Breiðholtsblaðið - 01.01.2007, Blaðsíða 8

8 Breiðholtsblaðið JANÚAR 2007
Fjölþættur framhaldsskóli á gömlum grunni
Fjöltækniskóli Íslands var
stofnaður á árinu 2005 en for-
verar hans voru Stýrimannaskól-
inn, sem var stofnaður seint á
19. öldinni og Vélstjóraskólinn,
sem var stofnaður 1915, og oft
voru nefndir í einni og sömu
andránni og kallaðir Sjómanna-
skólinn þótt um tvær stofnanir
væri að ræða.
Hinn nýi skóli er til húsa í hinu
virðulega húsi “sjómannaskólans”
með klukkuturnunum á Háteigs-
hæðinni og nýtir þar bæði hús
og búnað hinna eldri stofnana
auk þess sem lagt hefur verið í
umfangsmikið viðhald á húsinu
og því lokið utan dyra. Í klukku-
turninum er m.a. kennslustofur í
siglingafræðum þar sem hægt er
að horfa á radara og GPS staðsetn-
ingartæki og læra allt um þann
búnað en turninn var upphaflega
byggður sem radarstöð þótt hann
gegni einnig veigamiklu hlutverki
við að móta ásýnd byggingarinnar
og umhverfisins. Nú hefur gamla
klukkuverkið sem keypt var frá
Bretlandi á sínum tíma verið lagt
til hliðar og rafeindabúnaður stýr-
ir skífuvísunum fjórum sem eru
á hliðum turnsins. Enn má þó sjá
för í gólfi eftir klukkuverkið og
öxlar sem snéru skífuverkinu eru
enn í húsinu. Í útihúsum Fjöltækni-
skólans er allskyns vélbúnaður,
skipavélar af ýmsum stærðum og
frá ýmsum tímum, flestar gang-
færar en nokkrar sundurteknar
og notaðar til kennslu. Í skólanum
er einnig að finna fullkomna sigl-
ingaherma og nú býður skólinn
bóklegt flugnám til einkaflugs og
atvinnumennsku í fyrsta sinn á
nýrri námsbraut.
Stóraukin áhersla á
bóklega námið
Þótt hinar gömlu kennslugrein-
ar skipi enn veglegan sess í starfi
skólans þá er ekki síður lögð
áhersla á nýjungar og þá ekki síst
þá að skólinn er nú hefðbundinn
framhaldsskóli með náttúrufræði-
braut. Samhliða stúdentsprófi
geta nemendur útskrifast með
annars stigs vélstjóraréttindi og
fyrsta stigs skipstjórnarréttindi.
Eftir tvö ár á náttúrufræðibraut
geta nemendur farið í fullt skip-
stjórnar og vélstjóranám og ljúka
þá stúdentsprófi með 160 til 162
námseiningum. Bóklegt og verk-
legt nám við skólann er því í
sumum tilfellum jafnframt starfs-
nám sem gefur nemendum góða
atvinnumöguleika auk þess sem
námið er góður undirbúningur
undir háskólanám á raungreina-
stigi á borð við tækni- og verk-
fræðinám. Stúdentsprófið bygg-
ist upp á fjórum meginsviðum;
véltækni, raftækni, skipstækni
og flugtækni en skólinn er engu
að síður einnig fullkomlega hefð-
bundin framhaldsskóli þar sem
skólastjórnendur leggja vaxandi
áherslu á hið bóklega nám.
Flugnámið er nýjung
Fjöltækniskólinn er sjálfseigna-
stofnun og með þjónustusamningi
við ríkið líkt og aðrir framhalds-
skólar þannig að nemendur finna
ekki mun á hvert rekstrarformið
er og skólagjöld eru ekki önnur
en annarsstaðar á framhaldsskóla-
stiginu. Eigendur hans eru Land-
samband íslenskra útvegsmanna,
Félag íslenskra kaupskipaútgerða
og Samorka, sem er regnhlífar-
samtök aðila sem framleiða raf-
orku og selja heitt og kalt vatn.
Skólinn á sér því öfluga bakhjarla
úr atvinnulífinu. Haukur Gunnars-
son, deildarstjóri og námsráðgjafi
Fjöltækniskólans, segir að með
breyttum tímum hafi hlutverk
hinna öldnu forvera hans breyst.
Nemendum gömlu skólanna hafi
verið farið að fækka þar sem nám-
ið hafi ekki svarað kröfum tímans
nægilega vel og einskorðast um of
við siglingar. Nú séu gerðar aðrar
og meiri kröfur til skipsstjórnar-
manna en var og ekki síður vél-
stjóranna. Á árum áður hafi flest-
ir vélstjórar starfað á sjó en nú
vinni um 70% þeirra í landi bæði
hjá orkufyrirtækjunum og einnig
ýmsum aðilum í atvinnulífinu sem
þurfa á vélgæslu að halda. Hauk-
ur segir að skipstjórnarnám sé
mun umfangsmeira en að læra að
stýra skipum og að rata um heim-
inn. Verulegur þáttur þess byggist
á stjórnunarnámi. Skipstjórastarf-
ið byggist einnig upp á að stjór-
na fólki auk þess að meðhöndla
gríðarleg verðmæti. Þriðja skip-
stjórnarstigið gefur full alþjóðleg
réttindi til þess að stjórna öllum
venjulegum skipum og fjórða stig-
ið gefur réttindi til þess að stjórna
varðskipum en til náms er efnt eft-
ir þörfum og er nú verið að fara af
stað með fjórða stigs nám sökum
eflingar landhelgisgæslunnar. Vél-
stjórnarnámið byggist á fjórum
stigum, sem er fimm ára nám og
snýst að sögn Hauks um rafmagns-
fræði, kælingu og fleiri þætti auk
hinnar hefðbundnu vélstjórnar.
Flugnámið er hins vegar alger nýj-
ung í framhaldsskólastarfi en eng-
inn framhaldsskóli hefur boðið
það fyrr. Í flugnáminu geta nem-
endur tekið allt bóklegt nám bæði
til einkaflugmannsprófs og einnig
atvinnuflugmanns á framhalds-
skólagrunni og þurfa aðeins að
kosta flugtíma sína. Atvinnuflug-
mannsnám krefst stúdentsprófs
en nemendur geta engu að síður
stundað bóklega hluta þess við
Fjöltækniskólann en um stíft heils-
árs nám er að ræða.
Stelpur komnar í vél-
tækni og rafmagnsfræði
Haukur Gunnarsson, deildar-
stjóri og námsráðgjafi segir fær-
ast í vöxt að nemendur kjósi
námsbrautir sem byggist að
hluta upp á verklegu námi. Margir
þeirra hugsi sér að fara í verk- og
tæknifræði og telji slíkt nám gott
til undirbúnings slíku framhalds-
námi rétt eins og nám í húsasmíði
og tæknifræði geti reynst góður
grunnur fyrir arkitektúr. En eru þá
ekki nær eingöngu karlmenn sem
stunda nám við fjöltækniskólann?
Haukur segir það síður en svo.
Jafnréttið sé smám saman að ná
þangað inn og það byggist vissu-
leg að nokkru leyti á aukinni fjöl-
breytni í námsframboðinu. Stelp-
ur séu þó engu að síðar farnar að
læra til vélstjórnar og rafmagns-
fræði svo dæmi séu tekin en auð-
vitað sé ákjósanlegt að fá fleiri
stelpur í skólann og að kynjahlut-
fallið verði sem jafnast. Haukur
kveðst hafa trú að svo eigi eftir
að verða.
Haukur Gunnarsson, deildarstjóri og námsráðgjafi við radar í
radarstofunni í turnbyggingu skólans.
Kennslustund í rafmagnsfræði en sú fræðigrein er stór hluti véltækni-
náms.
Unglingadeild Reykjavíkurdeildar Rauða
kross Íslands er með fjölmenningarlegt
unglingastarf þar sem unglingar fá tækifæri
til að kynnast hugsjónum Rauða krossins,
taka þátt í verkefnum og láta gott af sér
leiða.
Starfið er fyrir 8. - 10. bekk grunnskóla
og er á miðvikudögum milli kl.17-19 á
tveimur stöðum í borginni, Álfabakka 12,
2. hæð í Mjódd og Laugavegi 120, 4. hæð.
Nánari upplýsingar og skráning er hjá
Marín Þórsdóttur í síma 545 0407 eða
marin@redcross.is
The Reykjavík Department of the Icelandic
Red Cross has a multicultural youth
program where teenagers get a chance
to experience the values of the Red Cross
and participate in various projects.
The Program is intended for teenagers in
grades, 8. 9. and 10. The meetings are
held every wednesday between 17-19 at
two locations in the city, Álfabakki 12, 2nd
floor in Mjódd and also at Laugavegur 120,
4th floor of Red Cross Reykjavik.
If you have any questions regarding the
program or would like to register, please
contact Marín Þórsdóttir, Tel. 545 0407
or marin@redcross.is
Meira fjör, styttri
tími og skemmti-
legur félags-
skapur.
Hjá okkur færðu,
aðhald og stuðning
hvort sem þú þarft
að grennast eða
styrkjast. Regluleg-
ar líkamsmælingar
svo þú getir fylgst
með árangrinum.
Líkamsrækt fyrir konur
Betri heilsa á 30 mínútum
Hringdu og pantaðu
prufutíma og líkamsmælingu
50% afsláttur af þjónustugjaldi
Fyrir a
llar
konur
Curves, Bæjarlind 12 - Sími 566 6161 - curves@simnet.is