Húnavaka - 01.05.2006, Side 103

H U N A V A K A
101
Jodhpur var frekar stór borg og rniklu ópersónulegri heldur en Udaip-
ur. En þeir hafa svolítið sem var þess virði að heimsækja, það var hið stór-
fenglega \ irki Mehrangarh fort. Þ\í er svo vel við lialdið að það er eins og
fólkið hafði flutt úr þ\’í daginn áður. Það tók fjóra tíma að labba gegnum
það en það var vel þess virði. Sorglegt er að hugsa til þess að í Rajasthan
er fullt af flottum virkjum sem eru að molna niður. Ef þau voru ekki í
einkaeign hugsar enginn um þau.
Jaisalmer er í miðri eyðimörkinni. A leiðinni til Jaisalmer var rútan al-
gjörlega pökkuð af alls konar fólki. Það var rosalega gaman að sjá ætt-
bálkakonurnar. Þær voru með mikið af skartgripum og klæddust mjög
litríkum föturn. Surnar voru með hvít armbönd frá úlnlið upp allan upp-
handlegg. Þegar ég komst loksins til Jaisalmer var 48 stiga hiti. Eg hafði
pantað mér lítið herbergi á litlu hóteli innan veggja Jaisalmer virkisins.
Eg hélt nú að ég rnyndi þola hitann þar sem ég hefði gert það hingað
til. Mér leið alla nóttina eins og ég lægi á steikarpönnu og svaf ekki dúr
því að mér fannst ég vera að leysast upp í hitanum. Daginn eftir fékk ég
viftu inn í herbergið en það var litlu skárra. Næturnar í Jaisalmer voru
svefnlausar nætur.
Skortur er af vatni í Jaisalmer eins og við má búast í eyðurmerkurborg.
Mér skildist að þótt monsún væri að ganga yfir rigndi voða lítið í
Jaisalmer. Vatnið í sturtunum var brúnleitt og lítið af því. Jaisalmer hefur
alveg sérstaka fegurð, grófa fegurð. Eitt og eitt tré sá ég en síðan var bara
sandur en þeir kunna líka að nota sandinn. Eg sá nokkur hús sem til-
heyra byggingarlist sem er alveg sérstök fyrir Jaisalmer. Þessi hús eru búin
til úr sandsteini. A öllum brúnum og út um allt var fallega útskorið
munstur.
Eg gat ekki farið til Jaisalmer án þess að fara á úlfalda að sjá sandhól-
ana. Af sandhólunum horfði ég síðan á sólsetrið og ég held að það sé
ekkert eins fallegt og sú sjón. Það var líka í Jaisalmer að ég sat inni í búð
og var að versla og heyrði einhvern óvenjulegan umgang og sá að allt í
einu var komin k)V inn í búðina.
Einnig fór ég til Pushkar. Þetta var pínulítill bær en aðdráttarafl hans
í augum Indverja var að hann var heilagur staður. Það var ekki selt neitt
kjöt þarna eða egg og heldur ekki áfengi. Bærinn var fullur af hindiprest-
urn. Það var einungis þrennt í Pushkar: Musteri, heilagt vatn og æðisleg-
ur markaður. Það er skammarlegt að viðurkenna það en ég rétt leit á
vatnið í flýtí, skoðaði eitt musteri og arkaði síðan á markaðinn og þar var
ég það sem eftir var af ferðinni. Mér fannst eitt frekar sérstakt en það er
að Pushkar er heilagur staður fyrir Indverja, bæði vegna heilaga vatnsins
og gamals musteris. Ef keyrt var í 15 mínútna fjarlægð frá Pushkar var
hins vegar bær sem kallast Ajmer og þar búa aðallega múslimar því að
þar er fræg moska.