Ægir - 01.02.2014, Blaðsíða 9

„Ég kem úr allt annarri starfs-
stétt og orðinn fullorðinn en
það hefur lengi blundað í mér
að tengjast sjávarútveginum
betur. Þess vegna ákvað ég að
hefja nám hér,“ segir Hermann
Hermannsson málarameistari.
Hermann er frá Ólafsfirði en
hefur búið lengst af á Akranesi.
Hann starfar við fag sitt hjá HB
Granda og er því viðloðandi
sjávarútveginn þótt með öðr-
um hætti sé en almennt tíðkast.
„Það er aldrei of seint að læra.
Sjávarútvegurinn hefur verið
áhugamál mitt í gegnum tíðina.
Ég hef verið til sjós og unnið í
fiski, frystihúsi og saltfiskvinnslu
svo dæmi séu nefnd.“ Hermann
er í fjarnámi við Fisktækniskól-
ann en ekur frá Akranesi þegar
hann þarf að sækja tíma í
Grindavík. Hann hóf nám í
haust.
„Ég ætlaði mér alltaf að
verða sjómaður en svo æxluð-
ust mál þannig að ég lagði fyrir
mig málaraiðnina. Það var alla
tíð talað niður til fiskvinnslunn-
ar. Almenna viðhorfið var að
maður kæmist eiginlega ekki
neðar en að vera í fiskvinnslu
eða veiðum. En það hefur allt
snúist um sjávarútveg mann
fram af manni í minni ætt. Móð-
urbróðir minn er útgerðarmað-
ur og faðir minn sjómaður og
það er salt í æðum mínum.“
Hermann fær verkefni af
margvíslegum toga frá skólan-
um og heimsækir vinnustaði á
Akranesi. Þar leitar hann svara
við ákveðnum spurningum sem
hann skilar í tölvutæku formi til
kennara sinna. Verkefnin snúa
að rekstri fyrirtækjanna, sögu
þeirra og markmiðum og hver
framtíðarsýn þeirra er. Einnig er
komið inn á menntun starfs-
manna fyrirtækjanna.
„Þetta er stærsta atvinnu-
grein Íslendinga en þarna er
lægsta menntunarstigið. Stjórn-
endur eru margir háskóla-
gengnir viðskiptafræð ingar eða
með sjávarútvegsfræði úr há-
skóla. En menntun millistjórn-
enda er ábótavant, myndi ég
ætla,“ segir Hermann. Hann
segir að yfirleitt sé um góða
starfsmenn að ræða en
menntun þeirra felist í mörgum
tilfellum einungis í styttri nám-
skeiðum en ekki heildstæðri
sjávarútvegsmenntun. Her-
mann segist vera með puttann
á púlsinum vegna starfa sinna
hjá HB Granda, þar sem mjög
víðtæk starfsemi fer fram. Þar er
fiskvinnsla, síldarvinnsla, þurrk-
un, hrognavinnsla, útgerð og
nánast allt sem viðkemur sjáv-
arútvegi.
„Það eru forréttindi að hafa
aðgang að svo víðu sviði innan
sjávarútvegsins. Auk þess er HB
Grandi fyrirmyndar fyrirtæki og
gott að vinna þar. Fyrirtækið
skilar alveg gríðarlega miklu til
samfélagsins á Akranesi. Sam-
legðaráhrifin eru mikil og at-
vinnulífið á staðnum blómstrar
í kringum HB Granda.“
Námið er fjórar annir. Tvær
innan skólans og aðrar tvær í
starfsnámi. Samhliða starfs-
náminu er unnið að ákveðnum
verkefnum. „Þetta opnar von-
andi dyr fyrir mig innan sjávar-
útvegsfyrirtækja í störf sem
gæðastjóri, verkstjóri eða eitt-
hvað því um líkt. Ég myndi ætla
að það væri metnaður hjá
mönnum að hækka menntun-
arstigið innan sjávarútvegsfyrir-
tækja. Það er alla vega rætt um
það á tyllidögum.“
Aldrei of seint að læra
- segir Hermann Hermannsson, málari frá Akranesi
9
Hermann Hermannsson ekur frá Akranesi til Grinda-
víkur til að sækja nám í Fisktækniskólanum.