Húnavaka - 01.05.2000, Side 68

66
HÚNAVAKA
konar líki. Ég á Adam og Evu, gamlar húsalugtir, fólksbíl, golfkúlu og
margar fleiri flöskulíkingar.
Þessi söfnun hefur gefið mér töluvert. Ég hef gaman af því að sýna
kunningjum mínum skápinn. Gallinn við þetta er sá að sumar flöskurn-
ar eru með svo óþéttum tappa að það er að verða búið úr þeim. Enda
mundir þú finna að ef skápurinn er opnaður, gýs á móti manni áfengis-
lyktin.
Hvab segir konan þín um þessa söfnun ?
Ég held að hún sé bara svolítið ánægð með þetta. Aldrei hefur hún
neitt á móti því þegar ég kaupi mér smáflöskur í útlöndum. Hún segir
mér reyndar stundum að kaupa fallegar flöskur en ekki aðeins venjuleg-
ar smáflöskur með öðrum miða en ég á fyrir. Innihaldið skipti mig hvort
sem er engu máii því að ég opni þær aldrei.
Þegar ég hef verið að kaupa flöskur úti hefur aðeins tvisvar sinnum
komið fyrir að ég hafi kornið með eins flöskur heim og ég átti fyrir. Þó ég
hafi þetta nokkuð á tilfinningunni hefur mér dottið í hug, eftir að Auð-
unn sonur minn flutti norður, að biðja hann að setja upp einhvers konar
forrit til að skrá flöskurnar inn í tölvu. Það væri gaman ef af því gæti orð-
ið.
Ef til vill merkilegasta safnið
Ennþá á ég efdr að nefna eina söfnun. Tryggingarmiðstöðin hefur um
margra ára skeið sent mér jólakort. I nokkur ár sendu þeir alltaf kort
með mynd af listaverkum eftir Asgrím Jónsson. Kortin voru öll í sömu
stærð. Því er svo farið með Asgrím að hann málaði þannig að venjulegt
fólk skilur myndir hans, þær eru fallegar og hafa góð áhrif. Auðvitað
henti ég ekki jólakortunum.
Ég var búinn að búa nokkur ár í húsinu þegar ég setti handrið á sdg-
ann upp á hæðina. Þegar handriðið var komið upp fannst mér veggurinn
verða svo áberandi auður að ég tók mig til og innrammaði myndirnar
hans Asgríms af öllum kortunum sem ég átti.. Ég hengdi þær síðan upp
á vegginn fyrir ofan handriðið í sömu línu og það. Ég átti þá myndir af
11 kortum og fór að velta því fyrir mér hvort ekki hefðu verið gefin út
fleiri kort. Nokkru síðar fór ég að gramsa í bókabúð og þar náði ég í
nokkur til viðbótar.
Eftir Jrað hafði ég mikinn hug á að ná í öll kortin með myndum As-
gríms. Ég hringdi í stúlku sem vann í Listasafninu og spurði hvort þar
væru til kortin með myndunum hans Ásgríms. Hún sagði mér að senda
sér lista yfir það sem ég ætti. Hún sendi mér nokkur kort af þeim sem
mig vantaði. Síðan hef ég fengið það sem hefur verið gefið út og á þau
J