Fréttablaðið - 29.05.2015, Blaðsíða 16

29. maí 2015 FÖSTUDAGUR| SKOÐUN | 16
Liggurðu á skoðunum þínum? Það er algjör óþarfi .
Sendu greinina þína á greinar@visir.is
og við komum henni á framfæri hið snarasta.
Markaður Smáratorgi Outlet Grafarvogi
Ég fylgdi manninum
mínum í sérnám til Nor-
egs fyrir næstum 4 árum,
en til stóð að vera hér í 3-4
ár. Ég er líffræðingur með
sex ára menntun og um 14
ára starfsreynslu að baki.
Í síðasta mánuði rakst ég
á spennandi atvinnuaug-
lýsingu á Íslandi, sótti um
og fékk starfið. Vá hvað
ég var glöð og heppin! Í
atvinnuviðtalinu var ég
vöruð við að launin væru ekki upp
á marga fiska en spennan við að
flytja aftur heim yfirgnæfði þann
hluta viðtalsins.
Grein sem birtist á Vísi 18. maí
síðastliðinn (Náttúrufræðingar á
LSH, Una Bjarnadóttir) kom mér
svo „niður á jörðina“ aftur. Í starfi
mínu hér í Noregi sem ófagmennt-
aður aðstoðarmaður á bæjar-
reknum leikskóla fæ ég nefnilega
499.086 krónur í heildarlaun og
útborgað 321.106 krónur. Í mínu
tilvonandi nýja starfi á Landspít-
ala þar sem háskólamenntunar er
krafist eru heildarlaun samkvæmt
launatöflu um 334.485 krónur sam-
kvæmt mínum björtustu vonum.
Rosalegt vægast sagt.
Í samanburði á launum á Íslandi
og í Noregi er alltaf sagt „já en það
er nú allt annað svo miklu dýrara
í Noregi“. Þrátt fyrir það safnast
peningar á okkar banka-
reikning hér í Noregi, og
þá meina ég safnast þann-
ig að það er virkilega hægt að
leggja fyrir fyrst og kaupa svo!
Og ég tala nú ekki um að ferðast
og njóta lífsins.
Nú styttist í að ég byrji í nýrri
vinnu … ef verkfall leysist. Ég er
spennt en spyr sjálfa mig á hverj-
um degi hvort ég sé hugsanlega
mesti kjáni Íslandssögunnar eins
og vinir mínir á Íslandi segja mér.
Sé bara litið til ósanngjarnra launa
fyrir störf sem krefjast háskóla-
menntunar er svarið hiklaust já,
svona lætur maður ekki bjóða
sér. Fréttir undanfarið um auk-
inn fólksflótta frá Íslandi að nýju,
úff og já spillingin í stjórnmálun-
um, virðingarleysi fyrir umhverf-
inu okkar og fólkinu í landinu og
græðgi bankanna svo fátt sé nefnt
eru ekki til að bæta ímynd mína
við heimflutning. En kjáninn vill
heim til fjölskyldunnar.
Er ég mesti kjáni
Íslandssögunnar?
KJARAMÁL
María Björk
Steinarsdóttir
líff ræðingur
➜ Í atvinnuviðtalinu
var ég vöruð við að
launin væru ekki
upp á marga fi ska en
spennan við að fl ytja
aftur heim yfi rgnæfði
þann hluta viðtalsins.
Heilbrigðiskerfið verður
ekki rekið án hjúkrunar-
fræðinga sem standa við
hlið skjólstæðinga sinna
allan sólarhringinn allt
árið um kring. Stéttin er
sú fjölmennasta innan
heilbrigðiskerfisins og í
flestum löndum er litið á
hjúkrunarfræðinga sem
lykilstarfsmenn við efl-
ingu heilbrigðisþjónustu
í ljósi þekkingar þeirra
og hæfni.
Nú í verkfalli hjúkr-
unar fræðinga er mönnun víða sú
sama og á venjubundnum vinnu-
degi. Þetta staðfestir öryggis-
listi ríkisins. Þar er tiltekinn
sá fjöldi stöðugilda hjúkrunar-
fræðinga sem nauðsynlegur er
til að tryggja lágmarksöryggi
sjúklinga og sinna lífsbjargandi
þjónustu. Þessi slæma mönnun
heilbrigðisstofnana er tilkom-
in vegna skorts á hjúkrunar-
fræðingum. Víða hefur verið
veitt heimild til að fjölga hjúkr-
unarfræðingum á deildum en
þeir hafa ekki fengist til starfa.
Laus störf eru auglýst en eng-
inn sækir um. Hér er landlægur
skortur á hjúkrunarfræðingum
og hefur verið til fjölda ára eins
og Félag íslenskra hjúkrunar-
fræðinga hefur margoft bent á
og varað við ástandinu sem fer
hratt versnandi.
Margir hjúkrunarfræðing-
ar velja, því miður, að mennta
sig út úr stéttinni í leit að bætt-
um launum og betri vinnutíma.
Þeir sækja í annað háskólanám í
stað þess að sérhæfa sig
í hjúkrun og vinna við
fagið.
Á næstu þremur árum
geta 900 hjúkrunarfræð-
ingar látið af störfum
vegna aldurs. Á sama
tíma næst að mennta
tæplega 450 hjúkrun-
arfræðinga. Það þarf
ekki stærðfræðisnilling
til að sjá að þetta dæmi
gengur ekki upp. Ofan á
þetta bætist að íslensk-
ir hjúkrunarfræðingar,
í ljósi sinnar góðu menntunar
og hæfni, eru mjög eftirsóttir
til starfa erlendis. Sífellt fleiri
hjúkrunar fræðingar starfa
erlendis í lengri eða skemmri
tíma. Staðan er alvarleg. Auð-
veldlega geta allir íslensk-
ir hjúkrunarfræðingar fengið
vinnu erlendis og eftirspurnin
eykst. Sem dæmi má nefna að
á næstu fimm árum mun vanta
20.000 hjúkrunarfræðinga í Nor-
egi og um 650.000 hjúkrunar-
fræðinga í Ameríku.
Þörfin eykst jafnt og þétt
Við þurfum á öllum okkar hjúkr-
unarfræðingum að halda og þörf-
in mun aukast verulega á næstu
árum með hliðsjón af mikilli
fjölgun aldraðra í samfélaginu.
Þörfin fyrir heilsugæsluhjúkr-
un og heimahjúkrun mun aukast
jafnt og þétt. Einnig er brýnt að
auka forvarnarstarf hjúkrunar-
fræðinga til að efla heilbrigði
þjóðarinnar og fyrirbyggja veik-
indi.
Markmið okkar hjúkrunar-
fræðinga í núverandi verkfalli er
að laun okkar verði sambærileg
við laun annarra háskólamennt-
aðra ríkistarfsmanna. Hjúkr-
unarstarfið verður að vera sam-
keppnishæft við aðrar fagstéttir
til að tryggja nýliðun og halda
hjúkrunarfræðingum í starfi.
Ljóst er að kynbundinn launa-
munur er til staðar hjá ríkinu
líkt og sýnt hefur verið fram
á með nýlegum gögnum. Aug-
ljóst er að hefðbundnar karla-
stéttir eru betur launaðar en
hefðbundnar kvennastéttir. Það
er því einnig markmið okkar að
stigið sé ákveðið skref í því að
útrýma launamun kynjanna hjá
hinu opinbera.
Við viljum öll að hér á landi sé
öflugt og öruggt heilbrigðiskerfi.
Forsenda þess er að hér starfi
nægjanlegur fjöldi hjúkrunar-
fræðinga. Fyrsta skrefið til að
tryggja það er að leiðrétta laun
hjúkrunarfræðinga.
Það er staðföst trú mín að með
bættum kjörum leiti hjúkrunar-
fræðingar aftur inn í fagið og
verði öflugir þátttakendur í því
mikla og nauðsynlega uppbygg-
ingarstarfi sem fram undan er í
íslensku heilbrigðiskerfi.
Við þurfum á hjúkrunar-
fræðingum að halda!
KJARAMÁL
Ólafur G.
Skúlason
formaður Félags
íslenskra hjúkrunar-
fræðinga
➜ Hjúkrunarstarfi ð verður
að vera samkeppnishæft við
aðrar fagstéttir til að tryggja
nýliðun og halda hjúkrunar-
fræðingum í starfi .
„Krónan
tók á sig höggið“
„Krónan tók á sig
höggið.“ „Krónan
lagði grunn að nýjum
stöðugleika.“ Svona
orða þeir hlutina sem
telja að við eigum að
falla fram og tilbiðja
þau öfl í þjóðfélaginu sem nú
hamast við að fría sig allri ábyrgð
á því, af hverju „krónan tók á sig
höggið“.
Það er talað um verðgildi
krónunnar eins og eitthvað sem
komi almenningi ekki við.
En það er nú öðru nær. Stór-
felldasta gengishrun í rúm 40 ár
bitnaði samstundis á almenningi
og var hrein kjaraskerðing af
áður óþekktri stærð. Það var al-
menningur sem tók á sig höggið
ef einhver skyldi hafa gleymt því
eða vilja leyna því.
Síðan segja sömu ritarar nýrrar
sögu af Hruninu, að verðbólguna,
sem fylgdi, megi skrifa á reikning
þeirra sem tóku við strandaðri
þjóðarskútu, komu henni af
skerinu út úr skerjagarðinum og
gerðu við hana svo að hún gæti
siglt á ný.
Öflin, sem sigldu okkur í
strand, eru sýknuð af allri ábyrgð,
mærð að nýju og þeim þakkað
„lengsta stöðugleikaskeiðið.“
Þegar litið er á línuritin sést
að þetta stöðugleikaskeið hófst
reyndar áður en gömlu Hrunöflin
tóku við stjórninni. Og auðvitað
er þagað um það, að meginorsök
þess að verðbólga hefur haldist
lág er sú, að við fengum að gjöf
erlendis frá stærstu og varanleg-
ustu verðlækkun á olíu á síðustu
árum.
http://omarragnarsson.blog.is
Ómar Ragnarsson
AF NETINU
Save the Children á Íslandi
1
5
-0
9
-2
0
1
5

1
0
:2
2
F
B
0
6
4
s
_
P
0
6
4
K
.p
1
.p
d
f
F
B
0
6
4
s
_
P
0
4
9
K
.p
1
.p
d
f
F
B
0
6
4
s
_
P
0
0
1
K
.p
1
.p
d
f
F
B
0
6
4
s
_
P
0
1
6
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
6
3
3
-2
9
E
C
1
6
3
3
-2
8
B
0
1
6
3
3
-2
7
7
4
1
6
3
3
-2
6
3
8
2
8
0
X
4
0
0
1
A

F
B
0
6
4
s
_
2
8
_
5
_
2
0
1
5
C
M
Y
K