Dagblaðið Vísir - DV - 18.01.2010, Blaðsíða 2

2 MÁNUDAGUR 18. janúar 2010 FRÉTTIR
MILLJÓNIR Í
LAUN HJÁ REI
Borgarfulltrúarnir Kjartan Magn-
ússon og Sigrún Elsa Smáradóttir
þiggja milljónir á ári í þóknun fyr-
ir setu í stjórnum Orkuveitu Reykja-
víkur og dótturfélagsins Reykjavík
Energy Invest, REI.
Kjartan Magnússon segir að
nauðsynlegt hafi verið að borgarfull-
trúar tækju yfir REI eftir klúðrin á sín-
um tíma. Ekki hefur heyrst mikið af
málefnum REI undanfarið en stjórn-
arformaðurinn segir að það liggi síð-
ur en svo í dvala. REI taki meðal ann-
ars enn þátt í verkefni í Afríkuríkinu
Djíbútí og hafi eignast meirihluta í
jarðhitafyrirtæki í Bandaríkjunum.
Hins vegar sé fyrirtækið ekki í sama
útrásarham og áður og miði nú að
sölu þekkingar og sé ekki fjármögn-
unaraðili.
Kjartan sakar hundrað daga
meirihluta vinstri flokkanna um
meiriháttar klúður í REI á valdatíma
þeirra. Sigrún Elsa Smáradóttir vís-
ar þeim ásökunum á bug og segir að
sjálfstæðismenn reyni nú að endur-
skrifa söguna í sinn hag.
Laun fyrir hvort tveggja
Stjórnarformaður REI er Kjartan
Magnússon, borgarfulltrúi úr Sjálf-
stæðisflokki, en með honum sitja
í stjórn Sigrún Elsa Smáradóttir,
borgarfulltrúi Samfylkingarinnar, og
Hrólfur Ölvisson, framkvæmdastjóri
Framsóknarflokksins. Samkvæmt
upplýsingum frá Orkuveitunni þigg-
ur Kjartan 180 þúsund krónur á
mánuði fyrir stjórnarformannsset-
una í REI en óbreyttir stjórnarmenn
90 þúsund. Kjartan og Sigrún Elsa
sitja jafnframt í aðalstjórn Orku-
veitunnar og þiggja 112.500 krónur
á mánuði fyrir það. Samanlagt fær
Kjartan því tæpar 300 þúsund krónur
á mánuði og Sigrún Elsa rúmar 200
þúsund krónur. Ofan á þetta bætist
að bæði eru þau borgarfulltrúar og fá
greitt samkvæmt því.
Tók við REI á erfiðum tíma
Aðspurður hvort það sé hlutverk
borgarfulltrúa að stjórna fyrirtækj-
um á borð við REI segir Kjartan að í
REI-skýrslunni sé talað um að kjörn-
ir fulltrúar hafi ekki verið með í ráð-
um þegar hlutirnir þróuðust með
óheppilegum hætti. „Sumir héldu
því fram að lærdómurinn sem draga
mætti af REI-málinu væri sá að kjörn-
ir fulltrúar þyrftu að hafa aðkomu.
Að það mætti ekki gerast að það væri
verið að aðhafast eitthvað án þess
að kjörnir fulltrúar væru upplýst-
ir um málið,“ segir Kjartan. „Ég tók
við REI, sem var á gífurlega erfiðum
tíma og allt var í háalofti. Ég gerði allt
sem ég gat til að ná sátt um fyrirtæk-
ið. Við veltum hinu fyrir okkur, að
fá aðila utan úr bæ, en niðurstaðan
hjá okkur var að setja pólítíkusa inn
vegna þess að það var svo mikil pól-
itísk stefnumótun fram undan, algjör
endurskipulagning fyrirtækisins, al-
gjör endurskoðun á verkefnum þess
og með hvaða hætti fyrirtækið ætti
að fara út í heim og hvort það ætti að
standa í þessari áhættusömu fjárfest-
ingu sem virkjanir í þriðja heiminum
eru.“
Ekki flóknustu viðskipti í heimi
Kjartan Magnússon er ekki með
menntun á sviði jarðvísinda. Hann
telur að stjórnarformaðurinn þurfi
ekki á því að halda. „Þetta eru ekk-
ert flóknustu vísindi í heimi, þótt þau
séu flókin. Þetta er ekkert flóknara
en mörg önnur mál sem ég þarf að
setja mig inn í hjá mínu starfi í borg-
inni, í menntamálum og fleiru. Þetta
snýst mikið um rekstur mannvirkja.
Ég var fyrr í vikunni að setja mig inn
í klórblöndunarhlutfall í sundlaug-
um borgarinnar. Sumir borgarstjórar
hafa orðið sérfræðingar í malbiki. Og
við njótum aðstoðar jarðfræðideild-
ar Orkuveitunnar.“
Orkuveitan skuldar
200 milljarða
DV hefur undanfarið fjallað um
málefni Orkuveitu Reykjavíkur
en almenningsfyrirtækið skuld-
ar rúma 200 milljarða króna í er-
lendri mynt. Sérfræðingar sem DV
leitaði til telja að Orkuveita Reykja-
víkur hafi undanfarin ár verið rek-
in sem áhættusækið einkafyrirtæki
í stað fyrirtækis í almannaeigu.
REI var upphaflega hugsað
sem fjárfestingar- og útrásararm-
ur Orkuveitunnar. Átti fyrirtækið
að sameina krafta fjármálaumsvifa
og jarðhitatækni í fjárfestingum
á erlendri grundu. En eftir REI-
málið svokallaða árið 2007, þegar
komið var í veg fyrir sameiningu
REI og einkafyrirtæksins Geys-
ir Green Energy (GGE) sem var í
meirihlutaeigu FL Group og Glitn-
is, var horfið frá þeim hugmyndum
smám saman.
Flókin tengsl REI
og Geysis Green
Eiríkur Hjálmarsson, upplýsinga-
fulltrúi OR, segir að starfsemi REI
snúist þessa dagana aðallega um
hitaveituverkefnið í Afríkuríkinu
Djíbútí. „Menn eru í því að tryggja
fjármögnum, og það gengur ágæt-
lega. Það hefur orðið almenn
stefnubreyting hjá REI. Menn eru
bara að vinna í þessu.“
Starfsemi REI hefur frá upphafi
verið háð flóknu samsstarfi við
Geysi Green Energy. Eiríkur seg-
ir að aðgerðir GGE ráði miklu um
hvernig REI vinnur. „Svo eru eign-
ir í öðrum verkefnum og menn eru
að bræða með sér hvað verður af
þeim, verkefni sem menn höfðu
farið inn í í félagi við Geysi Green
Energy. Svo fengum við fréttir af
því að Geysir Green ætluðu að
breyta til og væru farnir að selja sín
verkefni. Þá förum við yfir stöðuna
hjá okkur í samhengi við það.“
Sakar vinstristjórn-
ina um klúður
Kjartan Magnússon segir að þvert
á sem margir haldi liggi REI ekki
í dvala. Fyrirtækið þurfi að stand-
ast skuldbindingar sem voru gerð-
ar þegar REI var í útrásarham. Hann
sakar hundrað daga meirihluta VG,
Samfylkingarinnar, Framsóknar og
Frjálslynda flokksins um meirihátt-
ar klúður í REI á sínum tíma. Kjart-
an segist hafa reynt að draga úr um-
svifum REI síðan. „Hundrað daga
meirihlutinn var frekar útrásarmið-
aður. REI gerði í valdatíð hans tilboð
í hlutabréfakaup í orkufyrirtæki á Fil-
ippseyjum sem þá var verið að einka-
væða upp á 12-13 milljarða. Tilboð-
inu var hafnað, sem betur fer, segi
ég. Einnig voru á þeim tíma settir 11
milljarðar í fyrirtækið sem hefðu far-
ið í fjárfestingar erlendis.“
Kjartan segir að tekist hafi að
leggja þessi áform á hilluna. Ákveð-
ið var að halda áfram með starfsemi
fyrirtækisins en með breyttum hætti.
„Fyrirtækið er ekki lengur fjármögn-
unaraðili heldur selur það tækni og
þekkingu.“
Fjármagnar ekki lengur
Kjartan fór árið 2008 til Djíbútí og
kynnti sér virkjanaframkvæmdirnar
sem REI hefur tekið þátt í í Afríku-
ríkinu. „Ég fór þangað að skoða að-
stæður. Menn frá okkur eru stöðugt
að fara þangað niður eftir. Verkefn-
ið er núna í fjármögnunarferli. Al-
þjóðabankinn er í samstarfi með
okkur. Eftir hrunið óttuðumst við að
enginn myndi vilja vinna með okk-
ur lengur, en Alþjóðabankinn kom
og bauðst til að fjármagna verkefnið
og leiða saman marga ólíka aðila úti í
heimi. Svona verkefni í Afríku er ekk-
ert það einfaldasta sem maður hefur
gert. Þetta hefur kostað miklu vinnu,
starfsmenn okkar hafa mikið að
gera,“ segir Kjartan sem segir að REI
muni ekki fjármagna verkefnið í Djí-
bútí, eins og til stóð í upphafi, heldur
muni fyrirtækið selja þar þekkingu.
„Það er mikill munur á að veita að-
stoð með þekkingu og að fjármagna
áhættusamt verkefni.“
Verðmætar gjaldeyristekjur
„Orkuveitan er sennilega besta fyrir-
tæki í heiminum í heildarlausninni,
frá því að leita, bora og byggja virkj-
anir,“ segir Kjartan og bendir á að
REI aflar verðmætra gjaldeyristekna
með sölu sinni á góðri þekkingu Ís-
lendinga á jarðvarmavirkjunum og
jarðhitavinnslu. „Það væri ábyrgðar-
hluti að neita að veita aðstoðina og
við erum beðin um að selja hana. Til
okkar er leitað erlendis frá, óskað eft-
ir okkur í þróunarverkefni.“
Djíbútí-verkefnið sé auk þess þró-
unarsamvinnuverkefni sem muni
hjálpa fátækri þjóð að koma upp
sjálfbærri orkuauðlind. Það muni
ekki vera litið á það björtum augum
ef Íslendingar, sem áður hafi verið
gagnrýndir fyrir ýmsa skandala varð-
andi REI hlaupi nú frá verkefninu.
Þar sem REI sé ekki fjármögnunar-
aðili í verkefninu muni verðmætar
gjaldeyristekjur safnast fyrir þekk-
ingarsölu.
Sjálfstæðisflokknum að kenna
Sigrún Elsa Smáradóttir situr í stjórn
Orkuveitunnar og REI fyrir hönd
minnihlutans. Hún segir að sögu-
skoðun Kjartans Magnússonar um
að REI hafi verið mjög útrásarmið-
að fyrirtæki á valdatíma hundr-
að daga meirihlutans sé út í hött.
„Einu hlutabréfin sem keypt voru á
Filippseyjum, voru keypt í tíð fyrsta
meirihlutans, í tíð Sjálfstæðisflokks-
ins undir Vilhjálmi Þ. Vilhjálmssyni.
REI var stofnað þegar Guðlaugur Þór
HELGI HRAFN GUÐMUNDSSON
blaðamaður skrifar: helgihrafn@dv.is
Borgarfulltrúar úr meirihluta og minnihluta borgarstjórnar sitja í stjórn REI og segja
að fyrirtækið standi ekki lengur í fjármálaumsvifum og útrás. Framtíðarstefna fyr-
irtækisins er óljós og enn er deilt um klúður fortíðarinnar. Stjórnmálamenn sitja í
stjórn REI og segjast reyna nú að verja eignir fyrirtæksins. Kjartan Magnússon fær
tvær milljónir króna í árslaun fyrir stjórnarformannssetu hjá fyrirtækinu.
Stjórnarformaðurinn Kjartan
Magnússon borgarfulltrúi er
stjórnarformaður REI. Hann fær
tvær milljónir króna í árslaun hjá
fyrirtækinu.
Óbreytti stjórnarmaðurinn
Sigrún Elsa Smáradóttir er fulltrúi
minnihlutans í REI og þiggur tæpa
milljón í árslaun fyrir stjórnarsetu
hjá fyrirtækinu.