Húnavaka - 01.05.2000, Qupperneq 174

172
H U N A V A K A
um á Ásum. Þau hjón eignuðust átta börn sem upp komust, tvær dætur
og sex syni og var Bragi næstyngstur systkinanna sem öll eru látin.
Hann ólst upp í foreldrahúsum við hefðbundin sveitastörf þess tíma
en þegar hann var sjö ára ganrall fluttu foreldrar hans frá Fremstagili að
Blöndubakka.
Þegar Bragi var 16 ára fór hann á hjóli til
Reykjavíkur og fékk vinnu hjá Ellingsen sem
sendill. Þar vann hann í nokkur misseri en fór
þá til sjós. Hann var að mestu á sjónum næstu
árin, bæði á far- og fiskiskipum, en einnig var
hann í Svíþjóð um skeið en kom heirn í su íðs-
byrjun frá Petsamo.
Bragi lauk farmannaprófi frá Stýrimanna-
skólanum árið 1942 og hann sigldi öll stríðsár-
in. Frá 1942 - 1956 var hann stýrimaður og
skipstjóri á skipum Eimskipafélagsins. Eftír að
hann hætti til sjós starfaði hann m.a. við versl-
un og fasteignasölu en vann lengst hjá Rann-
sóknastofnun byggingariðnaðarins.
Þann 28. nóvember árið 1942 kvæntist hann Steinunni Jónsdóttur frá
Hellissandi. Þau eignuðust sex börn: Viggó, Brynjar Örn, Heiðar Þór,
Hilmar, Irisi og Agnesi Guðrúnu. Soninn Erling eignaðist Bragi fyrir
hjónaband. Bragi og Steina áttu heimili sitt í Reykjavík nær alla tíð en
hún lést árið 1994.
Bragi hafði áhuga á hestamennsku og þau hjónin nutu þess að spila
bridge og ferðast. Hann var bóklmeigður og fylgdist grannt með knatt-
spyrnu. Þjóðmál voru honum hugleikin og hann tók virkan þátt í verka-
lýðsmálum, var m.a. trúnaðarmaður árum saman á vinnustað sínum.
Bragi Agnarsson var maður stór í sniðum, átti heita lund og var maður
tílflnninga og ákveðinna skoðana. Hann var stjórnsamur en þó umfram
allt réttsýnn, sanngjarn og heiðarlegur. Hann var orðheldinn, traustur
og nákvæmur.
Bragi var einstakt snyrtimenni, hjá honum var allt í röð og reglu og
hann vakti jafnan athygli lrvar sem hann kom fyrir fallegan og smekkleg-
an klæðaburð.
Utför hans fór fram frá Bústaðakirkjn þann 26. mars.
Sr. ÆgirFr. Sigurgeirsson.