Morgunblaðið - 29.12.2014, Blaðsíða 16

BAKSVIÐ
Davíð Már Stefánsson
davidmar@mbl.is
Flugvélar AirAsia-flugfélagsins er
saknað en samband við hana rofn-
aði í gær klukkan 06.24 að stað-
artíma, um miðnætti að íslenskum
tíma. Talið er að 162 manns hafi
verið um borð í vélinni, þar af 155
farþegar, sem var á leið frá alþjóða-
flugvellinum í borginni Surabaya í
Indónesíu til Singapúr. Indónesísk-
ir fjölmiðlar hafa tjáð að meirihluti
farþeganna hafi verið índónesískur
en auk þess voru þrír farþegar frá
Suður-Kóreu, einn frá Singapúr,
einn frá Malasíu og einn frá Bret-
landi. Sjö starfsmenn voru um borð,
sex frá Indónesíu og einn frá
Frakklandi, sautján börn voru um
borð, þar af einn hvítvoðungur. Vél-
in er af gerðinni Airbus 320-200 og
með flugnúmerið QZ8501.
Ætlaði að forðast óveður
Ekkert neyðarkall barst frá vél-
inni en áætluð flugferð var hálfnuð
þegar samband við hana rofnaði
eftir rúmlega tveggja klukkutíma
flug frá Surabaya. Þá hafa fjöl-
miðlar jafnframt eftir samgöngu-
ráðherra Indónesíu að stjórnendur
vélarinnar hafi óskað eftir óvenju-
legri leið áður en sambandið rofn-
aði. Óskað hafi verið eftir heimild
frá flugumferðarstjórn í Jakarta til
að hverfa frá upphaflegri flugáætl-
un og klifra upp í 38 þúsund fet til
þess að forðast óveður sem var á
svæðinu. Til vélarinnar hefur ekki
spurst síðan.
Tvær flugvélar frá flugher
Indónesíu tóku þátt í leitinni í gær,
í kringum eyjarnar Bangka og Be-
litung austur af Súmötru, auk
björgunarþyrlu. Þrjú skip frá Mal-
asíu tóku þátt í leitinni auk þriggja
flugvéla. Þá hefur Singapúr boðið
fram C-130 Hercules-flugvél auk
þess sem Ástralar hafa boðið fram
aðstoð sína. Hlé var gert á leit í
gær eftir að myrkur skall á á svæð-
inu en áætlað var að leitin hæfist á
nýjan leik þegar birta tæki sem
ætti að hafa verið í kringum mið-
nætti að íslenskum tíma.
Þriðja vélin í ár
Talsmaður AirAsia lét hafa það
eftir sér að flugvélin hefði síðast
verið yfirfarin 16. nóvember síðast-
liðinn og að hún hefði verið í góðu
ásigkomulagi. Fjöldi fólks, þar á
meðal ættingjar og vinir þeirra sem
voru um borð í vélinni, hafa nú
safnast saman á alþjóðaflugvöllun-
um í Singapúr og í Surabaya og að
sögn viðstaddra minnir ástandið á
það þegar að flug MH370 hvarf
sporlaust í mars á þessu ári.
AirAsia er lággjaldaflugfélag
stofnað árið 2001 sem er með höf-
uðaðsetur í Malasíu. Flugvélar fé-
lagsins hafa hingað til aldrei hrapað
en flugárið er búið að vera ansi erf-
itt í Asíu. Malasíska flugfélagið
Malaysia Airlines hefur til að
mynda misst tvær vélar, flug
MH370 og flug MH17. Eins og áður
sagði hvarf MH370 sporlaust, með
239 um borð, á leið sinni frá Kuala
Lumpur til Peking í mars síðast-
liðnum en talið er að brakið af vél-
inni sé sunnarlega í Indlandshafi.
MH17 var skotin niður yfir Úkraínu
í júlí síðastliðnum og fórust allir um
borð, alls 298.
Framkvæmdastjóri AirAsia er
bresk-malasíski auðjöfurinn Tony
Fernandes sem meðal annars er
formaður breska knattspyrnu-
félagsins Queens Park Rangers.
Hann hefur gefið út yfirlýsingu á
twitter-aðgangi sínum þar sem
hann segir hug sinn vera hjá far-
þegum og áhöfn vélarinnar. Hann
segist jafnframt ekki vilja vera með
getgátur en sökum þess hversu
langur tími sé liðinn frá því að vélin
hvarf, þá séu menn ansi svartsýnir.
Flugvélar AirAsia saknað
 Samband rofnaði við flug QZ8501 frá borginni Surabaya í Indónesíu til Singapúr snemma í gær
 162 manns voru um borð í vélinni sem er af gerðinni Airbus 320-200  Ekkert brak hefur fundist
AFP
Örvænting Aðstandendur þeirra sem saknað er hafa safnast saman á alþjóðaflugvellinum í Singapúr og í Surabaya en afdrif vélarinnar eru ekki kunn.
162 um borð í vélinni
» 155 farþegar voru um borð
í vélinni, þar á meðal 17 börn,
eitt þeirra hvítvoðungur.
» Flestir farþeganna voru
indónesískir en meðal
þeirra var einn Breti.
» 7 manns voru í áhöfninni,
allt Indónesíubúar nema
aðstoðarflugmaðurinn sem
er franskur ríkisborgari.
16 FRÉTTIRErlent
MORGUNBLAÐIÐ MÁNUDAGUR 29. DESEMBER 2014
Ný og glæsileg verslun
Gler, gluggar, glerslípun & speglagerð frá 1922
Mörkinni 4 | 108 Reykjavík | Sími: 565 0000 | Fax: 555 3332 | glerborg@glerborg.is | www.glerborg.is
Davíð Már Stefánsson
davidmar@mbl.is
Eldur kom upp í ítölsku farþegaferj-
unni The Norman Atlantic undan
ströndum Grikklands í gær. 478
manns voru um borð í ferjunni sem
var á ferð frá Patras í Grikklandi til
Ancona í Ítalíu. Staðfest hefur verið
að einn hafi fundist látinn í sjónum
skammt frá ferjunni auk þess sem
nokkrir hafi orðið fyrir minniháttar
meiðslum. Sökum slæms veðurs hef-
ur slökkvistarf gengið fremur illa.
Skip og þyrlur hafa meðal annars
verið notaðar í björgunaraðgerðum
en dágóður fjöldi farþeganna komst
frá borði í björgunarbátum.
Enn margir um borð
Björgunarlið frá Grikklandi, Ítalíu
og Albaníu tekur þátt í aðgerðunum
en maðurinn sem lést er grískur og
er verið að flytja lík hans til hafnar í
ítölsku hafnarborginni Brindisi. Tal-
ið er að eldurinn hafi komið upp á
bíladekki ferjunnar, í um það bil 44
sjómílna fjarlægð frá grísku eyjunni
Korfú, en þar er pláss fyrir um tvö
hundruð bifreiðar.
Í gærkvöldi bárust þær fregnir að
tekist hefði að bjarga 190 af þeim
478 farþegum sem voru um borð en
örvæntingarfullir farþegar hafa
margir hverjir birt á netinu síma-
myndskeið þar sem þeir grátbiðja
meðal annars um að þeim verði
bjargað af ferjunni.
„Ég get ekki andað, við munum öll
brenna eins og rottur – guð hjálpi
okkur,“ sagði einn kokka ferjunnar
þegar hann hringdi í eiginkonu sína.
„Við erum uppi á efsta þilfarinu,
við erum rennblaut og okkur er kalt.
Við hóstum og hóstum vegna reyks-
ins. Það eru konur, börn og gamal-
menni hér,“ sagði einn farþeganna í
viðtali við Mega TV. Annar lýsti því
þannig að skór þeirra hefðu bráðnað
vegna hitans frá eldinum þegar far-
þegunum var safnað saman í mót-
tökusalnum. Fylgjast má með nýj-
ustu fregnum á mbl.is.
„Munum öll brenna
eins og rottur“
 Eldur logar í ítalskri farþegaferju
AFP
Eldur Ferjan var á leið frá Grikk-
landi til Ítalíu þegar kviknaði í.