Breiðholtsblaðið - 01.01.2007, Blaðsíða 12

Helgina 17. til 19. nóvember
fór fram Íslandsmeistaramótið í
sundi í 25 m. laug. Mótið var það
sterkasta sem haldið hefur verið
þar sem þurfti að synda töluvert
hraðar til að komast í úrslit en
áður hefur þekkst. Sundmenn
á Íslandi þurfa sífellt að leggja
meira á sig í æfingum en eru ein-
nig jafnt og þétt að bæta árangur
sinn það sást meðal annars á frá-
bærum árangri á Íslandsmeist-
aramótinu.
Sundfélagið Ægir sem án efa er
eitt öflugasta sundfélag landsins
um þessar mundir er með heil-
mikið sunduppeldi í Breiðholts-
lauginni, meðal annars svokölluð
Gullfiskanámskeið fyrir 4 til 6 ára
börn, þar sem hvert námskeið
stendur í átta vikur og síðan
sundkennslu og þjálfun fyrir alla
aldurhópa en elstu hóparnir æfa í
Laugardalslauginni. Ægir var með
sterkt lið á Íslandsmeistaramót-
inu, sundmenn félagsins voru 35
talsins frá 11 ára aldri og uppúr
en í heildina voru þeir 17% allra
þátttakenda. Það sýnir styrk sund-
félagsins að Ægirningar unnu 39%
allra verðlauna og settu þar að
auki fjölmörg félagsmet, 17 Reykja-
víkurmet og 7 Íslandsmet. Alls 13
sundmenn frá Sundfélaginu Ægi
hafa náð inní Afreks eða Unglinga-
landslið Sundsambands Íslands.
Sjá lista á www.sundsamband.
is og á www.aegir.is. Helgina 27
til 29. janúar verður mjög spenn-
andi alþjóðlegt sundmót á vegum
Ægis - Reykjavik International en
þangað koma margir sterkir sund-
menn frá nágrannaþjóðum okkar
svo sem Skotlandi og Noregi, ein-
nig vel þekkt sundkona og heims-
meistari frá Slóvakíu, Martina
Maravcova, stundum kölluð silfur-
dottningin, en hún hefur unnið til
tveggja verðlauna á Ólympíuleik-
um, 22 á heimsmeistaramótum og
43 á Evrópumeistaramótum.
Martina hefur líka sett 3 heims-
met og 16 evrópumet.
12 Breiðholtsblaðið JANÚAR 2007
Stelpnasveit Ægis sem tók þátt í VÍS mótinu. Anna Dís Arnardóttir,
Karen Jóhannsdóttir, Marta Rós Ormsdóttir og Karen Sif Vilhjálms-
dóttir kræktu sér í gullið í boðsundi.
Ægirningar unnu 39% allra verðlauna
Myndlistaskólinn í Reykjavík
hefur opnaði útibú á Korpúlfs-
stöðum og er útibúið rekið í
tengslum við Sjónlistamiðstöð-
ina þar sem 40 til 50 myndlista-
menn og hönnuðir vinna undir
sama þaki.
Skólinn býður nú þegar upp
á námskeið fyrir börn frá 6
til12 ára en mun nú bjóða upp
á fleiri námskeið fyrir þennan
aldurshóp ásamt unglingahóp á
aldrinum 13 til 16 þar sem færi
gefst á einstaklingsmiðuðu námi.
Eitt megin markmið kennslunn-
ar er að örva skapandi hugsun
og persónulega tjáningu og þar
með auka hæfni nemenda til að
takast á við verkefni á frjóan
hátt. Gengið er út frá grundvall-
aratriðum sjónlista í tvívídd og
þrívídd; form, rými lit og ljós og
skugga. Nemendur læra að beita
ýmsum áhöldum og efnum og
læra þar með að þroska almenn
vinnubrögð og tilfinningu fyrir
formi og efni. Með því móti er
leitast við að kveikja áhuga á
myndgerð og formhugsun í víð-
ara samhengi, m.a. lista og menn-
ingarsögu.
Sem dæmi um verkefni sem
unnið var á haustönn má nefna
stóra ævintýrasteina. Nemend-
ur byrjuðu á að skoða myndir
af hrauni og hraunmyndun-
um, skoðaðar voru myndir frá
Dimmuborgum þar sem hægt er
að greina tröll og andlit í hraun-
inu. Næst voru ýmsar tegundir
af steinum rannsakaðir með því
að teikna þá. Þá var hafist handa
við að búa til grind að stein eða
fjalli úr hænsnavír, gips var síð-
an sett utanum grindina og síð-
ast var sandur og ýmsir hlutir
límdir á steinana þannig að til
urðu augu, nef, felustaðir, mosi
og ýmislegt fleira. Einnig fengu
nemendur að mála fjallasýnina
út um gluggann, gerðu sjálfs-
portrett, unnu í leir og margt
fleira. Á vorönn verður þema
námskeiðanna Myndlist-Hljóð og
má búast við spennandi tilraun-
um og verkefnum í tengslum við
það, bæði í tvívídd og þrívídd.
Á unglinganámskeiðinu verður
byrjað á gipsmótun og afsteyp-
um, farið verður í teikningu og
málun og þemað Myndlist-Hljóð
verður tekið fyrir. Á unglinganám-
skeiðunum er farið dýpra í tækni
og aðferðir. Allir kennarar Mynd-
listaskólans eru starfandi mynd-
listamenn og hönnuðir. verða
Brynhildur Þorgeirsdóttir mynd-
höggvari, Sigríður Ólafsdóttir,
málari og Elva J. Hreiðarsdótt-
ir, myndlistamaður munu kenna
á barnanámskeiðunum en Sari
Maarit Cedergren, myndlistamað-
ur mun kenna unglingahópnum
á laugardögum.
Myndlistaskólinn
í Reykjavík á
Korpúlfsstöðum
Nýlega fóru 10 sundmenn úr
Ægi á mót erlendis. En þau til-
heyra öll afrekshópi félagsins.
Ásbjörg Gústafsdóttir fór til Skot-
lands og keppti í dag á skoska
meistaramótinu í 25 metra laug,
hún synti 200 metra fjór og bætti
sinn besta tíma. Ásta var við
æfingar í Edinborg í nokkra daga
mótinu loknu.
Hinir tíu fóru til Belgíu á Fland-
ers Open en það eru: Árni Már,
Oddur, Baldur Snær, Jakob Jóhann,
Jón Símon, Anja Ríkey, Auður Sif,
Jóhanna Gerða og Olga Sigurðar.
Ægiringunum gekk vel á mótinu
og lengur nokkur þeirra í úrslit-
um. Sundfélagið Ægir varð aldurs-
flokkameistari liða 14 ára og yngri
á aldursflokkamóti meistara sem
haldið var í Reykjavík 14 janúar sl.
Lið Ægis hlutu 809 stig en KR næst
kom með um 370 stig og rétt þar
á eftir Fjölnir. Sú nýbreytni var að
synt var 12 x 50 metra skriðsund;
tvær hnátur og tveir hnokkar, tvær
meyjar, tveir sveinar, tvær telpur
og tveir drengir, skemmtilegt sund
sem Ægiringar unnu.
Nokkrir sundmenn úr afrekshóp
Ægiringa urðu í úrslitum á sund-
móti í Antwerpen í Belgíu nýlega.
Jakob Jóhann varð í fyrsta sæti og
Árni Már í þriðja sæti í 200 bringu,
Jóhanna Gerða í fimmta sæti í 400
metra fjórsundi. Jón Símon varð í
7. sæti í 200 metra baksundi, Anja
Ríkey í áttunda sæti í 200 bak-
sundi og Jóhanna Gerða í níunda
sæti. Stelpur í 4 x 100 metrum
urðu í 6. sæti og strákar í 4 x 100
skriðsundi í sjötta sæti.
Ægisfólk á ferð og flugi
A-kvennasveitir Ægis settu fjögur Íslandsmet í boðsundum á ÍM 25, í
4x50 m. skriðsundi tvisvar sinnum, 4x50 m. fjórsundi og 4x100 m. skrið-
sundi. Stúlkurnar sem skipuðu sveitirnar eru frá hægri efri röð: Auður
Sif Jónsdóttir, Anja Ríkey Jakobsdóttir, Ásbjörg Gústafsdóttir, Kolbrún
Ýr Kristjánsdóttir. Neðri röð: Jóhanna Gerða Gústafsdóttir, Olga Sigurð-
ardóttir, Snæfríður Jóhannsdóttir og Guðrún Vaka Steingrímsdóttir.
Aldrei of seint
að ganga menntaveginn
Skoðið
www.namsflokkar.is
Nema hvað? - í kvöld
Hólabrekkuskóli og Árbæjar-
skóli mætast í úrslitaviðureign-
inni um hverfismeistaratitilinn
í Nema hvað? í borgarhluta
þrjú í kvöld fimmtudaginn 25.
janúar kl. 20:00 og fer keppnin
fram í Miðbergi.
Önnur umferð Nema hvað? í
borgarhluta tvö fór fram fimmtu-
daginn 18. janúar sl. einnig í Mið-
bergi. Viðureignirnar í annarri
umferð voru tvær. Í þeirri fyrri
mættust Árbæjarskóli og Breið-
holtsskóli og í seinni viður-
eigninni Ölduselsskóli og Hóla-
brekkuskóli. Hin besta stemm-
ing var í Miðbergi þegar liðin
mættu til leiks og áhorfendur
hvöttu sitt fólk dyggilega. Árbæj-
arskóli hafði betur í fyrri viður-
eigninni við Breiðholtsskóla og
Hólabrekkuskóli hafði betur
gegn Ölduselsskóla seinna um
kvöldið.