Víkurfréttir - 05.09.2013, Side 46

fimmtudagurinn 5. september 2013 • VÍKURFRÉTTIR46
SPORTIÐ
ALLIR Í KÖRFU
Ængar byrjaðar hjá yngri okkum
körfuknattleiksdeildar UMFN
Ængataan er á heimasíðu félagsins, www.umfn.is/korfubolti
Skráning iðkenda á netinu á slóðinni  https://umfn.felog.is
Foreldrafundur á sal Njarðvíkurskóla þriðjudaginn
10. september kl. 19:30 þar sem þjálfarar verða kynntir,
farið yr mótaskipulag o.  
Allir foreldrar iðkenda hvattir til að mæta.
Komdu í körfu - Unglingaráð KKD UMFN
„Sjálfstraustið hefur aukist jafnt og þétt í
sumar, og mér líður núna þannig að ég eigi
heima á meðal þeirra bestu,“ segir Karen
Guðnadóttir afrekskylfingur úr Golfklúbbi
Suðurnesja. Karen tapaði naumlega í bráð-
bana um sigurinn á Nettómótinu um sl. helgi
sem fram fór á Hólmsvelli í Leiru.
Valdís Þóra Jónsdóttir úr Leyni stóð uppi sem
sigurvegari eftir að hún og Karen höfðu leikið
16. braut þrívegis í bráðbana um sigurinn.
Mótið var lokamótið á Eimskipsmótaröðinni á
þessu tímabili og var þetta í þriðja sinn á þessu
tímabili sem Karen náði á verðlaunapall.
Karen, sem verður 21 árs á þessu ári, hefur
bætt sig jafnt og þétt í sumar og hefur forgjöf
hennar farið úr 3,2 í 1,6. „Ég held að hugar-
farið sé það sem hefur breyst mest hjá mér. Ingi
Rúnar Gíslason, þjálfarinn minn, hefur unnið
með mér í því að bæta sjálfstraustið. Ég fer í
þessi mót fyrir sjálfa mig, og er hætt að stressa
mig á hlutum sem fóru stundum alveg með mig
áður.“
Lokahringurinn hjá Karen var glæsilegur en
hún lék á einu höggi undir pari vallar eða 71
höggi. „Ég fékk þrjá fugla í röð, á 10., 11., og 12.
braut, og eftir það ákvað ég að halda áfram að
sækja og spila af krafti. Ég hef eiginlega aldrei
náð að klára hring og koma inn á almennilegu
skori. Þetta er því ánægjuleg niðurstaða – en ég
hefði að sjálfsögðu viljað ná alla leið og sigra.“
Karen endaði í þriðja sæti á stigalistanum á
Eimskipsmótaröðinni og er það besti árangur
hennar á ferlinum.
Suðurnesjakonan ætlar að taka golfið alvarlega í
vetur samhliða starfi sínu sem stuðningsfulltrúi
í Holtaskóla í Reykjanesbæ. Hún var á leið í
fyrsta tímann hjá einkaþjálfara þegar viðtalið
var tekið og var tilhlökkun í rödd hennar fyrir
þau átök. „Líkamlegi þátturinn verður aðal-
áhersluatriðið í vetur. Ég ætla að fara alla leið
með þetta og breyta nokkrum hlutum til þess
að verða enn betri,“ sagði Karen Guðnadóttir.
Karen ætlar sér
enn lengra í golfinu
Ekkert blóð, engin villa
-Ljósanæturmót í „Streetball“ komið til þess að vera
Keflvíkingurinn Magnús Þór Gunnarsson man þá gömlu
góðu daga þegar götukörfubolti,
eða „Streetball“ eins og það nefn-
ist á enskunni, blómstraði á Ís-
landi. Magnús og félagar hans í
meistaraflokki Keflavíkur ætla
að standa fyrir slíku móti um
Ljósanótt þar sem leikið verður
„þrír á þrjá“.
Magnús ætlar sjálfur ekki að leika
en hann býst við hörku á mótinu.
„Þar er spilað upp á stoltið og eins og sagt er, „no blood, no foul,“
segir Magnús og hlær en það myndi útleggjast á íslensku sem, „ekk-
ert blóð, engin villa“. Magnús man eftir því að hafa tekið þátt í slíkum
mótum á sínum yngri árum og rifjar upp hve sætt það hafi verið að
vinna t.d. lið frá Njarðvík og fengið glæsileg verðlaun að auki. Vegleg
verðlaun verða veitt fyrir sigur í þessu móti og auk þess eru verðlaun
fyrir besta nafn á liði.
Mótið fer fram fyrir framan Holtaskóla og ef veður verður ekki hag-
stætt þá verður farið inn í íþróttahúsið við Sunnubraut. Þrír aldurs-
flokkar verða í mótinu og er leikið á eina körfu, þrír gegn þremur.
Magnús segir mikilvægt að kynna þetta form körfubolta fyrir yngri
kynslóðinni. „Það þarf að sýna þessum krökkum myndir á borð við
Above the Rim og White men can´t jump, þá skilja þau um hvað
þetta snýst. Ég vona hins vegar að þetta mót sé komið til þess að
vera,“ segir fyrirliði Keflvíkinga að lokum.
Mótið hefst klukkan 14:00 á föstudaginn 6. september. Skráning fer
fram með því að hafa samband við Magnús eða Sævar Sævarsson, á
póstföngin maggigun10@gmail.com eða saevar03@gmail.com.
Morgunverðarhlaðborð
á Ljósanótt
Körfuknattleiksdeild Keflavíkur mun bjóða upp á morgun-verðarhlaðborð á laugardeginum á Ljósanótt klukkan 10.00
- 13.00 í TM-Höllinni (Íþóttahúsinu við Sunnubraut).
Á boðstólum verður meðal annars egg, bacon, pylsur, rauðar baunir,
vöfflur, brauð og álegg ásamt glæsilegu ávaxtaborði. Tilvalið fyrir alla
gesti Ljósanætur, bæði heimamenn sem og gesti, að kíkja við fyrir
árgangagöngu og fá sér morgunmat og kaffi.
Hópar eru jafnframt hvattir til að koma og geta þeir pantað borð
fyrirfram í síma 869-6151 (Davíð). Frítt er fyrir 12 ára og yngri en
aðrir greiða 1.500 kr. á mann.
***
„Líkamlegi þátturinn verður
aðaláhersluatriðið í vetur“
Keflvískir
körfubolta-
menn safna
flöskum
Meistaraflokkur Kefla-víkur í körfubolta er á
leið í æfingaferð til Svíþjóðar í
næstu viku. Til að afla fjár ætla
leikmenn félagsins að ganga
í hús í bæjarfélaginu á mánu-
daginn og safna flöskum og
dósum.
Þeir sem vilja geta hringt í
662-2006 ef þeir vilja vera vissir
um að Keflvíkingar komi en
annars ætla þeir að vera dug-
legir og heimsækja sem flesta
eftir Ljósanæturhelgina.
Keppnin um sterkasta mann Suðurnesja hefur verið
haldin sleitulaust frá árinu 2003.
Nú virðist sem breyting verði
þar á en keppnin hefur verið
blásin af vegna dræmrar þátt-
töku. Sturla Ólafsson, formaður
lyftingardeildar Massa hefur haft
umsjón með keppninni undan-
farin ár. Hann hefur sjálfur tekið
þátt sjö sinnum í keppninni og
þekkir aflraunir inn og út. Hann
hefur unnið keppnina fimm
sinnum. „Mér sýnist svo að menn
séu meira bara „sterkir“ til sýnis
hérna,“ segir Sturla í samtali við
Víkurfréttir en það er augljóst að
hann er hissa á áhugaleysinu.
Hann segir að menn séu líklega
hræddir við að prófa eða við það að
mistakast. „Ég var sjálfur alveg með
hnút í maganum þegar ég prófaði
fyrst. Það mætir enginn alveg til-
búinn í sitt fyrsta mót. Þetta kemur
bara með reynslunni,“ segir Sturla.
Aðeins þrír keppendur voru skráðir
til leiks í ár en sem dæmi spreyttu
14 keppendur sig árið 2008.
Í fyrra var botninum náð en þá
skráðu sig sex keppendur til leiks.
Sturla segir að nægur efniviður
sé á Suðurnesjum, margir öflugir
menn sem geti gert góða hluti í
aflraunum. „Það vantar bara að
menn taki af skarið og láti vaða.
Við lærum jú af mistökunum. Ef
hugsunarhátturinn er svona þá er
alltaf hætta á að fyrsta mótið verði
þitt síðasta. Þannig er það í öllum
íþróttum.“
Verðlaun hafa yfirleitt verið vegleg
og mikil stemning hefur myndast á
mótunum. Sturla segist geta hugað
sér að hafa mótið opið á næsta ári
ef ekkert breytist. Þá sé þó hætta á
öflugum keppendum annars staðar
frá sem fæli jafnvel frekar heima-
mennina frá.
Menn hræddir við aflraunir
-Sterkasti maður Suðurnesja blásinn af