Húnavaka - 01.05.1979, Blaðsíða 102

100
HÚNAVAKA
2. Daníel Jónsson. Fæddur 25. nóv. 1805 og dáinn 14. des. 1865.
Prestur í Ögurþingum. Kvæntur Ólöfu Tómasdóttur. Áttu 2
börn.
3. Gísli Jónsson. Fæddur 7. júlí 1807 og dáinn 31. júlí 1852,
drukknaði í Ölfusá við að bjarga öðrum mönnum frá drukknun.
Stúdent frá Bessastöðum 1831. Stundaði kennslu á Austurlandi í
3 ár, en varð þá aðstoðarprestur á Eiðum. Fékk Kaldaðarnes
1847 og hélt til æviloka. Bjó í Kálfhaga. Hann átti Sigríði
Eiríksdóttur frá Skinnalóni, systur Magnúsar guðfræðings og
föðursystur séra Stefáns M. Jónssonar á Auðkúlu. Áttu ekki
börn, sem komust upp.
4. Jón Jónsson garðyrkjumaður. Fæddur 12. nóv. 1810ogdáinn 17.
apr. 1889 á sveit í Reykjavík, ókvæntur og barnlaus.
5. Hjalti Jónsson. Fæddur 12. okt. 1814. Vel gefinn og skáldmælt-
ur. Þótti hið álitlegasta mannsefni, en lézt á nítjánda ári.
Ein vísa er til eftir Hjalta, sem geymst hefir í minni ættingja
hans í Svínavatnshreppi. Sérstök atvik lágu til þess að vísan var
ort. Þannig var mál með vexti að Helga í Litladal fékk léðan hest
hjá kaupamanni móður sinnar gegn því að hún gerði um hann
formanna vísu. Keyptu þau þessu. Bar Helga vísu sína undir
Hjalta bróður sinn, en honum fannst vísan ekki nógu góð, þar
sem föðurnafn mannsins var ekki í vísunni. Bað Helga þá Hjalta
um að bæta, og varð hann við þeirri áskorun.
Vísa Helgu var þannig:
Ullur víra orku snar,
elgs þó hlýri bagi.
Ólafur stýrir mastra mar
með órýru lagi.
En vísa Hjalta var þannig:
Upp þó kvíslist öldu rið
eins og hríslu viður.
Unnar sýslar elginn við
Ólafur Gísla niður.
Hjalti var yngstur sinna systkina, en ótalið er enn næst yngsta
barnið, yngri dóttirin af þeim sem upp komust. Varð hún lang-