Morgunblaðið - 10.12.2014, Blaðsíða 17

FRÉTTIR 17Erlent
MORGUNBLAÐIÐ MIÐVIKUDAGUR 10. DESEMBER 2014
Draghálsi 14 - 16
110 Reykjavík
Sími 4 12 12 00
www.isleifur.is
Vilhjálmur Bretaprins og kona hans Katrín hertogaynja af Cambridge
hafa komið víða við í heimsókn sinni til New York-borgar. Vilhjálmur
ræddi við forseta Bandaríkjanna, Barack Obama, á dögunum. Hjónin
fylgdust vel með körfuboltaleik milli Cleveland Cavaliers og Brooklyn Nets
og í lok leiksins hittu þau nokkra leikmenn liðanna auk tónlistarparsins
Jay Z og Beyoncé sem eru komin til síns heima eftir dvölina hér á landi um
helgina. Til vinstri við þau sat Dikembe Mutombo, sem lengi lék í NBA.
AFP
Lifðu sig vel inn í leikinn
Körfuknattleikurinn heillar kóngafólkið
Frakkinn Serge
Lazarevic, sem
var í gíslingu
hryðjuverka-
samtakanna al-
Qaeda í rúm þrjú
ár, var látinn laus
í gær. Forseti
Frakklands,
François Hol-
lande, tilkynnti
þetta. Hann sagði
jafnframt að enginn Frakki væri
lengur í gíslingu í heiminum en Laz-
arevic væri sá síðasti sem yfirvöld
hefðu náð að frelsa.
„Hann er við merkilega góða
heilsu þrátt fyrir hafa búið við erfiðar
aðstæður í gíslingunni,“ sagði Hol-
lande.
Hittir dóttur sína fyrst
Lazarevic mun hitta dóttur sína í
bænum Niamey í Nígeríu áður enn
hann flýgur til Frakklands í faðm
fjölskyldunnar.
Hryðjuverkasamtökin rændu Laz-
arevic ásamt öðrum Frakka, Phil-
ippe Verdon, í Malí 24. nóvember ár-
ið 2011 af hóteli í bænum Hombori
nærri landamærunum að Níger. Þeir
voru saman í viðskiptaferð. Verdon
lét lífið í júlí 2013 en hann var skotinn
til bana af al-Qaeda-hryðjuverka-
samtökunum í íslamska Maghreb
(AQIM). Lazarevic sást síðast í
myndbandi frá (AQIM) í nóvember.
Þar sagðist hann vera mjög illa hald-
inn og óttast um líf sitt.
Allir Frakkar lausir úr gíslingu
Töluvert hefur verið um að frönsk-
um ríkisborgurum hafi verið rænt
síðustu ár, flestum í Afríku. Árið
2013 voru þeir langflestir eða 15 tals-
ins.
Lazarevic er með tvöfaldan rík-
isborgararétt, einnig serbneskan.
Forsetinn þakkaði yfirvöldum í
Malí og Níger fyrir aðstoðina og við
að tryggja öryggi í frelsunaraðgerð-
unum . thorunn@mbl.is
Laus úr
gíslingu
al-Qaeda
 Frakkinn frjáls
eftir rúm þrjú ár
Serge Lazarevic í
haldi árið 2011.
Þórunn Kristjánsdóttir
thorunn@mbl.is
Viðbúnaður hefur verið aukinn við
bandarísk sendiráð, sendiskrifstofur
og herstöðvar erlendis vegna nýrrar
skýrslu leyniþjónustunefndar öld-
ungadeildar Bandaríkjaþings um
leyniþjónustuna CIA. Talið er að
skýrslan geti vakið mikla reiði í
arabaheiminum og víðar.
Að sögn breska ríkisútvarpsins
segir í skýrslunni að harkalegum að-
ferðum hafi verið beitt til þess að
þvinga fólk til sagna. Þær hafi þó
litlum árangri skilað og aldrei orðið
til þess að leyniþjónustan hafi fengið
upplýsingar sem hafi afstýrt hryðju-
verki. Leyniþjónustan hafi einnig
veitt almenningi rangar upplýsingar
um yfirheyrslurnar.
„Stunduðum við pyntingar? Já.
Skilaði það einhverju? Nei,“ sagði
Angus King öldungadeildar-
þingmaður við CNN.
CIA neitaði þessum ásökunum í
gær og sagði að upplýsingarnar sem
fengust við yfirheyrslurnar hefðu
hjálpað bandarískum yfirvöldum að
bjarga mannslífum.
Skýrslan er sex þúsund síður en
eingöngu tæpar 500 síður verða gerð-
ar opinberar. Lengi hefur verið tekist
á um skýrsluna; hversu stór hluti af
henni skuli vera gerður opinber og
hvort það ætti að gera það yfir höfuð.
Í frétt um skýrsluna vísar CNN til
nýlegs viðtals við George Bush, fyrr-
verandi forseta Bandaríkjanna. Þar
segist hann ekki hafa lesið alla
skýrsluna en honum hafi vissulega
verið kunnugt um hluta af aðgerð-
unum sem voru í gangi. Hann tók
fram að þeir sem störfuðu og hefðu
starfað fyrir CIA ynnu í þágu þjóð-
arinnar. „Við erum virkilega heppin
að hafa þetta fólk í okkar röðum,“
sagði Bush.
Viðbúnaður við
sendiráð aukinn
 Óttast afleiðingar skýrslu um CIA
AFP
Skýrslan Pyntingar skiluðu engu.
Lögreglan lokaði hluta Arlanda-
flugvallarins í Stokkhólmi í Svíþjóð
í gærmorgun vegna sprengjuhót-
unar. Hótunin beindist að flugvél
Germanwings.
Andlega vanheill maður er talinn
hafa staðið á bak við hótunina og
var honum komið í hendur lög-
reglu, að því er fréttavefur Dagens
Næringsliv greinir frá. Aftonbladet
sagði frá því að maðurinn væri um
fimmtugt.
Ferðum allra flugvéla sem áttu
að fara um álmu fimm á flugvell-
inum var frestað um tíma.
„Þetta er ekki í fyrsta skipti sem
okkur berst hótun um sprengju en
það er hins vegar
alls ekki al-
gengt,“ sagði
Lars Byström,
talsmaður
sænsku lögregl-
unnar, við frétta-
veituna AFP.
Í fyrstu beind-
ist grunur að far-
angri í flugvél
sem var á leið til
Kaupmannahafnar, að því er frétta-
veitan greindi frá.
Fljótlega eftir hádegi í gær færð-
ist allt í samt horf á flugvellinum og
allt flug var komið á áætlun.
SVÍÞJÓÐ
Hluta Arlanda lokað eftir sprengjuhótun
Einstakur árangur hefur náðst í að
ráða niðurlögum malaríu. Frá
árinu 2000 hefur dánartíðni af völd-
um sjúkdómsins lækkað um helm-
ing. Alþjóðaheilbrigðismálastofnun
(WHO) greinir frá þessum niður-
stöðum.
Á árunum 2001 og 2013 var kom-
ið í veg fyrir dauða 4,3 milljóna
manna úr malaríu, af þeim voru 3,9
milljónir barna yngri en fimm ára
búsett suður af Sahara-eyðimörk-
inni í Afríku. Sífellt fleiri fá lækn-
ingu við malaríu.
Árið 2004 höfðu 3% aðgang að
flugnaneti en 50% í dag. Flugnanet-
ið kemur í veg fyrir að moskító-
flugan nái að stinga fólk og smita af
malaríu. Talið er að dregið gæti úr
þessum árangri til framtíðar vegna
ebólufaraldursins sem geisar í Afr-
íku.
AFRÍKA
Dánartíðni malaríu lækkaði um helming
Moskítófluga stingur og sýgur blóð.
Titillag teiknimyndarinnar Frozen,
„Let it go“, var langoftast sótt eða
hlaðið niður af iTunes hjá Apple
samkvæmt árlegum lista sem fyr-
irtækið birtir um vinsældir tiltek-
inna vara fyrir árið 2014.
Skyldi engan undra að varningur
með Elsu og félögum í samnefndri
teiknimynd trónir hæst á vinsælda-
listanum. Frozen var sú kvikmynd
sem oftast var sótt.
Börn og unglingar standa á bak
við kaupin á stórum hluta t.d. kvik-
mynda, laga og ýmissa snjallforrita
sem Apple selur. „Minekraft“ var
vinsælasta appið eða snjallforritið
sem greitt var fyrir í iPad og næst-
mest selda snjallforritið iPhone.
Lego-kvikmyndinni var hlaðið
næstmest niður hjá Apple en hún
var valin vinsælasta fjölskyldukvik-
myndin.
Ungmennabókin (e. young al-
dult) „The Fault in our Stars“ var
sú vinsælasta sem Apple seldi. Vin-
sælustu þáttaraðirnar voru „Game
of Thrones“ og „The Walking
Dead“.
YNGSTA KYNSLÓÐIN KEYRIR UPP KAUPIN
Frozenlag og -mynd oftast sótt hjá Apple