Dagblaðið Vísir - DV - 10.02.2009, Side 17

þriðjudagur 10. febrúar 2009 17Sport
Webber ætlar ekki að létta sig Mark Webber, ökuþór red bull-liðsins í formúlu 1, sagðist
í gær ekki ætla að taka þátt í nýja megrunaræðinu í formúlunni. Nýja KerS-kerfið sem mörg liðin ætla
að nota vegur um 35 kíló og þar sem heildarþyngd bíls með ökumanni hefur ekkert verið hækkuð
hafa sumir ökumenn ákveðið að létta sig á móti nýja kerfinu. þar má nefna menn
eins og Kimi raikkonen, fernando alonso, rubens barrichello og Nelson Piquet. „Ég
er 75 kíló og ég mun ekki létta mig meira. þetta er sú þyngd sem ég þarf að vera
í,“ segir Webber sem er 185 cm á hæð sem er með því hæsta af öllum ökumönn-
um í formúlunni. „Vilji menn fá einhvern sem er 70 kíló til að keyra bílinn verður
að hafa það. því ef ég væri 70 kíló væri ég vart starfhæfur,“ segir Mark Webber.
megson reiður
gary Megson, knattspyrnustjóri
enska úrvalsdeildarliðsins bolton,
sem grétar rafn Steinsson leikur
með, var vægast reiður sínum
mönnum eftir 3-0 tapið gegn
everton á laugardaginn. Hann hefur
varað menn við því að þeir muni
leika deild neðar á næsta ári taki þeir
sig ekki saman í andlitinu. „þessi
leikur var ekkert nema eyðsla á 90
mínútum. Hann var algjör tímasóun
og hrein peningasóun að greiða
mönnum vikulaun fyrir að undirbúa
sig fyrir svona leik,“ segir Megson.
uMSjóN: tóMaS þór þórðarSoN, tomas@dv.is / SVeiNN Waage, swaage@dv.is
landsbankadeildin
Grindavík - KR 91-80
Stig Grindavíkur: Páll Axel Vilbergsson 20, Þor-
leifur Ólafsson 19, Nick Bradford 17, Helgi Jónas
Guðfinnsson 16, Páll Kristinsson 12, Guðlaugur
Eyjólfsson 3, Arnar Freyr Jónsson 2, Brenton
Birmingham 2
Stig KR: Jón Arnór Stefánsson 21, Jason Douris-
seau 19, Jakob Örn Sigurðarson 15, Fannar
Ólafsson 6, Skarphéðinn Ingason 5, Pálmi
Sigurgeirsson 5, Darri Hilmarsson 4, Helgi Már
Magnússon 2
FSu - Keflavík 68–81
Tindastóll - ÍR 117-118
Staðan
Lið L U J t M St
1. Kr 17 16 1 1624:1248 32
2. grindavík 17 15 2 1674:1370 30
3. Snæfell 17 11 6 1411:1237 22
4. Keflavík 17 11 6 1465:1300 22
5. uMfN 16 8 8 1294:1365 16
6. Stjarnan 17 8 9 1452:1447 16
7. breiðablik 17 7 10 1327:1477 14
8. Ír 17 7 10 1414:1426 14
9. tindastóll 16 7 9 1306:1361 14
10. fSu 17 6 11 1382:1420 12
11. þór a. 17 4 13 1369:1525 8
12. Skallagr 17 1 16 1055:1597 2
koma á óvart
force india-liðið sem reið ekki
feistum hesti frá sínu fyrsta ári í
formúlu 1 gæti orðið það lið sem
kemur hvað mest á óvart á næsta
tímabili, segir reynsluboltinn david
Coulthard. þá sérstaklega þar sem
liðið mun nota vél og gírkassa frá
McLaren en með þeim náði
Coulthard hvað lengst á ferlinum. „Ég
held að force india muni koma
öllum á óvart, í alvöru,“ segir skoski
ökuþórinn sem sjálfur hætti keppni
eftir tímabilið. Coulthard mun nú
sinna lýsingum á formúlunni hjá
breska ríkissjónvarpinu.
„Það var alltaf erfiðara og erfiðara að
vera með lið sem hafði aldrei tapað.
Þetta á bara eftir að hjálpa okkur fyrir
næstu leiki að menn muni þessa til-
finningu og viti að sigur er ekki sjálf-
sagður hlutur,“ sagði rólegur þjálfari
KR, Benedikt Guðmundsson, eftir
að ofur-KR-lið hans sætti sínu fyrsta
tapi, 91-80, fyrir Grindavík í Röstinni
í gærkvöldi. KR hafði fyrir leikinn
unnið sextán leiki í röð í deildinni og
þar af lagt Grindavík þrisvar á árinu,
í báðum bikurum og deildinni. „Við
getum spilað betur en í dag,“ sagði
sigurreifur þjálfari Grindavíkur, Frið-
rik Ragnarsson, við DV eftir leikinn.
Komnir til að sigra
Það var ljóst strax frá fyrstu mínútu
að Grindavík ætlaði að selja sig dýrt.
Heimamenn röðuðu niður körfun-
um strax í byrjun og eftir tvær þriggja
stiga körfur Helga Jónasar Guðfinns-
sonar og tvist ofan á það frá Þorleifi
Ólafssyni leist Benedikt Guðmunds-
syni ekki á blikuna og tók leikhlé.
Eftir það skoraði KR sex stig í röð
og minnkaði muninn í 19-18. Grind-
víkingar létu hins vegar engan bil-
bug á sér finna og héldu forystunni
út fyrri hálfleikinn nær allan tímann.
Hálfleikstölur 50-44.
Ekkert gefið eftir
Í þriðja leikhluta var það Grindavík
sem tók algjör völd á vellinum með
mikilli baráttu. Gulir skoruðu 25 stig
gegn 18 og leiddu eftir þriðja fjórð-
ung, 75-62, og eftir að Grindvíking-
ar skoruðu fyrstu körfuna í fjórða
leikhluta munaði fimmtán stigum
á liðunum. Röstin var þá vöknuð og
stemningin í húsi varð meiri með
hverri sekúndunni. Hitinn í KR-ing-
um var mikill á bekknum þar sem
þeim fannst Grindvíkingar fá mikið
frá dómurunum, og oft alltof mikið.
Endurkoman dugði ekki
KR-liðið hefur verið ógnarsterkt í
fjórða leikhluta á árinu og var Grind-
víkingum ekki farið að lítast á blik-
una þegar gestirnir voru búnir að
minnka muninn niður í fjögur stig,
79-75. Jakob Örn Sigurðarson var þar
kominn með mál KR í sínar hendur
og fór nálægt því að leiða KR til full-
kominnar endurkomu.
Sóknarleikur Grindvíkinga var
orðinn að engu á þeim tíma og mátti
sjá skelfingarsvip á Grindavíkurhluta
pallanna. Heimamenn stóðust þó
áhlaupið og þegar Þorleifur Ólafs-
son tróð ofan í körfuna, 87-76, ætlaði
þakið gjörsamlega af húsinu. Klisja,
mikið rétt, en hávaðinn sem mynd-
aðist við troðsluna hefði getað knú-
ið áfram lítinn Yaris. Grindvíkingar
sigldu svo góðum ellefu stiga sigri í
höfn, 91-90, og eru nú aðeins tveim-
ur stigum á eftir KR í deildinni.
Bætir ekki fyrir bikarinn
Páll Axel Vilbergsson var stigahæst-
ur Grindvíkinga með tuttugu stig í
gærkvöldi. „Þetta var góður sigur en
hann kemur ekki í staðinn fyrir bik-
arleikinn þar sem við lékum eins og
hálfvitar. Það var djöfulli sárt að detta
út úr honum,“ sagði Páll Axel við DV
eftir leikinn í gærkvöldi.
„Umræðan hefur verið að hefði
KR unnið okkur hér heima myndi
það fara taplaust í gegnum mótið. Ég
hef þó ekkert verið sammála því. Við
sýndum allavega og sönnuðum að
við getum unnið KR,“ sagði Páll Axel
sáttur.
Karlmenn – ekki kisur
„Í bikarleiknum vorum við eins og
kisur gegn KR en í kvöld vorum við
staðráðnir í að sýna að við værum
karlmenn og láta finna fyrir okk-
ur,“ sagði Friðrik Ragnarsson, þjálf-
ari KR, við DV eftir leikinn. ,,Á móti
svona liði eins og KR getur munað
öllu að vilja sigurinn aðeins meira og
það var raunin hjá okkur í kvöld. Við
getum samt spilað betur, það er al-
veg klárt. Við þurftum samt að rjúfa
þennan sálfræðilega múr að vinna
KR og það tókst,“ sagði Friðrik Ragn-
arsson.
Graðir Grindvíkingar
Benedikt Guðmundsson, þjálfari KR,
var sallarólegur eftir leikinn þó hann
hefði verið meira og minna á út-
opnu meðan á leik stóð. „Mér fannst
Grindavíkurliðið alveg rosalega gott í
dag,“ sagði Benedikt við DV. „Grind-
víkingar voru alveg fluggíraðir í leik-
inn. Ég segi kannski ekki að við höf-
um verið værukærir á móti en það
vantaði eitthvað hjá okkur til að mæta
þessari greddu sem var í Grindavík-
urliðinu,“ sagði Benedikt sem segir
umræðuna um taplaust tímabil KR
ekkert hafa farið í sína menn.
„Það eru bara blaðamenn aðal-
lega sem hafa verið að tala um það.
Þetta hefur ekki haft nein áhrif á okk-
ur. Þetta snýst um að vinna rétta leiki,
það gerðum við ekki í fyrra en ætlum
að gera það í ár,“ sagði Benedikt Guð-
mundsson.
Grindavík varð fyrsta liðið til að sigra KR í gærkvöldi þegar heimamenn lögðu Vest-
urbæinga með ellefu stigum, 91-80. „Getum spilað betur,“ sagði Friðrik Ragnarsson,
þjálfari Grindavíkur. „Sigur er ekki sjálfsagður hlutur,“ sagði Benedikt Guðmunds-
son, þjálfari KR.
tÓMaS ÞÓR ÞÓRðaRSOn
blaðamaður skrifar: tomas@dv.is
KR LOKSINS STÖÐVAÐ
Sigurinn í höfn þorleifur ólafsson
kórónaði flottan leik grindvíkinga
með fallegri troðslu.
Barátta Hart var barist í röstinni
þar sem grindvíkingar höfðu betur.