Dagblaðið Vísir - DV - 10.02.2009, Side 9

þriðjudagur 10. febrúar 2009 9Fréttir
„Þau rifust mikið fyrir framan mig
á meðan á viðtalinu stóð og virtust
skoðanaskipti þeirra endurspegla hve
ólík þau eru í eðli sínu. Hún er hvatvís,
opinská og segir sína meiningu. Hann
er að sjálfsögðu diplómat. Ég myndi
segja að efnahagsástandið hafi gert
þennan mun meira áberandi en ekki
haft áhrif á gagnkvæma ást þeirra,“
segir blaðamaðurinn Joshua Hamm-
er í samtali við DV.
Hammer tók viðtal við forsetahjón-
in fyrir tímaritið Condé Nast Portfolio
en þar eru forsetahjónin ósammála
um ástandið á Íslandi, grípa fram í
hvort fyrir öðru og rífast beint fyrir
framan blaðamanninn.
Ólafur fraus í stólnum
Í viðtalinu getur Hammer þess að
Dorrit hafi átt erfitt með að sitja kyrr
í stól sínum meðan Ólafur Ragnar
talaði um efnahagsástandið. Oftar
en einu sinni brá hún sér undir borð
til að klappa Sámi, tveggja ára göml-
um hundi sem hjónin eiga. Á einum
tímapunkti stóð Dorrit upp frá borð-
inu og fór að leika við hundinn en gat
síðan ekki haldið aftur af skoðunum
sínum lengur.
„Ég hef varað við þessu [fjármála-
hruninu] lengi og ég sagði það í hvert
skipti sem banki var opnaður á síð-
ustu árum,“ segir Dorrit.
„Já, en Dorrit, það er ekki hægt
að hafa þetta eftir þér,“ segir Ólafur
sem leið mjög óþægilega við þessi
ummæli forsetafrúarinnar að sögn
blaðamanns.
„Hver segir það?“ spyr Dorrit.
„Ég segi það. Tvímælalaust,“ svar-
ar Ólafur.
Dorrit yppir bara öxlum og heldur
áfram. „Í matarboði hérna [á Bessa-
stöðum] árið 2006 sagði ég við Jeffrey
Sachs: Getur þú ekki gert eitthvað í
þessu? Geturðu ekki fengið Alþjóða-
gjaldeyrissjóðinn til að koma hingað
og skoða hvað er á seyði?“ segir Dorr-
it en Sachs er virtur hagfræðingur við
Columbia-háskólann. Eins og kemur
fram í greininni man Sachs ekki eftir
þessu samtali en hann vann með for-
setanum þetta ár.
Við þessi ummæli frýs Ólafur í
stólnum að sögn blaðamanns, skerpir
röddina og segir: „Dorrit, þú getur
samt ekki sagt þetta.“
„Ég var að segja þetta,“ segir Dorr-
it.
„Já, en þú getur samt ekki sagt
þetta. Þú bara getur það ekki.“
Í viðtalinu segir Dorrit að hún hafi
oft sagt Ólafi Ragnari frá áhyggjum
sínum um bankana en hann hafi ekki
tekið mark á ótta hennar. „Við töluð-
um oft um þetta. Hann gat ekki séð
fyrir í sínum villtustu draumum hvað
átti eftir að gerast. Barnalegur er rétta
orðið [til að lýsa honum].“
Tveimur dögum eftir viðtalið fékk
Hammer símtal frá Dorrit þar sem
hún sagði: „Þú veist efnið sem eigin-
maður minn fór fram á að myndi ekki
birtast? Ekki hlusta á hann. Fyrir mína
parta má nota það allt.“
Gripið fram í fyrir forsetanum
Seinna í viðtalinu segir Ólafur að þús-
undir manna muni líklegast missa
heimili sín en þessi ummæli forset-
ans koma af stað öðru rifrildi milli
hjónanna.
„Mér þykir fyrir því, elskan mín, en
ég er ósammála þér,“ segir Dorrit og
leggur frá sér eftirréttarhnífinn. „Eng-
inn á eftir að missa heimili sitt. Hvern-
ig getur það gerst í landi þar sem eru
helmingi fleiri hús en fólk?“
„Dorrit, þú getur ekki sagt þetta,“
svarar forsetinn.
„En það er ekki hægt að selja þessi
hús. Ég lofa þér að það verður enginn
Íslendingur heimilislaus,“ segir Dorr-
it.
„Þú getur ekki sagt þetta. Þú getur
bara ekki sagt þetta,“ segir Ólafur.
„Ég segi það. Hingað til hefur allt
ræst sem ég hef sagt,“ segir Dorrit.
„Þú getur ekki sagt þetta. Þú hef-
ur ekkert fyrir þér í þessu. Varðandi
þetta málefni hefur þú ekki sérfræði-
þekkinguna til að segja þetta. Þú hef-
ur ekki þekkingu á íslensku húsnæð-
islögunum,“ segir Ólafur.
„Hvað ætla þeir að gera? Skilja
þessar þúsundir íbúða eftir tómar?“
spyr Dorrit.
„Þetta er – þú getur ekki fært rök
fyrir þessu – nei, nei. Dorrit, Dorrit,
má ég vinsamlegast halda áfram?“
spyr Ólafur en Dorrit heldur ótrauð
áfram.
„Þegar ég er búin. Það eru þús-
undir íbúða þarna úti.“
„Fyrst og fremst, Dorrit, er raun-
in þessi: Þetta snýst ekki um fjölda
íbúða,“ segir Ólafur.
„Elskan… ,“ segir Dorrit en Ólafur
grípur fram í fyrir henni.
„Dorrit, Dorrit …“ segir Ólafur en
Dorrit grípur fram í fyrir honum.
„Þeir henda fólki ekki út. Ég skal
segja þér af hverju: Enginn annar get-
ur flutt inn í þessi hús og allir banka-
menn eru …,“ segir Dorrit en eigin-
maðurinn tekur af henni orðið.
„Dorrit, ekki segja svona hluti.“
Ást við fyrstu sýn
„Ég varð strax ástfanginn af henni,“
segir Ólafur þegar fyrstu kynni for-
setahjónanna eru rifjuð upp.
„Hann bað mig um að kvænast sér
á þriðja stefnumóti,“ segir Dorrit sem
hélt fyrst að Ólafur væri sendiherra
Finnlands í Bretlandi.
Stuttu seinna í viðtalinu byrja
forsetahjónin aftur að munnhöggv-
ast þegar talað er um veislu Kaup-
þings árið 2004 þegar bankinn keypti
danska bankann FIH í Kaupmanna-
höfn.
„Ég man eftir þeim atburði,“ segir
Dorrit.
„Nei, ég var þarna einn, Dorrit, þú
varst ekki viðstödd,“ segir Ólafur.
„Elskan, ég sat við hliðina á þér,“
segir Dorrit.
„Nei, þú varst ekki þar,“ segir Ól-
afur.
Álagsmerki á hjónabandinu
Hammer er duglegur að benda les-
endum sínum á hve ólík forsetahjón-
in eru og tekur Dorrit undir það.
„Við eigum ekkert sameiginlegt
nema að við tölum bæði ensku og
við elskum að fara á skíði. Mér leiðast
stjórnmál.“
Í greininni segir Hammer að ást-
arsamband forsetahjónanna sýni
merki um álag. Í samtali við DV stað-
festir Hammer þetta en telur hjóna-
bandið ekki standa á brauðfótum.
„Þó að þau hafi rifist mikið fyrir
framan mig var mikil ást og umhyggja
á milli þeirra. Ég held að hjónaband
þeirra sé ekki í hættu,“ segir Hamm-
er.
Undir lok viðtalsins lýsir Hamm-
er því þegar hann fór með forseta-
hjónunum á tónleika í Reykjavík. Eft-
ir tónleikana ætlaði Dorrit að fara í
partí á næturklúbbi í Reykjavík. Án
forsetans.
Við afhendingu Íslensku bók-
menntaverðlaunanna á Bessastöðum
fyrir stuttu vakti athygli að Dorrit tók
lítið sem ekkert þátt í athöfninni. Hún
kom og heilsaði gestum, skellti sér
upp í pontu og sló á létta strengi. Hún
lét sig fljótlega hverfa og var sögð vera
veik. Þetta kom á kreik sögusögnum
þess efnis að einhverra örðugleika
gætti í hjónabandinu en forsetaemb-
ættið vill ekkert tjá sig um þær sögu-
sagnir. Enn fremur vill Ólafur ekkert
tjá sig um viðtalið við Hammer.
Eins og eiginkona araba
Undir lok viðtalsins berst janúarbylt-
ingin í tal. Hammer segist hafa fylgst
vel með henni þegar hann var hér á
landi. Þá lítur Dorrit á hann öfundar-
augum og segir: „Mig langaði að fara
á mótmælin en eiginmaður minn
leyfði mér það ekki. Ég er eins og
eiginkona araba.“
DV hafði samband við Amal
Tamimi, einn af stofnendum
Samtaka kvenna af erlend-
um uppruna, og bar þessi
ummæli Dorritar und-
ir hana. Amal trúði ekki
sínum eigin eyrum og
skellihló.
„Var Dorrit að segja
það? Samkvæmt
okkar menningu er
það svona. Kona
fer ekkert án leyf-
is frá eiginmanni
sínum. Ég trúi
ekki að Dorrit þurfi
leyfi. Ég veit að hún er
sterk kona. Ólafur er
heldur ekki íhaldsmað-
ur. Ég held að þetta sé meira pólitískt
mál. Forsetafrúin má ekki taka þátt
í svona því hún verður að vera hlut-
laus. Það besta við Dorrit er að hún
talar frá hjartanu,“ segir Amal sem
finnst ummæli Dorritar langt frá því
að vera móðgandi.
„Nei, þetta
er rétt. Hún
er ekki að
ljúga.“
Forseti Íslands, Ólafur Ragnar Grímsson, og eiginkona hans, Dorrit Moussaieff, eru í viðtali í marshefti
tímaritsins Condé Nast Portfolio. Í viðtalinu rífast hjónin um efnahagsástandið á Íslandi og grípa fram í
hvort fyrir öðru. Að sögn blaðamannsins Joshua Hammer sem hitti hjónin rifust þau mikið meðan viðtalið
var tekið og greindi hann merki álags á ástarsambandi þeirra.
Deilur samlynDra
forsetahjóna „Við eigum ekkert sameigin-legt nema að við tölum bæði ensku og við elskum að fara á skíði. Mér leiðast stjórnmál.“
lilJa KatRín GunnaRsDÓttiR
blaðamaður skrifar liljakatrin@dv.is
Ást við fyrstu sýn
forsetinn segist strax hafa
orðið ástfanginn af dorrit
en kreppan virðist taka
sinn toll af ástarsambandi
forsetahjónanna.
MynD GunnaR GunnaRsson
„Eins og eiginkona araba“
að sögn dorritar leyfði Ólafur henni
ekki að mæta á mótmælin í janúarbylt-
ingunni og henni leið að eigin sögn
eins og eiginkonu araba.
MynD GunnaR GunnaRsson
sagði Dorrit þetta?
amal Tamimi skellihló þegar
hún heyrði að dorrit liði eins
og eiginkonu araba.
MynD stEfÁn KaRlsson