Skinfaxi - 01.11.2013, Blaðsíða 12

12 SKINFAXI – tímarit Ungmennafélags Íslands
„Satt best að segja hef ég verið bara dug-
leg að hreyfa mig undanfarin ár og ég var
duglegri að hreyfa mig í sumar en þar áður,
en ég var að ná mér eftir veikindi. Ég geng
mikið og reyni að labba eins oft og ég get
í og úr vinnu í Hafnarfirði. Stundum legg
ég lykkju á leið mína og lengi gönguleið-
ina í staðinn fyrir að nota bílinn. Svo hef ég
aðeins verið að ganga á fjöll í gegnum tíð-
ina og svo synti ég reglulega. Það eru mjög
fáir dagar á þessu ári sem hafa dottið út í
hreyfingu,“ sagði Eyrún Baldvinsdóttir úr
Hafnarfirði sem tók virkan þátt í verkefninu
Hættu að hanga! Komdu að hjóla, synda
eða ganga sem Ungmennafélag Íslands
hefur staðið fyrir undanfarin ár.
Fer í skipulagðar
gönguferðir á sumrin
Eyrún segist hafa farið skipulagðar
gönguferðir á sumrin og á síðasta sumri
fór gönguhópurinn, sem hún er félagi í,
í göngu í Suðursveit sem var afskaplega
gaman að hennar sögn. Einnig var farið
á Vestfirðina en Eyrún sagði markmiðið
að fara út á land í gönguferð að minnsta
kosti einu sinni á ári.
Öll hreyfing skiptir máli
„Ég var aldrei í skipulögðu íþróttastarfi,
slíkt tíðkaðist ekki í minni sveit eins og
maður segir. Ég er frá Patreksfirði og fór
ekki að hreyfa mig að neinu marki fyrr en
ég kom suður og var komin undir þrítugt.
Þá fór ég að hreyfa mig fyrir alvöru svo að
við getum sagt að ég hafi verið að hreyfa
mig með markvissum hætti hátt í 30 ár.
Það hefur verið langmest í gönguferðum
Eyrún Baldvinsdóttir úr Hafnarfirði:
Hef hreyft mig með
markvissum hætti í 30 ár
Hreyfingin skiptir mig
miklu máli, það er ég
búin að sjá, og ég mun
ekkert gefa eftir í þeim
efnum í framtíðinni.
og ég hef synt reglulega. Ég veiktist fyrir
þremur árum en reyndi samt hvað ég gat
að hreyfa mig daglega og það hafði mikið
að segja upp á framhaldið. Öll hreyfing
skiptir okkur öll bara miklu máli og ég
er viss um að hún hefur gert mér gott
og gert heilsu mína betri, bæði andlega
og líkamlega,“ sagði Eyrún í samtali við
Skinfaxa.
Höfum gengið saman í
mörg ár
– Hafa skipulagðar ferðir næsta sumar
verið ræddar í gönguhópnum?
„Auðvitað er stefnt að því að fara í viku-
ferð en það liggur ekki alveg fyrir hvert
farið verður. Væntanlega verður það eitt-
hvað innanlands og það kæmi mér ekki á
óvart að farið yrði á Austfirðina. Við erum
ellefu í gönguhópnum og búin að ganga
saman í mörg ár. Hreyfingin skiptir mig
miklu máli, það er ég búin að sjá, og ég
mun ekkert gefa eftir í þeim efnum í fram-
tíðinni. Ég hvet alla til hugsa vel um heils-
una og einn liðurinn í þeim efnum er að
finna sér tíma og hreyfa sig reglulega.
Þetta verkefni hjá UMFÍ hefur hvatt mig
áfram og gefið mér visst aðhald. Ég er
keppnismanneskja að eðlisfari og það er
aðhald að skrá niður allt sem maður gerir,“
sagði Eyrún Baldvinsdóttir, sem er 58 ára
gömul, hress í bragði, við Skinfaxa.
Eyrún ásamt göngufélaga í
Norðurfirði.
Eyrún Baldvins-
dóttir ásamt
göngufélögum
í Reykjarfirði á
leið inn að
Drangajökli.