Dagblaðið Vísir - DV - 08.01.2009, Blaðsíða 2

Kalt var í veðri og lítil úrkoma féll af
himnum ofan í Austurstræti í gær.
Mótmælendum var heitt í hamsi,
þeir spiluðu á trompet og krotuðu
slagorð á gangstéttina fyrir framan
bankann auk þess að skrifa á bygg-
inguna sjálfa. Mótmælendum var
gífurlega heitt í hamsi en mótmælin
fóru þó friðsamlega fram. „Bankan-
um þínum er sama um þig“, „Út með
Elínu“ og „Engar djöfulsins afskrift-
ir“ hrópuðu mótmælendur af mikl-
um móð fyrir utan bankann á meðan
starfsmenn bankans fylgdust með úr
gluggum í byggingunni.
Fluttu Elínu út úr bankanum
Mótmælendur fluttu konu í gervi
Elínar Sigfúsardóttur, bankastjóra
Landsbankans, út úr bankanum í
hjólastól og fögnuðu mótmælend-
ur ákaft þegar sá gjörningur var yf-
irstaðinn. Að sögn mótmælanda var
það táknrænt þar sem þess var kraf-
ist að Elín myndi segja af sér. Mót-
mælendur voru með grímur og klúta
og kröfðust uppstokkunar í íslensku
þjóðfélagi, ábyrgðar ráðamanna og
að yfirmenn í nýja Landsbankanum
sem héldu vinnu sinni skyldu víkja
tafarlaust. Mótmælendur spiluðu fót-
bolta í anddyri bankans en þó fengu
þeir sem voru með grímu fyrir and-
litinu ekki að koma inn í bankann.
Öryggisverðir höndluðu mótmælin
af stökustu ró og kom ekki til neinna
ryskinga á milli þeirra og mótmæl-
enda. Allir mótmælendur voru með
klút fyrir andlitinu sem átti að tákna
samstöðu. Lögreglan fylgdist með úr
fjarska og var þó nokkrum lögreglu-
bílum lagt í nágrenni bankans og
voru tilbúnir ef til ryskinga kæmi
Vill lífstíðardóm yfir
landráðamönnum
„Ég er bara að mótmæla bönkunum
yfirhöfuð, spillingunni og öllu því.
Ég vil sjá lífstíðardóma yfir land-
ráðamönnunum sem fluttu pen-
ingana sína í gegnum Lúxemborg
og Cayman-eyjar og lifa rosalega
hátt þar, það eru bara landráð,“ seg-
ir Bergur Þorgeirsson nemi sem tók
þátt í mótmælunum í gær. Hann seg-
ist hafa velt því fyrir sér hvernig ríkið
geti skuldað peninga og hvort fólk-
ið í landinu geti skuldað fyrir hönd
einhvers annars. „Það er eins og ein-
hver dökkhærður skuldaði mér pen-
ing þá myndu bara allir dökkhærðir
skulda mér pening og borga hluta af
tekjuskattinum til mín.“ Hann von-
ar að atvinnulausa fólkið fari að taka
þátt í mótmælunum á næstu vikum
og mánuðum.
Ástandið mun versna
Magnús Þór Hafsteinsson, varafor-
maður Frjálslynda flokksins, stóð
upp við vegg og fylgdist með úr
fjarska. „Fólk á rétt á að mótmæla
og það er skiljanlegt að fólk geri það,
þetta er voða mikið svipað fólk og
hefur verið að mótmæla sýnist mér.
Það fer að styttast í að venjulegir fjöl-
skyldufeður og -mæður fari út á göt-
urnar, þá verður ástandið alvarlegra
og hættulegra.“
Magnús Þór segist hafa mikl-
ar áhyggjur af mótmælunum og
ástandinu í landinu. „Ég hef fylgst
með þessu öllu saman og mér finnst
þetta alltaf vera að vinda meira og
meira upp á sig. Maður skynjar mikla
reiði og frústrasjón í þjóðfélaginu og
margir hafa miklar áhyggjur.“ Magn-
ús vill að ríkisstjórnin víki strax frá
enda sé til mikið af hæfileikaríku
fólki sem hefur ekki komið nálægt
„þessu rugli“.
Beint á Kaffi Hljómalind
Þegar mótmælendur voru búnir
að láta í sér heyra við alla innganga
Landsbankans héldu flestir heim á
leið. Einn mótmælandinn hafði á
orði við blaðamann að nú myndu
þeir hittast á Kaffi Hljómalind þar
sem næstu aðgerðir yrðu planaðar.
fimmtudagur 8. janúar 20082 Fréttir
„ENGAR DJÖFULSINS AFSKRIFTIR“
Í kringum 50 mótmælendur komu saman fyrir framan aðalútibú
Landsbankans í Austurstræti í Reykjavík í gær. Mótmælin fóru
friðsamlega fram en lögreglan var þó tilbúin með mannskap ef
til ryskinga kæmi. Mikill hiti var í fólki og segir Magnús Þór
Hafsteinsson, varaformaður Frjálslynda flokksins, að ástandið
geti orðið miklu hættulegra og alvarlegra þegar venjulegu hús-
mæðurnar fara út á göturnar að mótmæla.
Boði logason
blaðamaður skrifar bodi@dv.is
„Ég vil sjá lífstíðardóma
yfir landráðamönn-
unum sem fluttu pen-
ingana sína í gegnum
Lúxemborg og Cay-
man-eyjar og lifa rosa-
lega hátt þar.“
Bergur Þorgeirsson Hvetur alla þá
sem eru atvinnulausir að koma og
mótmæla.
Hiti mótmælendur huldu andlit
sín til að sýna samstöðu, þó
voru ekki allir sem fóru eftir því.
Elín borin út Kona í gervi Elínar
Sigfúsdóttur var borin út á tákn-
rænan hátt af mótmælendum.
samstaða hjá mótmælendum
„Bankanum þínum er sama um
þig,“ öskruðu mótmælendur í gær.