Morgunblaðið - 10.12.2014, Blaðsíða 30

30 MENNING
MORGUNBLAÐIÐ MIÐVIKUDAGUR 10. DESEMBER 2014
Íslenski dansflokkurinn undirbýr
um þessar mundir sýningaferð
flokksins til Ósló, en 13. desember
nk. mun Íd sýna verkið Tímar eft-
ir Helenu Jónsdóttur í Óperuhús-
inu í Osló á Ice Hot.
„Ice Hot er haldið annað hvert
ár en það er vettvangur fyrir
dansflokka á Norðurlöndunum
þar sem þeir geta kynnt sig og
starfsemi sína fyrir umheim-
inum,“ segir m.a. í tilkynningu frá
Íd.
Þar kemur fram að Íd sé kom-
inn á fullt að æfa næstu uppfærslu
flokksins sem ber titilinn Taugar
og frumsýnd verður 6. febrúar nk.
á nýja sviði Borgarleikhússins.
Þar verða frumflutt tvö ný verk.
Annars vegar verk eftir Grímu-
verðlaunahafann Sögu Sigurð-
ardóttur við frumsamda tónlist
Hallvarðs Ásgeirssonar og hins
vegar verk eftir danshöfundinn
Karol Tyminski sem er pólskur
dansari og danshöfundur.
Morgunblaðið/Golli
Tímar Frá æfingu á dansverkinu Tímum eftir Helenu Jónsdóttur.
Íd dansar í Óp-
eruhúsinu í Ósló
Einar Falur Ingólfsson
efi@mbl.is
Á morgun verða opnaðar í tveimur
kunnustu söfnum Vínarborgar sýn-
ingar myndlistarmannsins Bjarka
Bragasonar. Annars vegar er um að
ræða sýningu í deildinni með grísk-
um og rómverskum forngripum í
Listasögusafninu, Kunsthistorisches
Museum, og hins vegar í steinasafni
Náttúrusögusafnsins, Naturhistor-
isches Museum. Sýningarstjórar eru
Giulia Tamiazzo og Judith Stöckl.
„Mér var boðið að taka þátt í sýn-
ingu hér í Vín í sumar og kynntist þá
sýningastjórunum,“ sagði Bjarki í
gær. „Ég kom aftur til Vínar í októ-
ber og hef verið með vinnuaðstöðu
og dvalið hér á Kultur Kontakt
Austria, þar sem listamenn vinna að
rannsóknum. Ég hef í verkum mín-
um velt mikið fyrir mér hvaða leiðir,
tæki eða aðferðafræði eru notuð til
að halda utan um tíma og sögulega
frásögn. Ég hef legið á hurðinni í
þessum söfnum síðan ég kom, upp á
hvern dag í margar vikur, og skoðað.
Ég fann í þeim deildum sem ég
beindi sjónum að sterka tengingu
við verk mín hingað til.“
Aðferðir fornleifafræði
Í Kunsthistorisches Museum mun
Bjarki sýna stórt verk, „Past Und-
erstandings“, en aðra útgáfu af
verkinu sýndi hann í Hverfisgalleríi
haustið 2014 sem hluta af sýning-
unni Eins og Eins (Selfsame). Verk-
ið fjallar um söguskoðun og hvernig
sögulegar frásagnir birtast og eru
búnar til. Bjarki hefur endurgert
verkið sérstaklega út frá Antik-
ensammlung-deild safnsins og unnið
það beint út frá staðnum, en þar eru
meðal annars sýndir fornir grískir
og rómverskir munir, skúlptúrar og
brot úr byggingum. Bjarki hefur áð-
ur notað í verkum aðferðafræði forn-
leifafræði til að nálgast viðfangsefni
sín og skoðar togstreituna á milli
staðreynda og skáldskapar eða
ágiskana í rannsóknum.
Í Naturhistorisches Museum sýn-
ir hann síðan verkið „Desire Ruin“.
Fyrri útgáfa þess var sýnd í Lista-
safni ASÍ árið 2013. Þar er unnið
með tíma og togstreitu í rann-
sóknum, þar sem viðfangsefnið er
drepið eða tekið í sundur af skoð-
andanum. Útgangspunktur verksins
er saga um elsta tré jarðar sem var
fyrir mistök fellt árið 1964 af ungum
nemenda sem stundaði aldurs-
hringja-rannsóknir á trénu.
Vann í geymslum safnanna
„Í þessum söfnum lesum við til
jafns pólitíska sögu, listasögu og
náttúrusögu. Sýningarstjórarnir
kynntu verkin mín og hugmyndinar
fyrir stjórnendum safnanna, þeim
Dr. Sabine Haag og Dr. Michael Ko-
erbel, sem höfðu áhuga og buðu mér
að vinna með sér,“ segir Bjarki.
„Þetta gerðist mjög hratt og ég
átti „intensíft“ samtal við stjórn-
endur þessara tveggja deilda safn-
anna, þar sem ég hef sett verkin
upp. Ég hef unnið mikið innan safn-
anna og í geymslum þeirra, við að
grafa upp hluti sem ég nota.
Ég hef fylgst vel með deilum um
eignarhald verka í söfnum, eins og
kröfum Grikkja um að fá verk sem
eru í British Museum og stjórnin í
Mexíkó vill að stjórnvöld í Vín skili
hlutum sem eru varðveittir hér,
þetta eru gripir sem voru keyptir,
gefnir eða teknir á nýlendutímanum.
Í grísku deildinni komst ég til
dæmis að því að stöplar sem smíð-
aðir voru í upphafi 20. aldar voru í
raun sundursniðnir hlutar bygginga
sem voru hlutaðar sundur í Efesus í
Tyrklandi og fluttar hingað. Forn-
leifafræðingar keisarans grófu upp
þessa stóru forngrísku borg og sög-
uðu hluta marmarabygginganna nið-
ur í þessa stöpla. Það er ótrúleg
staðreynd. Ég fann þá í safninu og
skoðaði, og í safngeymslu úti í sveit
er afskurðurinn af sniðunum sem
þeir gerðu. Ég hef mikinn áhuga á
„sögulegu rusli“ og nýti mér það.“
Verk Bjarka eru á óræðum mörk-
um fornleifafræði, mannfræði og
myndlistar og fjalla um það hvernig
maðurinn umgengst sitt umhverfi.
„Þetta hefur verið mjög spenn-
andi tími hér í Vín, að sökkva sér í
viðfangsefnið og vinna í samstarfi
við þessi söfn,“ segir Bjarki.
Opnar sýningar í
helstu söfnum Vínar
 Bjarki Bragason vinnur verk út frá safneigninni
Morgunblaðið/Einar Falur
Myndlistarmaðurinn Bjarki við verk á sýningu sinni í Listasafni ASÍ fyrir
nær tveimur árum. Sú í Naturhistorisches Museum kallast á við hana.
Rauðagerði 25 · 108 Reykjavík · Sími 440 1800 · www.kaelitaekni.is
Okkar þekking nýtist þér
Til í svörtu, hvítu, rauðu
Tilboðsverð kr. 106.900
Jólagjöfin í ár!
fy
heita sú
kriftarbó
VD diskur
lgja með
og burstuðu stáli!
ð fylgir Vitamix sle
jarmál og sv
k og
ar ig
ps
D
Me
pl
r ávexti, gr
nánast hvað
y
klaka og
alla
noð d
Bý
Viðarhöfða 2 – 110 Reykjavík – Sími 577 6500 – www.takk.is – takk@takk.is
Úrval af hnífum og
hnífapörum
Heildsöludreifing