Ægir - 01.02.2014, Blaðsíða 14

Prófanir eru nú hafnar á nýrri
vél frá Marel sem fengið hefur
nafnið FleXicut og notar há­
þróaða röntgentækni til að
greina beingarð í hvítfiski og
skera hann burt af mikilli ná­
kvæmni með vatnsskurði. Með
nýju vélinni stígur Marel fyrsta
skrefið í nýrri kynslóð vinnslu­
kerfis fyrir hvítfisk sem fyrir­
tækið boðaði á síðasta ári.
Kristján Hallvarðsson, fram­
kvæmdastjóri vöruþróunar hjá
Marel segir vélina geta leyst af
hólmi þær hendur í fiskvinnsl­
unni sem skeri beingarðinn úr
flökunum en hann segir ekki
síður mikilvæga fyrir greinina
þá möguleika sem FleXicut vél­
in opni fyrirtækjunum til að
framleiða nýjar afurðir, þ.e.
bita. Þar nefnir hann sem dæmi
hnakka með roði.
„Leiðarljós í allri okkar þróun
er að auka nýtingu, bæta hrá-
efnismeðhöndlun og auka sjálf-
virkni. Markmiðið er að stytta
tím ann sem hvert flak er að fara
í gegnum vinnsluferilinn og
leggja jafnframt áherslu á að sá
hluti flaksins sem er verðmæt-
astur fari bæði sem hraðast á
endastöð og sé snertur sem
minnst á þeirri leið. FleXicut
vélin er eitt skref í þessu ferli
sem við höfum markað okkur
að stefna á, liður í nýrri kynslóð
vinnslukerfa frá okkur, “ segir
Kristján.
Tvær tæknilausnir samaneinaðar
í einni vél
Tvö atriði standa upp úr í upp-
byggingu FleXicut vélarinnar.
Marel kynnir FleXicut:
Beingarður
skorinn vélrænt og
meiri möguleikar í
bitaskurði
F
isk
v
in
n
sla
Kristján Hallvarðsson, framkvæmdastjóri vöruþróunar hjá Marel.
„Ég er ekki í vafa um að þessi tækniþróun okkar getur, líkt og áður,
hjálpað fiskvinnslunum úti á mörkuðunum og skilað þeim nýjum
viðskiptavinum og auknum tekjum í framtíðinni.“
14