Dagblaðið Vísir - DV - 10.02.2009, Qupperneq 4

þriðjudagur 10. febrúar 20094 Fréttir
U-beygja kostaði
fjórar milljónir
Anna Bára Reinaldsdóttir lenti í alvarlegum árekstri við rútu í maí í fyrra. Sjóvá telur
Önnu hafa tekið U-beygju og ekið í veg fyrir rútuna og því í algjörum órétti. Anna segir
rútuna hafa reynt að taka fram úr sér og ekið inn í hlið bíls síns og telur sig vera í rétti. Lög-
fræðingur Önnu telur lögregluskýrslur ekki gefa nægilega skýra mynd af atburðinum.
Anna Bára Reinaldsdóttir lenti í al-
varlegu bílslysi í maí í fyrra eins og DV
sagði frá fyrir helgi. Anna var að aka
suður Reykjanesbrautina og þurfti
að snúa við til Keflavíkur. Þá beygði
hún inn á nikkelsvæðið, gaf stefnu-
ljós til vinstri og sá rútu koma á eftir
sér í fjarlægð í bakspeglinum. Anna
segist hafa lagt af stað í beygjuna en
þá hafi rútan farið yfir á öfugan veg-
arhelming með það að leiðarljósi að
taka fram úr bifreið Önnu. Að sögn
Önnu keyrði rútan inn í hlið bílsins
með þeim afleiðingum að hún kast-
aðist út úr bílnum.
Sjóvá heldur því fram að Anna
hafi tekið U-beygju, valdið slysinu og
verið í hundrað prósent órétti. Anna
segist ekki hafa tekið U-beygju og tel-
ur sig hafa verið í rétti. Hún er kom-
in með lögfræðing í málið og verður
mál hennar tekið fyrir hjá tjónanefnd
vátryggingafélaganna.
Á móti U-beygjum
„Ég hef alltaf verið lögleg í umferð-
inni. Allir sem ég þekki og hafa far-
ið með mér í bíl vita að ég fer aldrei
í U-beygju. Ég er svo á móti U-beygj-
um. Ég er mjög reið yfir því hvernig
slysið er dæmt. Ég veit ekki hvaðan
þær upplýsingar eru fengnar að ég
hafi tekið U-beygju. Ég beygði inn
á nikkelsvæðið, rútan fór á öfugan
vegarhelming til að taka fram úr mér
og keyrði inn í hliðina á mér,“ segir
Anna.
Lögfræðingur Önnu ýtti á Sjóvá
varðandi afstöðu tryggingafélagsins
til sakarskiptingarinnar og stendur
það fast á því að Anna hafi verið í al-
gjörum órétti. Málið verður tekið fyr-
ir hjá tjónanefnd vátryggingafélaga
þar sem lögfræðingur Önnu, Arn-
ar Kormákur Friðriksson hjá Ópus
lögmönnum, vonast til að fá málið
dæmt Önnu í hag.
Lögregluskýrslan ekki skýr
Arnar Kormákur getur ekki svarað
því hvað næsta skref verður ef tjóna-
nefnd kemst að þeirri niðurstöðu að
Anna hafi verið í órétti.
„Sé niðurstaða nefndarinnar á
sama veg munum við vega og meta
hvernig framhaldið verður. Það er
ljóst að lögregluskýrslur gefa ekki
nægilega skýra mynd af atburðinum
og þurfum við að skoða það svolítið
nánar.“
DV hafði samband við lögregluna
á Suðurnesjum sem kom að slysinu.
Þar fengust engar ítarlegri upplýs-
ingar umfram það sem kemur fram í
tjónaskýrslu og í dagbók lögreglunn-
ar frá dagsetningu slyssins. Í tjóna-
skýrslu kemur fram að Anna hafi tek-
ið U-beygju og ekið fram fyrir bíl sem
kom úr sömu átt en það þrætir Anna
fyrir.
Vissi að bíllinn var ótryggður
Anna var á ótryggðum bíl þegar slysið
átti sér stað. Hún var nýbúin að taka
bílatryggingatilboði frá VÍS en Sjóvá
gerði bílinn tryggingalausan því hún
skuldaði þeim 25.000 krónur. Anna
segist ekki hafa vitað af skuldinni.
Ágúst Orri Sigurðsson, lögfræð-
ingur á tjónasviði Sjóvár, segir niður-
fellingu trygginga vera ferli sem tek-
ur níutíu daga.
„Ferlið hefst með því að sendur
er greiðsluseðill til viðkomandi fyrir
tryggingunni. Fimmtíu dögum síðar
er send áminning eða ítrekun. Loka-
tilkynningin er send mánuði síðar
og sé hún ekki greidd þá er trygging-
in felld niður fjórtán dögum síðar. Í
máli Önnu voru þessar þrjár tilkynn-
ingar sendar og ætti henni að hafa
verið fullljóst að tryggingin væri nið-
urfallin,“ segir Ágúst.
Samkvæmt heimildum DV var
uppsögn send til Önnu með ábyrgð-
arbréfi 14. janúar í fyrra. Heimild-
ir DV herma að fyrir þann tíma hafi
Anna ítrekað gefið loforð um að
skuldin yrði borguð sem aldrei varð
raunin.
Dýr U-beygja
Anna kastaðist út úr bílnum við
slysið. Hún margbrotnaði á tám og
fékk sprungu á rist. Hún er þjökuð
af bakverkjum og þjáist af minnis-
leysi. Sonur hennar tognaði í baki,
önnur dóttir hennar tognaði í hálsi
og hin dóttir hennar þjáist enn af
bakverkjum. Ef Anna verður dæmd
í órétti situr hún enn fremur uppi
með stóra skuld á bakinu.
„Ég sit uppi með yfir fjögurra
milljóna króna skuld fyrir skemmd-
um á rútunni og svo minn ónýta bíl
og lækniskostnað,“ segir Anna en
hún ók Nissan Patrol-jeppa upp á
eina og hálfa milljón þegar árekst-
urinn átti sér stað.
LiLjA KAtRín gUnnARsDóttiR
blaðamaður skrifar liljakatrin@dv.is
tjónAsKýRsLAn
slys: Vb347 í slysaskrá frá 01.01.1992
til 31.12.2008.
Dags.: 23.05.2008.
Lýsing: u-beygja, ekið fram fyrir bíl
sem kemur úr sömu átt.
staðsetning: reykjanesbraut,
afleggjari að Nikkvelsvæði, norðan
við grænásveg, reykjanesbær.
Hámarkshraði: 90 km/klst.
tjón: Mikið.
sagður hraði og stefna: Suðurátt,
nánast stopp (0) km/klst.
Ákoma ökutækis: beint framan á
ökutæki. Vinstra framhorn.
Önnur ökutæki í árekstri: bOVa
fHd 14.430 - Hópbifreið ii (M3) - Tjón:
Mikið.
Vörubílstjórinn sturla jónsson tekur ekki þátt í nýju framboði:
Vill á þing fyrir frjálslynda
Vörubílstjórinn góðkunni Sturla Jóns-
son hefur skráð sig í Frjálslynda flokk-
inn og langar að bjóða sig fram í kom-
andi þingkosningum.
Sturla var mikið í fréttum síðastlið-
ið vor þegar hann leiddi hörð mótmæli
vörubílstjóra.
Hann lýsti því yfir í sumar að
hann ætlaði að stofna nýjan flokk,
Framfaraflokkinn, og bjóða sig þar
fram í næstu þingkosningum. Sturla
segir að hann hafi skráð sig í Frjáls-
lynda flokkinn því ekki sé „vinnandi
vegur“ að koma hinu nýja framboði
á framfæri fyrir komandi kosning-
ar. „Við vorum sammála um það fé-
lagarnir að nýja framboðið gengi
ekki upp tímalega og peningalega
séð. Það er verið að tala um 25 til 40
milljónir ef þú ætlar að geta staðið
eitthvað í slagnum,“ segir Sturla.
Hann segir auk þess að stefnuskrá
Frjálslynda flokksins líkist stefnuskrá
Framfaraflokksins. „Það er fínt að fara
þarna inn. Stefnuskráin þeirra er góð
og þetta er allt keimlíkt og hjá okkur. Í
staðinn fyrir að láta krafta mína hverfa
í eitthvað sem getur ekki orðið sökum
tíma- og peningaleysis er miklu betra
að eyða kröftunum í góð málefni ann-
ars staðar,“ segir Sturla.
„Þjóðin má ekki verða sett á vonar-
völ út af nokkrum einstaklingum,“ seg-
ir Sturla.
Sturla segist ekki hafa rætt við
Guðjón Arnar Kristjánsson, formann
Frjálslynda flokksins, um að hann
bjóði sig fram í komandi þingkosning-
um. „Ég er alveg tilbúinn í það ef þeir
vilja fá mig inn. En það er ekki komið
á það stig ennþá að ég hafi rætt við for-
manninn,“ segir hann.
Sturla segir aðspurður að hann
hafi ekki velt því fyrir sér hvar hann
vilji bjóða sig fram fyrir flokkinn.
Hann segist vonast til að heyra frá
forsvarsmönnum flokksins á næst-
unni. ingi@dv.is
sturla jónson Hyggur nú á framboð
fyrir frjálslynda flokkinn.
gjöreyðilagður „rútan keyrði inn
í hliðina að aftanverðu og opnaði
hliðina eins og dósaupptakari,“
segir anna um áreksturinn.
Reið anna bára er reið yfir
því hvernig slysið er dæmt og
telur sig hafa verið í rétti.
MynD RAKeL ósK sigURðARDóttiR
geir er hress
„Mér finnst ég vera alveg heill
heilsu, ég fór í ræktina í morg-
un og ætla að halda því áfram,“
sagði Geir H. Haarde, fyrrverandi
forsætisráðherra, aðspurður um
heilsu sína eftir aðgerð sem hann
gekkst undir vegna meins í brisi.
Geir svaraði þessu í viðtali í Íslandi
í dag á Stöð 2 í gær. Geir sagði að
ef veikindin hefðu ekki greinst
við þær aðstæður sem uppi eru í
þjóðfélaginu nú hefði hann ekki
tekið svo mikla ákvörðun að hætta
strax. Ef kosningar yrðu 2011 en
ekki nú hefði hann beðið með slíka
ákvörðun og séð hvernig lækning á
veikindum hans gengi. Hins vegar
væri ekki hægt annað en að taka
veikindum af æðruleysi.
ekkert dóp í fb
Lögreglan á höfuðborgarsvæð-
inu leitaði að fíkniefnum í Fjöl-
brautaskólanum í Breiðholti í
hádeginu í gær. Nokkur hefð er
fyrir þessari fíkniefnaleit í FB en
lögreglan hefur nokkrum sinnum
farið í skólann í þessum erinda-
gjörðum á liðnum árum. Nið-
urstaðan er þó alltaf sú sama og
þar hafa engin fíkniefni fundist.
Fíkniefnaleitarhundur frá tollin-
um var notaður við aðgerðina.
ekki á forsendum
jóhönnu
Seðlabankinn birti í gær bréf þeirra
Eiríks Guðnasonar og Ingimundar
Friðrikssonar, bankastjóra Seðla-
bankans, til forsætisráðherra. Ingi-
mundur ákvað að ganga að beiðni
Jóhönnu og láta af störfum í Seðla-
bankanum en Eiríkur ákvað, eins
og Davíð Oddsson, að gera það
ekki. Eiríkur segist í bréfi sínu eiga
mjög erfitt með að biðjast lausnar á
forsendum Jóhönnu þar sem hún
láti að því liggja að ekki hafi verið
unnið af fagmennsku í bankanum.
Ingimundur færir ekki rök fyrir
því hvers vegna hann hyggst láta
af störfum sem seðlabankastjóri.
Hann tekur það hins vegar fram að
Jóhanna Sigurðardóttir hafi vegið
ómaklega að starfsheiðri hans í
bréfi sínu og orðum sem hún lét
falla á opinberum vettvangi.