Morgunblaðið - 10.12.2014, Blaðsíða 20
20 UMRÆÐAN
MORGUNBLAÐIÐ MIÐVIKUDAGUR 10. DESEMBER 2014
Síðasta ríkisstjórn,
sem í nær fjögur ár
hafði reynt að troða
ESB-aðild ofan í kok
þjóðarinnar með góðu
eða illu – sannleika og
lygi – og hver sem
yrði kostnaðurinn,
lagði það óskabarn sitt
til hvílu nokkru fyrir
kosningar. Gert var
hlé á aðlögunarvið-
ræðum, enda stóri bróðir í Brussel
orðinn þreyttur – í bili – og fyrir
löngu búinn að sjá vilja þjóðarinnar
gegnum allt sjónarspilið og óheil-
indin.
Nú er liðið á annað ár síðan nýja
ríkisstjórnin tjáði Brussel-herr-
unum að ekki þyrfti frekar að ræða
um aðild Íslands. Hins vegar, svo
undarlegt sem það er, var ekki
gengið hreint til verks. Vegna að-
gerðaleysis ríkisstjórnarinnar höf-
um við Íslendingar enn formlega
stöðu umsóknarríkis ESB. Hvítvoð-
ungurinn sefur eins og Þyrnirós.
Þegar – og ef – ESB-sinnuð stjórn-
völd taka aftur við stjórnartaum-
unum er fljótlegt að vekja hann,
taka skjalabindin ofan
úr hillu, þurrka rykið
af umsókninni og –
hefjast handa þar sem
frá var horfið við að
gera Ísland að sýslu í
Evrópustórveldinu –
með góðu eða illu – en
fyrst og fremst á
skömmum tíma.
Við þetta er ekki
búandi.
Alltof margir stjórn-
málamenn hafa langt
um of þörf fyrir að
halda opnum öllum möguleikum í
hverri stöðu. Slá fram hugmyndum,
hálfkveðnum vísum, gefa í skyn, en
lofa oftast ekki afdráttarlaust – og
standa svo eða falla með fyrirheit-
unum. Ó nei. Nýr glansbæklingur
er svo borinn í hús þegar líður að
næstu kosningum.
Svipuð einkenni eru stundum
nefnd valkvíði þegar rætt er um
einstaklinga. Höf. lýsir hér með
eftir orði sem betur hæfir þessu
hegðunarmynstri í opinberri stjórn-
sýslu.
Í málum ESB og fleiri er þetta
ekki bjóðandi kjósendum – jafnvel
oft beinlínis hættulegt eins og
nefnt var í greinarbyrjun. ESB sit-
ur nefnilega ekki aðgerðalaust. Við
Suðurgötuna í Reykjavík er enn
opin upplýsingaskrifstofa þeirra og
öðru hvoru heyrist af styrkjum og
heimboðum ESB til íslenskra
starfshópa. Sendiskrifstofa ESB er
starfrækt í gömlu Morgunblaðshöll-
inni. Þar er upplýst að hún hafi
stöðu sendiráðs, birti upplýsingar
og bjóði styrki.
Dropinn holar steininn.
Íslenskt máltæki segir: „Dropinn
holar steininn“. Dropinn í þessu til-
felli er nærvera og afskipti ESB.
Meðan við ekki drögum til baka
umsókn okkar um ESB-aðild og
snúum okkur að því að vera sam-
hent þjóð sem gengur einhuga
fram í því að móta það þjóðfélag
sem hún vill, þá hangir yfir okkur
þessi eilífa spurning: „Værum við
betur sett í ESB?“ „Ef við værum
þar inni mundum við þá fá styrk til
að byggja þessa virkjun eða jarð-
göng?“ „Gæti ég fengið góða vinnu í
Evrópu?“ „Af hverju fá bændur
norðanlands styrki?“
Sá hugsunarháttur sem fylgt get-
ur svona vangaveltum dregur úr
okkur kraft, þor og stefnufestu. Það
sem verst er; svona vangaveltur
skipta þjóðinni í sérhagsmunahópa.
Ekki síst ef einhverjir erfiðleikar
steðja að.
Og erfiðleika má alltaf búa til,
eins og reynt var t.d. í Icesave-
málinu og hefði tekist ef ekki hefðu
komið til viðbrögð forseta og sam-
staða þjóðar.
Höfum við ekki séð nóg af slíku á
undanförnum árum – meira en nóg?
Afturköllum ESB-
umsóknina strax
Jafnljótt og mörgum kann að
finnast að nota sundurlyndi kjós-
enda og misskiptingu landsins gæða
sjálfum sér til framdráttar er sagan
ekki nema hálfsögð. Til eru þeir
stjórnmálamenn – hér á landi og er-
lendis – sem beinlínis búa til sund-
urlyndi. Lofa bændum einu,
útgerðarmönnum öðru, eldri borg-
urum enn öðru. o.s.frv. Þannig má
safna atkvæðum, fé í kosningasjóði
o.fl.
Áður en varir hefur verið veittur
ádráttur um opinbert framkvæmda-
fé í nokkrum kjördæmum, aukinn
kvóta úr auðlindum okkar annars
staðar eða styrki til gæluverkefna –
sem við kjósendur borgum sjálfir
með stuðningi og beinum styrkjum
úr sameiginlegum sjóðum okkar.
Svo lygilegt sem það er, eru þessi
vinnubrögð upphugsuð og iðkuð af
trúnaðarmönnum þjóðarinnar.
Úr Schengen strax
Síðast þegar fréttist voru fangelsi
landsins yfirfull. Einn af hverjum
fjórum eða fimm föngum var sagð-
ur erlendur. Fjöldi fólks beið eftir
fangelsisrými og sumir dómar
fyrntust eða komu til framkvæmda
löngu eftir að hinn dæmdi hafði
snúið á rétta braut, átti jafnvel
fjölskyldu og hafði fasta vinnu.
Hvaða rugl er þetta eiginlega?
Ætti ekki í mörgum tilfellum að
færa viðkomandi blóm, breyta
dómnum í skilorð og óska honum
góðs gengis?
Auðvitað kemur hingað einn og
einn útlendingur sem missir sig og
þarf að vista. En hingað sækja líka
glæpagengi, fólk sem kemur bein-
línis til að ræna, selja börnunum
okkar eiturlyf, stjórna vændi
o.s.frv. Margt af þessu fólki þarf
ekki einu sinni að sýna vegabréf
því það kemur frá „Schengensvæð-
inu“ – Evrópu. Þangað komst það
margt því að flestar þjóðirnar ráða
ekki við að gæta ytri landamæra
sinna eins og Schengensamning-
urinn gerði ráð fyrir.
Guð gaf okkur Íslendingum
bestu landamæri í heimi. Er ekki
kominn tími til að þiggja þau, nýta
– og jafnvel segja takk?
Nú erum við að byggja fangelsi,
þ.á m. yfir erlenda glæpamenn, en
getum ekki haldið eigin heilbrigð-
iskerfi á floti!
Margir hafa skrifað gegn
Schengen gegnum árin, þ.á m.
undirritaður sem varaði alvarlega
við þáttöku Íslands – áður en við
gengum í það.
Á sínum tíma kann að hafa þótt
eðlilegt að taka þátt í ýmsu al-
þjóðasamstarfi. Nú er hins vegar
löngu kominn tími til að endur-
skoða margt af því.
Meira um það fljótlega.
ESB og skyld óværa
Eftir Baldur
Ágústsson » Guð gaf okkur Ís-
lendingum bestu
landamæri í heimi. Er
ekki kominn tími til að
þiggja þau, nýta – og
jafnvel segja takk?
Baldur Ágústsson
Höfundur er fv. forstj. og frambjóð-
andi til embættis forseta Íslands.
baldur@landsmenn.is
Var að hlusta á þátt-
inn Á tónsviðinu sem
Una Margrét Jóns-
dóttir samdi. Fjallaði
þátturinn um De
Meza, hershöfðingja í
Slésvíkurstríðum
Dana, sem samdi
fyrsta lag við kvæði
Jónasar sem vitað er
um. Hann er persóna í
dönsku sjónvarpsþátt-
unum 1864.
Þetta er Ríkisútvarp
að mínu skapi. Enginn
annar sinnir þessu
hlutverki, ekki einu
sinni Morgunblaðið
sem einu sinni var
jafnoki Ríkisútvarpsins í skrifum um menningu en hefur þurft að gefa eft-
ir til að rýma fyrir auglýsingum um hrátt kjöt og umfjöllun um dægurmál.
Hafliði Pétur Gíslason
Velvakandi Svarað í síma 569-1100 frá kl. 10-12 velvakandi@mbl.is
Frábær Una Margrét
RÚV Framlög vaxa um 300 m.kr. 2015.
Innigallar
fyrir konur á öllum aldri
Margir litir
Stærðir S-XXXXL
Verið velkomin
Álfheimum 74, 104 Rvk, sími 568 5170
Velúrgallar
Tax free af öllum
snyrtivörum, ilmum og
gjafakössum fyrir dömur
og herra í desember
Grænn markaður ehf. | Réttarhálsi 2, 110 Reykavík | www.gm.is | Sími 535 8500 | info@gm.is
Eingöngu sala til fyrirtækja
Allt til gjafainnpökkunar
Borðar, krullubönd, pappírspokar, sellófan,
silkipappír, sellófanpokar, gjafapappír,
pakkaskraut, bastkörfur, gjafaöskjur o.fl. o.fl...