Dagblaðið Vísir - DV - 10.02.2009, Blaðsíða 20
þriðjudagur 10. febrúar 200920 Fókus
á þ r i ð j u d e g i
Button Beint á toppinn
The Curious Case of Benjamin Button fór beint á topp aðsóknarlista kvik-
myndahúsanna fyrstu helgina í sýningum. Tæplega þrjú þúsund manns
lögðu leið sína á myndina sem tilnefnd er til þrettán óskarsverðlauna. Í öðru
sæti er My Bloody Valentine 3D sem var í fyrsta sæti um síðustu helgi og þar á
eftir kemur Bride Wars sem frumsýnd var á föstudaginn. Þriðja nýja myndin,
The Reader með Kate Winslet og Ralph Fiennes, nær aðeins ellefta sæti.
Frítt Fyrir
atvinnulausa
Þjóðleikhúsið hefur um árabil veitt
atvinnulausum afslátt á sýningar en
nú hefur verið ákveðið að stíga skref-
inu lengra og bjóða upp á sérstök
fríkort. Kortin, sem Þjóðleikhúsið
kallar „samstöðukort“, eru afhent í
miðasölu leikhússins gegn vottorði
um skráningu á atvinnuleysisskrá og
gilda sem fríkort út leikárið. Hand-
hafi kortsins á rétt á einum frímiða
á hverja sýningu Þjóðleikhússins á
yfirstandandi leikári. Handhafi þarf
aðeins að sýna kortið, ásamt per-
sónuskilríkjum, í miðasölunni þegar
viðkomandi vill koma á sýningu.
eivör í lang-
holtskirkju
Eivör Pálsdóttir heldur tónleika
í Langholtskirkju næsta sunnu-
dag, 15. febrúar. Eivöru þarf vart
að kynna, enda hefur hún sungið
sig inn í hjörtu landsmanna með
hæfileikum sínum sem sumum
finnst varla af þessum heimi.
Eivör hlaut Íslensku tónlistar-
verðlaunin árið 2003 sem besti
flytjandi og söngvari og 2004
fékk hún leiklistarverðlaunin
Grímuna fyrir tónlist og flutning í
verkinu Úlfhamssaga. Á tónleik-
unum í Langholtskirkju verður
hún ein, berfætt og með gítarinn
sinn og mun flytja eigin lög ásamt
öðrum. Miðasala er á midi.is og í
verslunum Skífunnar á Laugavegi
og í Kringlunni.
stórt og
gott plan
Myndin Stóra planið í leikstjórn Ól-
afs Jóhannessonar var sýnd á kvik-
myndahátíðinni í Rotterdam sem nú
er nýlokið. Viðtökurnar voru góðar
að sögn Vignis Jóns Vignissonar
hjá Poppola, framleiðslufyrirtæki
myndarinnar, í samtali við Logs.is.
Tveir hollenskir gagnrýnendur gáfu
myndinni til að mynda fjórar stjörn-
ur og sögðu hana vera „afbragðs-
dæmi um þurran og dökkan nor-
rænan húmor sem fólk ætti ekki að
láta fram hjá sér fara.“ Þess má geta
að Sopranos-leikarinn Michael Imp-
erioli og Stefan Schaefer, sem kynnt-
ust þegar þeir léku í Stóra planinu,
áttu aðra mynd saman á hátíðinni.
Hún heitir The Hungry Ghosts og
eru þeir félagar í þetta skiptið á bak
við tjöldin, Imperioli sem leikstjóri
og Schaefer sem framleiðandi.
Það er með ólíkindum hvað það
getur reynst erfitt að fá góðan og
hollan skyndibita í Reykjavík. Þótti
mér því kærkomin viðbót þegar
veitingastaðurinn Krúska á Suður-
landsbraut var opnaður fyrir nokkr-
um mánuðum. Krúska er í eigu
Náttúrulækningafélags Íslands og
tengdra aðila og notast ekki við hvítt
hveiti, hvítan sykur, auka- og/eða
bragðefni í matargerðina. Hrásykur
er eingöngu notaður í gómsæta eft-
irréttina.
Veitingastaðurinn er fallega
hannaður og er tilvalið að setjast
þar niður og borða rétt dagsins,
súpu dagsins eða jafnvel bara fá sér
unaðslega kökusneið og kaffi með
vinkonunum. Einnig er mikið úr-
val af einkar girnilegum og fallega
framreiddum réttum sem hægt er
að velja saman á hina ýmsu vegu
og taka með sér heim til að hita upp
eða borða kalda. Um daginn stopp-
aði ég á Krúsku á leiðinni heim úr
vinnunni, einn af þessum dög-
um sem maður ómögulega nenn-
ir að elda og ísskápurinn tómur. Í
þetta skiptið ákvað ég að smakka
á grænmetislasagna og keypti rétt
dagsins, indverskan kjúklingarétt
og sætkartöflusalat fyrir karlinn.
Ásamt því kippti ég með spínat-
fylltri sesamsamósu og fersku sal-
ati. Fyrir öll herlegheitin borgaði
ég rétt rúmar tvö þúsund krónur
og að auki var laumað með í pok-
ann minn brauði, hummus og rist-
uðum fræjum til að strá yfir salat-
ið. Ég fékk því einstaklega mikinn
mat fyrir lítinn pening. Gríðarlega
bragðgóði lasagnaskammturinn
sem var svo vel útilátinn að karlinn
þurfti að draga mig að landi, kost-
aði rétt rúmar níu hundruð krónur
en mér þykir sérstakt gleðiefni að fá
góða máltíð undir þúsund krónum.
Þjónustan er góð og hef ég hingað
til ekki komið að tómum kofanum
hjá starfsfólki þegar kemur að því að
spyrja út í innihaldið í réttunum.
Persónulega finnst mér skemmti-
legt að geta líka keypt kjúklingarétti
en ekki eingöngu grænmetisrétti. Til
að skoða rétti dagsins og matseðil
staðarins bendi ég líka á heimasíð-
una, kruska.is.
Krista Hall
gómsætt á góðu verði
Systir Beauvier (Meryl Streep) er
skólastýra kaþólsks grunnskóla. Hún
er sérdeilis íhaldssöm, ólíkt föður
Brendan Flynn (Philip Seymor Hoff-
man) sem er prestur við skólann.
Hann á í sérstaklega góðu sambandi
við fyrsta og eina svarta strákinn í
skólanum. Beauvier grunar strax að
eitthvað gruggugt sé á seyði í sam-
skiptum þeirra. Myndin fer víða í
pælingum sínum um trú, efa, synd,
óvissu, goggunarröð feðraveldisins
og það hvernig maður fylgir sann-
færingu sinni. Hún er snjöll stólræða
Brendans Flynn um hvernig ógerlegt
sé að leiðrétta kjaftasögur. Hann líkir
því við það að skera upp kodda undir
beru lofti og reyna í kjölfarið að týna
saman allt fiðrið.
Philip Seymor Hoffman er frábær
hér, nú sem endranær. Hann hefur
í gegnum tíðina túlkað frábærlega
alls kyns perverta, laumuhomma,
níðinga, fíkla og nú kaþólskan prest.
Maður grunar hann ósjálfrátt um
græsku vegna hans fyrri hlutverka
og gæti verið að leikstjórinn sé vísvit-
andi að leika sér með það að sá efa-
semdarfræjum.
Öll myndin er langt frá því að vera
svarthvít saga um gott og illt. Mað-
ur á erfitt með að vita hvar maður
stendur í afstöðu sinni til söguper-
sóna sem er rökrétt í mynd um styrk
efans. Langar samræðurnar virka oft
ómarkvissar og langdregnar en ýta
engu að síður undir þessa efatilfinn-
ingu. Leikarar eru almennt góðir þótt
þunginn hvíli á Hoffman og Streep
sem sýna frábæra frammistöðu hér.
En Amy Adams er tilgerðarleg og
pirrandi sem hin endalaust barna-
lega og sívælandi systir James.
Myndin Doubt er byggð á sam-
nefndu leikriti handritshöfundarins
og leikstjórans, John Patrick Shanley,
og á ef til vill betur heima á leiksviði
en í bíó, enda er umgjörðin sérdeil-
is einföld. Hér eru örfáir tökustaðir
og örfáir leikarar sem hlýtur að vera
viljandi gert og er vissulega frumlegt
og djarft. En myndin nýtir sér eng-
an veginn þá möguleika sem kvik-
myndaformið býður upp á og virkar
þreytt. Doubt stendur og fellur með
samræðunum og þær skortir einfald-
lega styrkleika til þess að valda því.
Erpur Eyvindarson
kaþólskir
syndaselir
Stendur og fellur „doubt
stendur og fellur með sam-
ræðunum og þær skortir
einfaldlega styrkleika til
þess að valda því.“
KrúsKa
Hraði:
Veitingar:
Viðmót:
Umhverfi:
Verð:
í skyndi
Doubt
Leikstjóri: john Patrick Shanley
Aðalhlutverk: Meryl Streep, Philip
Seymour Hoffman, amy adams og
Viola davis
kvikmyndir
Frábær Meryl Streep leikur frábærlega
hina íhaldssömu skólastýru, systur
beauvier.
Krúska við Suðurlandsbraut Mikið
úrval af hollum mat á góðu verði.