Morgunblaðið - 08.06.2015, Page 9

FRÉTTIR 9Innlent
MORGUNBLAÐIÐ MÁNUDAGUR 8. JÚNÍ 2015
YOUR TIME IS NOW.
MAKE A STATEMENT WITH EVERY SECOND.
Pontos Day/Date
Sígild en engu að síður nútímaleg
hönnun sem sýnir það allra nauðsynlegasta.
Áreiðanlegt sjálfvindu úrverk sem sýnir
vikudaga og dagsetningu. Einfalt
og stílhreint úr sem sendir skýr skilaboð.
jonogoskar.is Sími 5524910 Laugavegi 6 1 Kringlan Smáralind
Benedikt Bóas
benedikt@mbl.is
Brynjólfur Brynjólfsson verkstjóri
hefur vakið athygli á götum borgar-
innar, en hann ekur um á upp-
gerðum GAZ 69 rússajeppa. Brynj-
ólfur setti bílinn á númer í lok maí,
en hann var tvö ár að gera bílinn
upp.
„Ég átti svona bíl í gamla daga.
Húsið er íslenskt, vélin er úr Volvo
því það voru svo lélegar vélar í þess-
um bílum og mjög eyðslufrekar,“
segir Brynjólfur. Hann hefur ekki
mælt hve miklu bíllinn eyðir á
hundraðinu. „Þannig var að bróðir
minn eignaðist þennan bíl, hann
sagði við mig að hann myndi aldrei
gera hann upp og vildi gefa mér
hann. Ég skoðaði bílinn og sá fljótt
að hann var mjög ryðgaður þannig
að ég svaraði að ég vissi ekki hvort
ég myndi hreinlega nenna því. Svo
dó bróðir minn skömmu síðar og þá
fannst mér það meiri skylda.
Ég geymdi bílinn svo þangað til
ég hætti að vinna og byrjaði þá. Hef
verið tvö ár í þessu dundi ásamt syn-
inum. Sá er trésmiður og hefur að-
stoðað mig mikið, tréverkið er hans
verk og ákaflega fallegt.“
Hægt er að taka undir orð
Brynjólfs, en bíllinn er fallegur og
hugað hefur verið að öllum smá-
atriðum. „Það er ekkert stykki sem
ég er ekki búinn að breyta og bæta.
Þetta er búið að vera mikil vinna en
skemmtileg,“ segir hann og fær sér
vænan slurk í nefið.
Bíllinn vekur víða athygli: „Ég
mætti of snemma til læknis á
fimmtudag, sat í bílnum og var að
hlusta á útvarpið, þá heyrist bank í
rúðuna. Þá var þar maður sem vildi
fá að skoða. Sá sagði mér að hann
hefði átt svona bíl og vildi bara
skoða.“
Tveggja ára verkefni
Morgunblaðið/Kristinn
Glæsilegur bíll Brynjólfur við rússajeppann sinn sem vekur alls staðar athygli enda haganlega gerður upp.
 Glæsilegur GAZ 69 bíll gerður upp  Vekur athygli
Brynja B. Halldórsdóttir
brynja@mbl.is
Í tilefni af tíu ára afmæli samstarfs-
nets Evrópsku neytendaastoðarinn-
ar (e. The European Consumer
Centres, eða ECC) hefur verið gefin
út afmælisskýrsla á ensku með yfir-
liti yfir starfið á þessum áratug. Net-
ið er starfandi í öllum aðildarríkjum
ESB auk Íslands og Noregs. Yfir
650.000 fyrirspurnir hafa borist
ECC-stöðvunum á tímabilinu frá
evrópskum neytendum, þar af 90.000
á síðasta ári. Stöðvarnar fengu í
fyrra 37.000 kvartanir.
Kvörtunum vegna kaupa á netinu
á milli landa hefur fjölgað verulega á
síðustu árum. Má geta þess að í fyrra
voru yfir tveir þriðju hlutar kvartana
vegna kaupa á netinu. Helstu ástæð-
ur kvartana eru þær að vara er ekki
afhent, annar samningsaðili hættir
við samninginn, gallaðar vörur eða
rangar vörur. Nánar tiltekið er þetta
ástæðan fyrir kvörtun í 45% tilfella.
Ýmsar áhugaverðar reynslusögur
koma fram í skýrslunni, til dæmis
um týndan farangur, megrunartöflu-
svindl, okur á tjaldsvæði, vandræði
við kaup á rafsígarettu og brunasár
vegna ,,hrotuarmbands“.
Týndur farangur og
skil á bílaleigubíl
Í lok skýrslunnar má finna yfirlit
yfir stöðu neytendamála í hverju
samstarfslandi fyrir sig. Í umfjöllun
um Ísland eru sagðar tvær nýlegar
reynslusögur. Önnur þeirra er um
Frakkann Eric, sem týndi farangr-
inum sínum í Leifsstöð þegar hann
millilenti hér á landi. Þegar
farangurinn hafði ekki skilað sér,
þremur vikum seinna sneri hann sér
til ECC, sem hafði samband við flug-
félagið, sem endurgreiddi loks Eric
allan útlagðan kostnað.
Hin reynslusagan er um Reykvík-
inginn Guðmund. Eftir skil á bíla-
leigubíl var hann rukkaður um 36
punda viðbótargreiðslu, sem bíla-
leigan kallaði ,,þjónustugjald“. Bíla-
leigan tjáði honum þá að breska lög-
reglan hefði krafið fyrirtækið um
upplýsingar um hver hefði notað bíl-
inn á leigutímanum, vegna rann-
sóknar á meintu broti.
Guðmundur hafði hins vegar sjálf-
ur samband við lögregluna, sem tjáði
honum að hann hefði ekki framið
neitt afbrot og að hann væri ekki til
rannsóknar. Guðmundur hafði því
næst samband við ECC, sem hjálp-
aði honum að fá pundin 36 endur-
greidd.
Kvartanir vegna
viðskipta á netinu
 Í nógu að snúast hjá evrópsku neyt-
endaaðstoðinni  Íslenskar reynslusögur
Morgunblaðið/RAX
Vilhjálmur A. Kjartansson
vilhjalmur@mbl.is
Þórunn Sveinbjarnardóttir, formað-
ur BHM, segir ekki liggja skýrt fyrir
hver ávinningurinn verði af sérstakri
sáttanefnd í kjaradeilu BHM og
ríkisins. „Ríkisstjórnin lagði þessa
leið til á föstudaginn og miðað við þau
drög sem við fengum á pappír í dag
virðist umboð sáttanefndar vera það
sama og ríkissáttasemjara. Annars
munum við hitta fulltrúa ríkisins á
morgun og þá skýrist kannski betur
hvað mun vinnast með tilkomu sátta-
nefndar því við sjáum ekki hvað hnút
hún á að leysa,“ sagði Þórunn í gær.
Ólafur G. Skúlason, formaður Fé-
lags íslenskra hjúkrunarfræðinga,
tekur undir með Þórunni og segir
enn óljóst hver ávinningurinn af
sáttanefnd eigi að vera. „Ríkis-
sáttasemjari hefur allar þær heim-
ildir sem nefndin mun hafa og ég tel
frekar að þetta geti orðið til þess að
tefja samningaferlið en að skapa
grundvöll að lausn á kjaradeilu okk-
ar.“
Þá telja bæði Ólafur og Þórunn að
til lagasetningar gæti komið en Þór-
unn segist vona að ríkið virði samn-
ingafrelsi sinna félagsmanna og komi
frekar til móts við kröfur BHM.
Ólafur tekur í sama streng en seg-
ist óttast að lagasetning sé handan
við hornið. „Auðvitað óttumst við að
gripið verði til lagasetningar og það
styttist í að sett verði lög ef ekki
tekst að semja en kröfur okkar hafa
alltaf verið skýrar og við teljum
mikilvægt sem aldrei fyrr að hækka
grunndagvinnutaxta.“
Óheppileg ummæli ráðherra
Gunnar Bragi Sveinsson utanríkis-
ráðherra lét þau orð falla um helgina
að óheppilegt væri að Þórunn Svein-
bjarnardóttir, formaður BHM, væri
hápólitísk og vísaði til starfa hennar
fyrir Samfylkinguna.
Þórunn segir ummæli ráðherrans
óheppileg og koma á vondum tíma.
„Ráðherrann byggir ekki brýr með
þessum ummælum sínum og lítur
framhjá þeirri alvarlegu stöðu sem
kjaradeilurnar eru komnar í.“
Morgunblaðið/Eggert
Kjaradeilur Ekki liggur fyrir hver ávinningur af sáttanefnd á að vera.
Hlutverk sátta-
nefndar óljóst
 Óttast lagasetningu á verkföll
Ólafur G.
Skúlason
Þórunn
Sveinbjarnardóttir