Dagblaðið Vísir - DV - 08.01.2009, Blaðsíða 28
fimmtudagur 8. janúar 200828 Fókus
Sýningarnar Íslenskir listamenn,
ljósmyndir eftir Jónatan Grétarsson,
og Þættir, verk eftir Björgu Þorsteins-
dóttur, verða opnaðar í Hafnarborg í
Hafnarfirði á laugardaginn.
Jónatan Grétarsson er ungur
ljósmyndari sem leitast við að skrá-
setja íslenska listamenn. Hann hef-
ur tekið fjölda ljósmynda af meira en
hundrað listamönnum úr öllum list-
greinum og á ýmsum aldri og á sýn-
ingunni verða sýnd um fjörutíu por-
trett. Sýningin í Hafnarborg er fyrst
í sýningaröð um íslenska listamenn
og fyrsta skrefið af mörgum þar sem
hann fæst við þetta viðfangsefni.
Jónatan lauk sveinsprófi í ljós-
myndun frá Iðnskólanum í Reykja-
vík 2002 og hefur hann einnig stund-
að nám við International Center of
Photography í New York. Hann hef-
ur tekið þátt í samsýningum blaða-
og ljósmyndarafélagsins og unnið
sem ljósmyndari fyrir tímarit auk
þess að reka eigið stúdíó. Á með-
al þeirra fjölmörgu listamanna sem
Jónatan hefur myndað eru tónlist-
armennirnir Ómar og Óskar Guð-
jónssynir og munu þeir flytja tónlist
á opnuninni.
Á neðri hæð Hafnarborgar verða
sýnd ný verk eftir myndlistarkon-
una Björgu Þorsteinsdóttur. Hér
eru á ferðinni málverk og teikning-
ar þar sem listakonan teflir saman
efnum og tækni á nýstárlegan hátt.
Hún tekst meðal annars á við shib-
ori-tækni á austurlenskan pappír og
teikningu á svífandi léttum skúlpt-
úrum og lágmyndum. Björg hefur
hlotið hinar ýmsu viðurkenningar
fyrir myndir sínar. Verk hennar er að
finna í opinberum söfnum og einka-
söfnum hér heima og erlendis, með-
al annars í Listasafni Íslands, Lista-
safni Reykjavíkur, Listasafni Háskóla
Íslands, Lista- og menningarsjóði
Kópavogs, Norræna húsinu í Reykja-
vík og Norðurlandahúsinu í Færeyj-
um.
Opnunin á laugardaginn hefst
klukkan 15.
á f i m m t u d e g i
Útgáfutónleikar á grand Rokk
indísveitin Kuroi hefur sent frá sér sína fyrstu plötu sem nefnist EP by Kuroi.
úgáfu skífunnar verður fagnað með tónleikum á grand rokk á laugardaginn þar
sem retro Stefson verður Kuroi-liðum til halds og trausts. Kuroi leikur kassagítar-
rokk auk þess að daðra við hljóm sveita sjöunda áratugarins, til dæmis Led
Zeppelin. tónleikarnar hefjast klukkan 23 og er aðgangseyrir 500 krónur. EP-
platan verður seld á sérstöku kynningarverði.
eaRmax og
sænskuR
gestuR
Fyrsta Bítboxkvöld ársins á Gla-
umbar fer fram í kvöld. Hipphopp
og reggítónlist verður í hávegum
höfð. EarMax (Subterranean, AntL-
ew/Maximum, 32C) ætlar að flytja
góða blöndu af sínu ferskasta auk
þess sem sænski rapparinn Double
H ætlar að flytja nokkur vel val-
in lög. Hann hefur gert góða hluti
í hipphopp-senunni í Svíþjóð og
kemur hingað til lands sérstaklega til
að taka upp með EarMax og öðrum
íslenskum tónlistarmönnum. Kvöld-
ið byrjar klukkan 21 og er frítt inn.
HandRit
óskast
Forlagið og Verðlaunasjóður ís-
lenskra barnabóka auglýsa eftir
handritum að skáldsögu fyrir börn
og unglinga. Sagan skal vera að
lágmarki fimmtíu blaðsíður að
lengd. Ekki er gert ráð fyrir því
að verðlaunasagan verði mynd-
skreytt. Skilafrestur er til 2. mars
næstkomandi. Dómnefnd velur
besta handritið og kemur það út
hjá Forlaginu næsta haust. Verð-
launin nema 400 þúsund krónum
auk höfundarlauna. Handritum
skal skila í fjórriti, merkt með dul-
nefni en rétt nafn höfundar fylgi
með í umslagi, og sendist til: Verð-
launasjóður íslenskra barnabóka,
Forlagið, Bræðraborgarstíg 7, 101
Reykjavík.
ListaveRk, sam-
LokuR og föt
Líta listaverk eins út þegar þau
hanga innan um föt eða samlokur?
Auglýsingaskilti sem er komið inn á
safn, er það orðið að listaverki? Alma
Dís Kristinsdóttir, safnfræðslufull-
trúi Listasafns Reykjavíkur, býður
listunnendum í leiðangur um mið-
bæinn í kvöld þar sem þeim gefst
kostur á að líta listaverk í nýju ljósi.
Leiðangurinn hefst í A-sal Hafnar-
hússins og færist síðan út fyrir veggi
safnsins. Tilgangurinn er annars
vegar að skoðað listaverk í eigu
Listasafns Reykjavíkur sem kom-
ið hefur verið upp hjá verslunum
og þjónustuaðilum í miðborginni
og hins vegar ólíka hluti sem sömu
fyrirtæki lánuðu safninu til sýnis í
Hafnarhúsinu á sýninguna Út / inn.
Fór á Café Bleu í hádeginu í gær
með vinnufélögum. Nokkuð flott-
ur staður. Að hafa Stjörnutorg,
rúllustiga og útsöluóða Íslendinga
allt í kring er líka til þess fallið að
staðurinn er gæðalegri á að líta.
Nánast hvert sæti var frátek-
ið þetta hádegið. Fundum þó eitt
borð fyrir nokkurn veginn miðju
veitingarýminu. Ég fór á Café Bleu
einhvern tímann á liðnu hausti og
fékk mér þá panini með pepper-
oni, osti, piparosti og tómötum.
Skellti mér bara á það aftur enda
bragðaðist það vel síðast. Þegar
allir fimm höfðu pantað tók við
biðin erfiða. Tómur magi skilur
ekki merkingu orðsins þolinmæði.
Ennþá síður orðið biðlund. Þegar
við bætist að eigandi magans fór í
hádegismat með seinni skipunum
verða orðin tvö eins og hebreska
á hvolfi. Þetta var erfiður hálftími
eða svo í bið. Afar erfiður.
En loks kom að því. Hefurðu
séð mink í hænsnabúi? Hákarl við
sólarströnd? Ketkrók í kjötkæli?
Þetta var eitthvað svipað.
Ég var nokkuð sáttur við panini-
ið mitt. Frönskurnar á Café Bleu
eru líka býsna góðar. Með fylgdi
hvítlaukssósa og salat. Fyrir þetta
borgaði ég 1.490 krónur. Eðlilegt
í samhengi við íslenskt verðlag.
Hundrað kalli meira þó en stend-
ur á heimasíðunni. Uppfæra sil-
vúple.
Eftirminnilegast við þessa
heimsókn á Café Bleu, daginn eftir
að kreppujólunum 2008 lauk, var
kjúklingurinn í sesarsalati sam-
starfskonu minnar. Hann bragðað-
ist eins og hangikjöt. Hvort kjúllinn
var reyktur eða lá í faðmlögum við
hangikjöt í birgðageymslu stað-
arins yfir hátíðarnar átta ég mig
ekki á. En það var eins og jólin hafi
skyndilega verið framlengd um
einn dag. Kristján Hrafn Guðmundsson
jólin framlengd í Kringlunni
Tvær sýningar verða opnaðar í Hafnarborg í Hafnarfirði um næstu helgi. Á annarri
þeirra verða sýndar portrettljósmyndir af um fjörutíu íslenskum listamönnum.
í skyndi
Café Bleu
HRaÐi:
matuR
viÐmót:
umHveRfi:
veRÐ:
PoRtRett af
Listamönnum
Jónatan Grétarsson Hefur tekið
fjölda ljósmynda af meira en hundrað
listamönnum úr öllum listgreinum.
Svalur Hallgrímur Helgason
rithöfundur er einn þeirra listamanna
sem jónatan hefur myndað.
Drungaleg Harpa Einarsdóttir
hönnuður tekur sig vel út í portretti
jónatans.