Húnavaka - 01.05.2006, Blaðsíða 213

HUNAVAKA
211
grindur í reykofna. Ljóst er að fjár-
festingar þessar hafa verið félaginu
dýrar en nauðsynlegar til að
tryggja vöxt og viðgang slátrunar
og kjötvinnslu á Blönduósi. Akveð-
ið er að endurnýja sauðfjárréttir
og eru þær framkvæmdir þegar
hafnar.
Nú hillir loks undir að það erf-
iða ástand sem verið hefur á kjöt-
markaði undanfarin ár sé tekið að
skána. Kjötverð til bænda hefur
hækkað til muna á flestum kjötteg-
undum og nú er svo komið að
nautakjöt vantar, dilkakjöt er af
skornum skammti og hið sama má
segja um svínakjöt. Verð folalda-
kjöts hefur hækkað svo og verð fyr-
ir fullorðin hross. Um verulega
breytingu er að ræða, breytingu
sem bændur og afurðasölufyrir-
tæki þeirra hafa beðið lengi eftir.
Þess hefur verið gætt að skila þess-
um hækkunum til bænda um leið
og verðhækkun hefur náðst á
markaði. Oft hefur það reyndar
verið svo að verð til bænda hefur
hækkað fyrst og síðan verð á mark-
aði. Þannig hefur félagið leitast\ið
að hafa hagsmuni bænda að leið-
arljósi.
Samhliða hækkandi kjötverði til
bænda hækkar verð til neytenda
og hefur ein af afleiðingum þess
orðið all hávær umræða um hátt
matvælaverð á Islandi. Þessi um-
ræða hefur svo magnast þar sem
framleiðendur hafa ekki getað
annað eftirspurn eftir t.d. naut-
gripakjöti og svínakjöd. Er nú svo
komið að nautgripakjöt er flutt inn
í nokkrum mæli og er það áhyggju-
efni því að þar með eru varnir
gegn innflutningi að bresta og
hætt við að sá brestur nái dl ann-
arra kjöttegunda, jafnvel dilka-
kjöts, ef verulegur skortur verður á
því.
Kjötsala hefur aukist um 3.400
tonn frá árinu 2000 til ársins 2005
sem samsvarar ríflega 11 kg á livert
mannsbarn. Það er allveruleg
aukning og er nú svo komið að
auka þarf framleiðslu til að halda í
við þessa þróun. Hátt jarðaverð og
hátt verð á greiðslumarki gerir
kynslóðaskipti erfið, sérstaklega í
sauðfjárrækt. Finna þarf leiðir til
að halda jörðum í framleiðslu þó
að eldri bændur hætti búskap svo
að tryggja megi að Islendingar geti
um komandi ár borðað heilbrigt
kjöt framleitt á Islandi.
A tímum harðnandi samkeppni
er nauðsynlegt að horfa dl framtíð-
ar og reyna að spá í hvar sóknar-
færi liggja. Undanfarin ár hafa
umsvif SAH svf. aukist nrikið, fyrst
og fremst vegna aukinnar slátrun-
ar sauðfjár. Samfara aukinni slátr-
un hefur fjölgað störfum við
úrbeiningu og frágang vöru. Er nú
svo komið að í lok árs 2005 störf-
uðu að jafnaði 40 manns hjá SAH
svf. en það er um 18 manns fleira
en árið 2000. Telja verður að sókn-
arfæri SAH Afurða ehf. liggi fyrst
og fremst í aukinni slátrun ann-
arra tegunda en sauðfjár og leggja
verði enn frekari áherslu á verk-
tökuvinnu fyrir aðrar kjötvinnslur,
s.s. reykingu og úrbeiningu. Teng-
ing SAH Afurða ehf. við Kjarna-
fæði á eftir að reynast félaginu
mikill styrkur þegar sótt verður
fram á þessu sviði.
SigurðurJóhannesson,
framkv.stjóri.