Húnavaka - 01.05.2000, Page 101

VALGERÐUR BJARNADOTTIR:
Síðustu jólin heima
(minningabrot)
Mig langar til að rifja upp nokkrar gamlar minningar frá síðustu jólunum
sem ég átti í foreldrahúsum. Þótt liðin séu 54 ár síðan man ég vel eftir
þessum jólum.
Þennan vetur var ég í Reykjavík og vann á saumastofu sem jafnframt
gilti sem nám. Eg hafði lítið dvalið að heiman áður. Þó var ég í
Kvennaskólanum á Blönduósi tveim vetrum fyrr en það má segja að hafi
verið mínir heimahagar. I Héraðsskólanum í Reykholti var ég einn og
hálfan vetur þegar ég var 15 og 16 ára. Miklu réði um veru mína þar að
tveir föðurbræður mínir, frá Hvammi í Langadal, voru þar, þeir Jóhann
Frímann, sem var skólastjóri, og Guðmundur Frímann sem kennari.
Seinni veturinn, sem ég var þar, kom seint í nóvember upp skarlatssótt í
skólanum. Skólinn var því nokkrar vikur í sóttkví. Enginn fékk að fara
heim í jólafrí. Það urðu mikil vonbrigði öllu þessu unga fólki sem var
vart af barnsaldri. Nokkrir lágu í rúmunum um jólin en aðrir voru að ná
sér eftir veikindin, þar á meðal ég. Reynt var að hafa eitthvað til
skemmtunar fyrir þá sem hressir voru.
Jólin sem ég ætla að segja frá hér voru mín síðustu jól heima á Efri-
Mýrum. Eg fékk frí á saumastofunni, rétt fyrir jólin, til þess að bregða
Valgerður Bjarnadóttir er fædd að
Efri-Mýrum í Engihlíðarhreppi 25.
apríl 1925. Foreldrar hennar voru
Ragnhildur Þórarinsdóttir og Bjarni
O. Frímannsson, búendur þar.
Valgerður er gift Karli G. Sigur-
bergssyni fyrrverandi skipstjóra og
hafnarverði. Þau eiga tvo syni og hafa
verið búsett í Keflavík síðastliðin 43 ár.