Dagblaðið Vísir - DV - 08.01.2009, Blaðsíða 4
fimmtudagur 8. janúar 20084 Fréttir
Flugfélag kaupir
ferðaskrifstofur
Iceland Express hefur gengið frá
kaupum á öllu hlutafé í Ferða-
skrifstofu Íslands, sem inni-
heldur Úrval Útsýn, Plúsferðir
og Sumarferðir. Hjá félögunum
starfa rúmlega 70 manns.
Ferðaskrifstofan hefur glímt
við rekstrarerfiðleika undan-
farna mánuði. Með kaupun-
um er tryggt að þeir fjölmörgu
farþegar, sem keypt höfðu ferðir
hjá félaginu, munu ekki verða
strandaglópar. Iceland Express
mun koma með nýtt fé inn í
reksturinn og tekur við öllum
skuldbindingum þess. Samn-
ingur þess efnis var undirritað-
ur í gær. Þorsteinn Guðjónsson
verður áfram forstjóri félagsins.
Þjófar stálu
nuddstólum
Skömmu fyrir áramót var um
30 rafmagnsnuddstólum og
nokkrum dýnum stolið í inn-
broti í fyrirtæki í Hafnarfirði.
Bæði er um að ræða lúxus-
stóla í svörtu leðri, og hvíld-
arstóla sem eru alklæddir
svörtu leðri og með rafstýr-
ingu. Þetta er ekki það eina
sem þjófarnir höfðu upp úr
krafsinu. Þeir tóku líka leður-
hvíldarstóla og tungusófa.
Tölvurnar læra
á barnaklámið
Björn Bjarnason, dóms- og
kirkjumálaráðherra, Stefán
Eiríksson, lögreglustjóri á höf-
uðborgar-
svæðinu, og
fyrirtækið
Eff2 Technol-
ogies hafa
undirritað
tímabundinn
verksamning
um þróun,
uppsetn-
ingu og afnot á hugbúnaðarkerfi
fyrir embætti lögreglustjórans á
höfuðborgarsvæðinu sem gerir
lögreglunni kleift að bera kennsl
á barnaklám og annað ólögmætt
efni í tölvum sem hafa verið
haldlagðar. Með þessu samstarfi
lögreglunnar og Eff2 Technolog-
ies verður Ísland fyrsta landið í
heiminum sem notar slíka lausn
í baráttunni gegn barnaklámi og
öðru ólögmætu efni.
Nágrannar
hjálpa til í eldi
Slökkviliðið á Akureyri var kallað
út tvisvar með stuttu millibili í
fyrrakvöld. Um klukkan 22 var
slökkviliðið kallað út vegna elds
í ruslakari sem stóð við leikskól-
ann Kiðagil. Mikill eldur var þá
í gámnum og segir í tilkynningu
slökkviliðs að litlu hafi munað
að eldurinn bærist í leikskólann.
Rúða nálægt gámnum sprakk
við hitann og barst nokkur reyk-
ur inn í leikskólann.
Áður en slökkviliðið mætti á
vettvang, höfðu nágrannar náð
að færa gáminn frá skólanum
og bjargað honum frá tjóni. Á
meðan slökkvilið var á vettvangi
barst önnur tilkynning um eld
í gámi við verslunarmiðstöðina
Sunnuhlíð. Dælubíll var sendur
á vettvang, en ekki var mikill
eldur í þeim gámi.
ritstjorn@dv.is
Innlendar FréttIr
Smölun fyrir flokksþing Framsóknar og Bjarni Harðarson segir sig úr flokknum:
uppnám í röðum framsóknarmanna
Sigmundur Davíð Gunnlaugsson,
formannsframbjóðandi í Framsókn-
arflokknum, neitar því að hafa staðið
fyrir smölun nýrra flokksmanna fyr-
ir fund Framsóknarfélags Reykjavík-
ur á þriðjudagskvöldið, en vefmiðill-
inn Eyjan staðhæfði það í frétt sinni
í fyrrakvöld. Athygli vakti að margir
nýir flokksmenn voru af erlendum
uppruna og vakti það grunsemd-
ir margra. Á skrifstofu Framsóknar-
flokksins fengust ekki upplýsingar
um hver lagði listann með nýju með-
limunum fram, starfsmaður á skrif-
stofu bar fyrir sig að þær væru trún-
aðarmál.
„Nei, ég smalaði ekki, en svo allt
komi fram sé ég nokkur nöfn á þess-
um lista sem ég tel vera stuðnings-
menn mína,“ segir Sigmundur en á
fundi Framsóknar í Kópavogi í gær
var ekkert talað um meinta smöl-
un. Meðal umræðuefna þar var inn-
ganga Íslands í Evrópusambandið og
skipulagsmál í Kópavogsbæ og var
fundurinn með rólegra móti.
Bjarni Harðarson tilkynnti þá
ákvörðun sína í gær að hann væri
hættur í Framsóknarflokkinum og
segir hann ástæðuna að skoðanir
hans eigi ekki upp á pallborðið hjá
flokknum.
„Það er afskaplega andstætt, að
mínu viti, á þeim grunni sem gamli
Framsóknarflokkurinn byggði á að
nú skuli hópast inn í þennan flokk
fólk sem virðist berjast gegn fullveldi
landsins með hugmyndum um inn-
göngu í Evrópusambandið. Baráttan
fyrir landsbyggðarmálum, landbún-
aði og hag minni fyrirtækja tengdum
sjávarútvegi hafa verið afgangsdæmi
og öllum tilraunum til að breyta
þessu hefur verið mjög fálega tekið
einmitt af því fólki sem nú er komið í
forystu,“ segir Bjarni sem er sáttur við
þessa ákvörðun en segist ekki hættur
í pólitík.
„Ég útiloka ekki framboð í næstu
þingkosningum en það ræðst nátt-
úrlega mikið af því hvenær gengið
verður til kosninga. Ég get ekki neglt
neitt niður í þeim efnum.“
liljakatrin@dv.is
Fundur í Keflavík
Í gærkvöldi var einnig haldinn
félagsfundur framsóknar í Keflavík.
MYND: KristiNN MagNússoN
guðlaugur Þór Þórðarson heilbrigðisráðherra kynnti í gær þær hagræðingar sem
verða á heilbrigðisþjónustu hér á landi og ekki eru allir sáttir. Elliði Vignisson, bæj-
arstjóri Vestmannaeyja, vill fara í viðræður við heilbrigðisráðuneytið um rekstur
sjúkrahússins í bænum en samkvæmt breytingum heilbrigðisráðherra á að sameina
það sjúkrahús og Heilbrigðisstofnun Suðurlands á Selfossi. Forstjóri St. Jósepsspítala
segir starfsfólk sitt reitt en spítalinn á að sinna hlutverki á sviði öldrunarlækninga.
EYJAMENN VILJA
YFIRTAKA SPÍTALA
„Við höfum óskað eftir því sveitar-
félagið að taka upp viðræður við
heilbrigðisráðuneytið um rekstur
sjúkrahússins í Vestmannaeyjum.
Þá tækjum við alfarið að okkur rekst-
ur á sjúkrahúsinu og heilsugæsl-
unni, annaðhvort hvoru tveggja eða
öðru hvoru eftir því hvernig samn-
ingar næðust. Þá myndum við reka
þetta fyrir framlög frá ríkinu,“ segir
Elliði Vignisson, bæjarstjóri í Vest-
mannaeyjum.
Eyjamenn eru allt annað en
sáttir við þá ætlun Guðlaugs Þórs
Þórðarsonar heilbrigðisráðherra að
færa heilbrigðisþjónustuna í Vest-
mannaeyjum undir Heilbrigðis-
stofnun Suðurlands á Selfossi.
Betra að gera þetta sjálf
„Þetta er ekki draumastaðan, það
sem við hefðum helst kosið,“ segir
Elliði.
„Við skiljum forsendurnar og
að það þurfi að hagræða en sú að-
ferðafræði að flytja forræði yfir
mikilvægum stofnunum af lands-
byggðinni á höfuðborgarsvæðið
er ekki eitthvað sem við komum
til með að nota sem útgangspunkt
í þessu. Þá viljum við frekar takast
sjálf á við reksturinn að því gefnu
að samkomulag náist við ríkið um
framlög.“
Elliði segir Vestmannaeyjabæ
langbest fallinn til að veita heil-
brigðisþjónustuna og að hún falli
vel að annarri þjónustu sem bæjar-
félagið veiti.
„Við veitum félagslega þjónustu,
rekum dvalarheimili aldraðra,
erum með hvers konar félagslega
aðstoð þannig að í raun og veru
myndi heilbrigðisþjónusta falla vel
að því. Þetta myndi falla mjög vel að
okkar rekstri og við höfum þá trú að
ef samningar nást getum við veitt
hagkvæmari og betri þjónustu.
guðlaugur vill hagræða
Heilbrigðisráðherra hyggst ná fram
hagræðingu í rekstri heilbrigðis-
stofnana víðs vegar um landið.
Meðal þess sem kynnt hefur verið
er yfirtaka Landspítalans á skurð-
stofurekstri á Selfossi auk þess sem
vaktir á skurðstofum á Selfossi og í
Keflavík verða lagðar af.
Heilbrigðisstofnanir í hverjum
landshluta verða sameinaðar undir
forystu eins sjúkrahúss.
Í fréttatilkynningu frá heilbrigð-
isráðuneytinu segir að breytingarn-
ar hafi verið unnar í samráði við
stjórnendur stofnananna sem þær
taka til og meginmarkmið þeirra
kynnt starfsmönnum viðkomandi
stofnana. Þar segir líka að á næstu
dögum verði unnið með stjórnend-
um stofnananna að útfærslu breyt-
inganna hvað varði tilfærslur verk-
efna og starfsfólks. Vinnuhópar eigi
að skila útfærslu sinni til ráðherra
fyrir 19. janúar.
Stefnt er að því að sameiningin
taki formlega gildi 1. mars næst-
komandi.
Heilbrigðiskerfinu gjörbreytt
Heilbrigðisráðherra boðar
víðtækar breytingar á stjórn og
skipulagi hjúkrunarstofnana.
atli Már gYlFasoN
blaðamaður skrifar: atli@dv.is
Vill yfirtaka reksturinn Elliði,
bæjarstjóri í Eyjum, vill frekar yfirtaka
reksturinn en missa stjórnina upp á
meginlandið.
„Sú aðferðafræði að
flytja forræði yfir mik-
ilvægum stofnunum af
landsbyggðinni á höf-
uðborgarsvæðið er ekki
eitthvað sem við kom-
um til með að nota sem
útgangspunkt í þessu.“