Morgunblaðið - 03.06.2015, Side 13
FRÉTTIR 13Innlent
MORGUNBLAÐIÐ MIÐVIKUDAGUR 3. JÚNÍ 2015
H
V
ÍT
A
H
Ú
S
IÐ
/S
ÍA
–
1
5
-0
9
9
6
ASKJA · Krókhálsi 11 · 110 Reykjavík · Sími 590 2100 · askja.is
Viðurkenndur sölu- og þjónustuaðili Mercedes-Benz á Íslandi
Þú finnur „Mercedes-Benz Ísland“
á Facebook
Kynnum Mercedes-Benz CLA Shooting Brake, hlaðbak sem myndar nútímatengsl
milli bíls og ökumanns. Mikið rými og framúrskarandi hönnun CLA Shooting Brake
styður þinn lífsstíl og gerir hverja ökuferð að upplifun.
Komdu í Öskju og reynsluaktu – við tökum vel á móti þér.
Nýr og stórglæsilegur
CLA Shooting Brake
CLA Shooting Brake 250 með 7 þrepa sjálfskiptingu og 4MATIC fjórhjóladrifi.
Verð frá 7.490.000 kr.
CLA Shooting Brake 180 með 7 þrepa sjálfskiptingu.
Verð frá 5.790.000 kr.
Fyrirhugað er að opna vínbúð í
Spönginni í Grafarvogi í lok sum-
ars. Sigrún Ósk Sigurðardóttir, að-
stoðarforstjóri Áfengis- og tóbaks-
verslunar ríkisins, segir nákvæma
dagsetningu ekki liggja fyrir þar
sem tafir hafi orðið á afhendingu
húsnæðisins. Í byrjun árs 2009 var
Vínbúð í verslunarkjarnanum
Spönginni lokað en nýja Vínbúðin
verður þó ekki í sama húsnæði og
áður. „Vínbúðin verður opnuð við
hliðina á Hagkaupum en nú standa
yfir framkvæmdir við að minnka
verslun Hagkaupa og munum við
opna þar,“ segir Sigrún Ósk. Eldri
Vínbúð var lokað þar sem húsnæðið
þótti óheppilegt en Sigrún segir þó
alltaf hafa staðið til að opna Vínbúð
á ný í Grafarvogi. „Húsnæðið var í
raun óhentugt, of lítið og hentaði
illa. Það stóð alltaf til að opna aftur
en það hefur alltaf verið yfirlýst
stefna að Grafarvogurinn sé svæði
þar sem heppilegt væri að hafa vín-
búð,“ segir Sigrún Ósk, en hátt í 20
þúsund manns eru búsettir í hverf-
inu. brynjadogg@mbl.is
Ný vínbúð
opnuð í lok
sumars
Morgunblaðið/Kristinn
Vínbúð Hún verður senn opnuð.
Árlegt Heilsuhlaup Krabbameins-
félagsins fer fram í tuttugasta og
fjórða skipti á morgun, fimmtu-
dag.
Hlaupið verður frá húsi
Krabbameinsfélagsins í Skógar-
hlíð en þátttakendur velja annað
hvort þriggja kílómetra skokk
eða göngu að Öskjuhlíð og til
baka eða tíu kílómetra hlaup suð-
ur fyrir Reykjavíkurflugvöll og
til baka. Í meginatriðum er um
sömu hlaupaleiðir að ræða og síð-
ustu ár. Tími verður mældur hjá
öllum þátttakendum og úrslit birt
eftir aldursflokkum, 14 ára og
yngri, 15-18 ára, 19-39 ára, 40-49
ára, 50-59 ára og 60 ára og eldri.
Vegleg verðlaun verða veitt
fyrir fyrstu þrjú sætin í karla- og
kvennaflokki í báðum vegalengd-
unum auk útdráttarverðlauna frá
fjölda fyrirtækja. Að auki verður
boðið upp á létta hressingu við
marklínu að hlaupi loknu.
Sigurlaug Gissurardóttir, einn
skipuleggjenda hlaupsins segist
bjartsýn á þátttöku enda spái
góðu hlaupaverðri á fimmtudag.
Hún segir hlaupið hafa notið mik-
illa vinsælda síðustu ár, um 550
hlauparar hafi tekið þátt á síð-
asta ári.
Forskráningu í hlaupið á
www.hlaup.is lýkur kl. 14:00,
fimmtudaginn 4. júní en þátttöku-
gjaldið er 2.500 kr. fyrir full-
orðna og 700 kr. fyrir börn.
Skráning hjá Krabbameinsfélag-
inu í Skógarhlíð 8 er opin til kl.
18:00 en hlaupið sjálft hefst kl.
19:00.
Hlaupaveðrið með ágætum
Morgunblaðið/Eggert
Vinsælt hlaup Þátttakendur síðasta Heilsuhlaups teygja skrokkinn.
Skráning í Heilsuhlaup Krabbameinsfélagsins gengið vel
Blússandi söngur
og stemning
verður á hefð-
bundnu
sjómannadags-
söngkvöldi í Ako-
ges í Vest-
mannaeyjum nk.
fimmtudags-
kvöld, 4. júní.
Söngkvöldið
hefst kl. 22. Þar
munu m.a. tónlistarmennirnir
Magnús Eiríksson og Pálmi Gunn-
arsson koma fram. Hljómsveit Árna
Johnsen og félaga, Blússbandið, tek-
ur einnig þekkt Eyjalög. Nokkrir
snjöllustu tónlistarmenn Eyjanna
mæta til leiks: Jarl Sigurgeirsson
gítar og söngur, Sigurmundur Ein-
arsson bassi, Breki Johnsen gítar,
Ósvaldur Guðjónsson gítar, trompet
og píanó, Einar Sigurmundsson gít-
ar, Högni Hilmisson bassi og Árni
Johnsen söngur og gítar.
„Það er aldrei gefið eftir á hinu ár-
lega sjómannadagssöngkvöldi og
sungið beint í hjartastað fram eftir
nóttu,“ segir í tilkynningu.
Sjómanna-
lögin í hjarta-
stað í Eyjum
Árni
Johnsen