Morgunblaðið - 08.06.2015, Síða 4

4 FRÉTTIRInnlent
MORGUNBLAÐIÐ MÁNUDAGUR 8. JÚNÍ 2015
Skógarhlíð 18 • Sími 595 1000
www.heimsferdir.is
B
irt
m
eð
fy
rir
va
ra
um
p
re
nt
vi
llu
r.
H
ei
m
sf
er
ð
ir
ás
ki
lja
sé
r
ré
tt
til
le
ið
ré
tt
in
g
a
á
sl
ík
u.
A
th
.a
ð
ve
rð
g
et
ur
b
re
ys
t
án
fy
rir
va
ra
.
Tenerife
Frá kr.99.900
20. júní í 14 nætur
SÉRTILBO
Ð
Netverð á mann frá kr. 99.900 m.v. 2 fullorðna og 2 börn í íbúð.
Netverð á mann frá kr. 129.900 m.v. 2 fullorðna í stúdíó.
Tenerife Sur
Jón Gunnarsson,
þingmaður Sjálf-
stæðisflokksins
og formaður At-
vinnuveganefnd-
ar Alþingis, segir
fiskveiðistjórn-
unarfrumvörpin
tvö um annars
vegar makríl-
veiðar og hins
vegar veiðigjöld enn vera í vinnslu.
„Ég á von á því að við sjáum ein-
hverjar breytingatillögur koma
fljótlega á þessum frumvörpum
tveimur. Endanleg mynd þessa
tveggja mála liggur því ekki fyrir,“
segir Jón, en meirihlutinn leitar að
hans sögn allra leiða til að skapa
sátt um frumvörpin tvö. „Við vilj-
um koma málunum báðum í ákveð-
inn sáttafarveg og leitum því nið-
urstöðu sem sátt getur náðst um
hjá sem flestum.“
Stefnt er að því að ljúka báðum
málunum fyrir sumarið að sögn
Jóns, en hann útilokar ekki að
gildistöku laganna gæti verið frest-
að. „Það eru fordæmi fyrir því að
gildistöku laga er frestað en ég get
ekkert sagt til um það núna hvort
við förum þá leið. Málin eru ein-
faldlega enn í vinnslu og við eigum
eftir að sjá hver endanleg nið-
urstaða verður.“
Makrílveiðar hefjast síðar í
mánuðinum en seinkun lagasetn-
ingar á ekki að hafa áhrif á veið-
arnar. „Ráðherra verður að svara
til um það hvernig tilhögun veið-
anna verður en það er í hans
verkahring að gefa út reglugerð
um veiðarnar, líkt og gert hefur
verið undanfarin ár,“ segir Jón.
Leita sátta um
fiskveiðifrumvörp
Jón Gunnarsson
 Hefur ekki áhrif á makrílveiðar
BAKSVIÐ
Baldur Arnarson
baldura@mbl.is
Alþingi samþykkti seint í gærkvöldi
breytingar á reglum um gjaldeyris-
mál sem hafa það markmið að
koma í veg fyrir að fé verði flutt úr
landi þegar
fyrstu skrefin
verða stigin til að
afnema fjár-
magnshöft.
Leita þurfti af-
brigða til að
leggja frumvarp-
ið fram svo seint
á vorþingi og var
það samþykkt
með 56 sam-
hljóða atkvæðum. Frumvarpið varð
að lögum kl. 22.47.
Fram kom í máli Frosta Sigur-
jónssonar, formanns efnahags- og
viðskiptanefndar, að breytingarnar
hefðu verið unnar í samvinnu Fjár-
málaráðuneytisins og Seðlabank-
ans. Seðlabankinn hafi eftirlit með
að lögum um gjaldeyrismál sé
fylgt.
„Ráðherra hefur farið þess á leit
við efnahags- og viðskiptanefnd að
við flytjum frumvarpið með það
fyrir augum að það verði orðið að
lögum sem fyrst og ekki síðar en
fyrir opnun skrifstofu Seðlabank-
ans á morgun [í dag],“ sagði Frosti
og bætti því við að fulltrúar fjár-
mála- og efnahagsráðuneytisins,
seðlabankastjóri og fleiri fulltrúar
Seðlabankans hefðu komið fyrir
nefndina í gær. Þessir fulltrúar
gáfu ekki kost á viðtölum.
Samþykkt einróma í nefndinni
„Að lokinni þeirri kynningu
ræddi nefndin málið og ákvað ein-
róma að flytja frumvarpið,“ sagði
Frosti. Í lok ræðu sinnar sagði
Frosti að lagt hefði verið til að
nefndin legði fram frumvarpið
þannig að ekki þyrfti að senda það
inn í nefndina á milli 1. og 2. um-
ræðu í þinginu.
Atburðarásin síðdegis í gær var
hröð og óvænt. Frumvarpið var
lagt fyrir nefndina klukkan fimm
síðdegis í gær og var svo kynnt á
ríkisstjórnarfundi klukkan sjö. Þeg-
ar þeim fundi lauk um áttaleytið
fóru ráðherrarnir í Alþingishúsið,
þar sem þeirra beið fundur með
þingflokkum. Klukkan tíu hófst svo
þingfundur.
Sigmundur Davíð Gunnlaugsson
forsætisráðherra ræddi við
Morgunblaðið í Stjórnarráðinu eftir
að fundi ríkisstjórnarinnar lauk.
Til upprifjunar lagði Bjarni
Benediktsson, fjármála- og efna-
hagsráðherra, fram tvö frumvörp
um losun hafta á fundi ríkis-
stjórnarinnar á föstudaginn var;
annars vegar frumvarp til laga um
stöðugleikaskatt og fleira og hins
vegar frumvarp til laga um breyt-
ingu á lögum um fjármálafyrirtæki,
nr. 161/2002, með síðari breyting-
um.
Sigmundur Davíð segist aðspurð-
ur ekki gera ráð fyrir að lögð verði
fram fleiri frumvörp um afnám
hafta áður en þingið fer í sumarfrí.
Hafi vaðið fyrir neðan sig
Spurður hvort eitthvað hafi kom-
ið í ljós á síðustu dögum sem kalli á
þessar aðgerðir, til dæmis að menn
hafi nýtt sér glufur í haftareglu-
verkinu, segir Sigmundur Davíð að
menn vilji hafa vaðið fyrir neðan
sig.
„Það var talið æskilegt að hafa
varann á hvað það varðar, vegna
þess að talin var ákveðin hætta á
því – þótt hún væri ef til vill ekki
mikil – að menn gætu reynt þegar
stóru málin verða kynnt á morgun
[í dag] að nýta sér glufur með leið-
um sem hafa ekki endilega verið
farnar fram að þessu. Þannig að
þetta er varúðarráðstöfun.“
Sigmundur Davíð segir aðspurð-
ur að þessar glufur tengist mögu-
legum lánveitingum milli sam-
stæðna. Talið hafi verið mögulegt
að flytja háar fjárhæðir úr landi á
þennan hátt. „Það má segja að það
sé möguleiki, án þess að menn hafi
átt von á því að það myndi gerast.
En það var tæknilega séð mögu-
leiki,“ segir hann.
Kynnt þingflokkum í dag
Sigmundur Davíð segir áður-
nefnd tvö frumvörp sem varða los-
un hafta verða kynnt í þingflokkum
fyrir hádegi í dag. Þá verði þau
kynnt formönnum stjórnarand-
stöðuflokkanna og í samráðsnefnd
um afnám hafta.
„Þau verða lögð fram sama dag.
Svo verður mælt fyrir þeim fljót-
lega. Ég ætla að það verði á mið-
vikudaginn kemur [á morgun],“
segir Sigmundur Davíð og tekur
fram að dagsetningin sé ekki
ákveðin.
Forsætisráðherra segir aðspurð-
ur að gert sé ráð fyrir því að frum-
vörpin tvö fari síðan til efnahags-
og viðskiptanefndar. Nefndin hafi
þá einhvern tíma til að skoða þetta
áður en málið fer í 2. umræðu.
Byggir á mikilli vinnu
Hann treystir sér ekki til að spá
fyrir um hvenær frumvörpin fari
inn í þriðju umræðu. „Ég treysti
mér ekki til að tjá mig um það að
öðru leyti en að benda á að þetta
byggir auðvitað á mjög mikilli
vinnu margra sérfræðinga til langs
tíma. Það er ástæðan fyrir því að
málið kemur fyrst fram núna, að
menn hafa gefið sér mjög góðan
tíma í að vinna þetta vel. Málið
kemur því mjög vel undirbúið í
þingið og þar af leiðandi ætti að
vera hægt að afgreiða það tiltölu-
lega hratt,“ segir Sigmundur Dav-
íð.
Hann segir aðspurður að lands-
lagið í haftamálum verði orðið mik-
ið breytt í lok ársins ef áðurnefnd
frumvörp verði að lögum.
„Við gerum ráð fyrir að lands-
lagið geti tekið grundvallarbreyt-
ingum til hins betra,“ sagði Sig-
mundur Davíð.
Stoppað upp í glufur á höftunum
 Efnahags- og viðskiptanefnd leggur fram frumvarp sem er m.a. ætlað að koma í veg fyrir að fé verði
flutt úr landi með lánum  Forsætisráðherra segir þetta fyrsta skrefið af þremur í þessari atrennu
Morgunblaðið/Golli
Málið kynnt Fundur var í efnahags- og viðskiptanefnd Alþingis síðdegis í gær. Á myndinni eru Jón Þór Ólafsson,
Frosti Sigurjónsson, Árni Páll Árnason og Steingrímur J. Sigfússon. Frosti mælti síðan fyrir málinu klukkan 22.
Sigmundur Davíð
Gunnlaugsson
Skúli Mogensen,
forstjóri og
stofnandi WOW
air, segir stór-
kostlegt hvað
vinsældir WOW
Cyclothon hjól-
reiðakeppninar
hafi aukist milli
ára. „Í fyrra voru
þátttakendur
hátt í 500 en
núna hafa um 1.000 manns skráð
sig til leiks. Mér finnst virkilega
gaman að sjá keppnina tvöfaldast
svona milli ára.“
Í fyrra söfnuðust 15 milljónir í
áheitasöfnun keppninnar og segist
Skúli viss um að meira safnist í ár.
„Ég er sannfærður um að sett verði
nýtt met í áheitasöfnun samhliða
aukinni þátttöku í keppninni. Fyrst
og fremst er ég þó spenntur að taka
sjálfur þátt í að hjóla hringinn.“
Keppendur hjóla hringinn í kring-
um landið, eða 1.332 km, og segir
Skúli, sem tekur þátt í fjórða sinn,
að það verði gleðin frekar en tím-
inn sem muni skipta hann máli.
Þátttökumet í WOW
hjólreiðunum í ár
Skúli
Mogensen
Helgi Bern-
ódusson,
skrifstofustjóri
Alþingis, sagð-
ist í gærkvöldi
ekki muna til
þess að þing
væri kallað
saman á
sunnudegi.
„Við lítum
svo á að það
væri ekki brot á reglunni þegar
boðað væri til fundarins eftir
náttmál. Við höfum miðað við að
það væri ekki fundur hér í þing-
húsinu frá dagmálum til náttmála,
þ.e.a.s. ekki þingfundur yfir dag-
inn [á sunnudegi]. Við höfum áð-
ur boðað til fundar aðfaranótt
sunnudags, til þess að ljúka þing-
störfum, þá hefur verið komið
fram yfir miðnótt milli laugardags
og sunnudags. En þetta er mjög
óvenjulegt og skýrist af þeim
nauðsynlegu ástæðum sem eru
fyrir hendi.“
Spurður hvort skýringin á því
að frumvarpið var lagt fram í
efnahags- og viðskiptanefnd í gær
sé sú að þá þurfi frumvarpið ekki
að fara aftur inn í nefndina segir
Helgi að þetta sé „ekki af-
brigðilegt með neinum hætti“.
„Þessi aðferð hefur oft verið val-
in, að mál sé flutt af nefnd og
þannig fæst umræða í nefndinni
áður en málið kemur til kasta
þingsins. Þetta er eðlilegt í máli
af þessu tagi og þá er hægt að
ganga úr skugga um hvort allir
eru sammála.“
Fátíður fundur á sunnudegi
SKRIFSTOFUSTJÓRI ALÞINGIS RIFJAR UPP REGLUR
Helgi
Bernódusson