu.
Flug sem er listaverk eftir lista-
manninn Erling Jónsson verður
staðsett á hringtorginu á gatna-
mótum Aðalgötu og Iðavalla.
Verkið mun án efa vekja athygli
og gleðja vegfarendur, en þegar
vindurinn blæs um verkið, hvín í
pípunum eins og um lifandi veru
sé að ræða.
Bergrisinn er umhverfislistaverk
sem unnið er að þessa dagana.
Listamaðurinn Jón Adólf stýrir
verkinu, en Bergrisinn er unninn
úr grjóti úr Helguvík. Verkið sem
verður 8 metra hátt mun standa á
bryggjunni norðan við Víkinga-
heima sem eru einn af okkar
mikilvægustu seglum í ferðaþjón-
ustu.
Ný bæjarhlið við innkomuleiðir
bæjarins bjóða bæjarbúa og gesti
velkomna. Hliðin eru táknræn
fyrir áherslu bæjarbúa á snyrtilegt
og fallegt umhverfi sem mun án
efa vekja athygli gesta okkar á
Ljósanótt.
Magnea Guðmundsdóttir
Bæjarfulltrúi Sjálfstæðisflokks-
ins og formaður umhverfis- og
skipulagsráðs.
Magnea Guðmundsdóttir skrifar:
Umhverfismál
í fyrirrúmi
– græn svæði og umhverfislistaverk
Hún er fjörug umr æ ðan
í höfuðborginni
um hvort flug-
völlur eigi að
vera í Vatnsmýri
t i l f r a m t í ð a r
eður ei. Stuðn-
ingsmenn flug-
vallar í Vatns-
mýri hafa farið mikinn á síðunni
lending.is og hafa þar safnað yfir
64.000 undirskriftum til stuðn-
ings þess að halda flugvellinum
í Vatnsmýri til framtíðar undir
slagorðinu „Hjartað slær í Vatns-
mýri“.
Rökin fyrir því að halda flugvell-
inum í Vatnsmýri eru fjölmörg
enda sá valkostur sem næstur er í
umræðunni er alls ekki góður, að
byggja nýjan innanlandsflugvöll á
Hólmsheiði.
Þegar svona umræða fer af stað væri
ekki úr vegi að sveitastjórnarmenn
á Suðurnesjum bentu þjóðinni á
þá góðu kosti sem eru til staðar
hér á Keflavíkurflugvelli og að eini
raunhæfi kosturinn til framtíðar
sé að innanlandsflug verði flutt til
Keflavíkurflugvallar. Það er nefni-
lega ekki verið að flytja bara flug-
völl heldur er verið að flytja störf
sem eru talin í hundruðum ef ekki
þúsundum. Það væri í raun ekki
síðri fengur en álver í Helguvík.
Mikill vöxtur er í ferðaþjónustunni
um allt land. Hvergi kemur fram
í umræðunni um innanlandsflug
hvaða kostir gætu fylgt því að flytja
innanlandsflugið til Keflavíkur.
Verðmæti þess fyrir landsbyggðina
að erlendir ferðamenn taki beint
tengiflug úr Keflavík til Ísafjarðar,
Akureyrar, Egilsstaða, Hafnar eða
Húsavíkur. Í ferðaþjónustunni er
verið að vinna að verkefninu „Ís-
land allt árið“. Beint tengiflug til
þessara staða í gegnum Keflavík er
mikilvægt skref til að byggja ferða-
þjónustu á ársgrundvelli á lands-
byggðinni.
Takist þetta allt saman vel er ekki
loku fyrir það skotið að öflugustu
fyrirtæki landsins í flugstarfsemi
sjái sér þann kost vænstan að flytja
höfuðstöðvar sínar til Keflavíkur.
Málinu til stuðnings hafa aðilar í
ferðaþjónustu á Suðurnesjum sent
Kadeco (þróunarfélagi Keflavíkur-
flugvallar) umsókn um lóð fyrir
nýja flugstöð á Keflavíkurflugvelli,
með það að markmiði til framtíðar
að auka flugumferð um Keflavíkur-
flugvöll, landinu öllu til hagsbóta.
Ég hvet ykkkur til þess að taka
þátt í umræðunni og skoða síðuna
lending.is. Öll þau rök sem þar
eru lögð fram fyrir því að halda
flugvelli í Vatnsmýri, eru jafngóð
ef ekki betri sé sett Keflavík í stað-
inn. Reykjavíkurborg hefur kastað
upp bolta um flutning fjölda starfa.
Reynum að ná þessum störfum til
Suðurnesja.
Margeir Vilhjálmsson
Margeir Vilhjálmsson skrifar:
Lending í Keflavík