Dagblaðið Vísir - DV - 03.03.2010, Blaðsíða 4

4 MIÐVIKUDAGUR 3. mars 2010 FRÉTTIR
Mál Sophiu Hansen heldur áfram fyrir dómstólum:
Áfrýjar fangelsisdómnum
Sophia Hansen hefur ákveðið að
áfrýja skilorðsbundnum sex mánaða
fangelsisdómi sem hún hlaut í síð-
asta mánuði í Héraðsdómi Reykja-
víkur, fyrir að hafa Sigurð Pétur
Harðarson, fyrrverandi bandamann
hennar í baráttunni fyrir forræði yfir
dætrum hennar, fyrir rangri sök.
„Dómnum er áfrýjað í því skyni
að fá honum hnekkt. Við teljum að
hér sé ekki um sök að ræða og það er
gerð krafa um að hún verði sýknuð.
Þau sjónarmið liggja til grundvallar
áfrýjuninni,“ segir Kristján Stefáns-
son, lögmaður Sophiu, í samtali við
DV.
Sophia og Sigurður Pétur hafa
deilt fyrir dómstólum síðustu miss-
eri. Sophia kærði Sigurð Pétur fyr-
ir að hafa falsað undirskrift hennar,
en rithandarrannsókn leiddi í ljós að
hún hafði sjálf gert undirskriftirnar.
Niðurstaðan varð tilefni til þess að
lögreglustjórinn á höfuðborgarsvæð-
inu ákærði Sophiu fyrir að hafa Sig-
urð fyrir rangri sök og var hún dæmd
í síðasta mánuði. Sigurður höfðaði
einnig skuldamál á hendur Sophiu
til þess að innheimta milljóna skuld.
Áfrýjun Sophiu er ekki eina málið
fyrir dómstólum sem tengist Sigurði
Pétri og Sophiu, því að á næstunni
verður skuldamálið einnig tekið fyrir
í Hæstarétti. Það mál snýst um rúm-
lega 19 milljóna króna skuld sem Sig-
urður Pétur telur sig eiga inni hjá So-
phiu. valgeir@dv.is
Sophia Hansen Lögmaður Sophiu vill fá skilorðsbundnum fangelsisdómi yfir henni
hnekkt fyrir Hæstarétti Íslands. MYND HEIÐA HELGADÓTTIR
„Þetta er bara misferli með fé. Þetta
eru ekki stórar upphæðir í sjálfu
sér, ef maður hugsar um það sem
er að gerast í kringum okkur... Ég
gerði mistök í starfi og verð bara
að bíta í það súra epli eins og hver
annar maður. Þetta gengur auðvit-
að mjög hart að mér og mínum,“
segir Jóhann Pálsson, fyrrverandi
umdæmisstjóri Þróunarsamvinnu-
stofnunar Íslands í Mósambík.
Efnahagsbrotadeild ríkislög-
reglustjóra og Ríkisendurskoð-
un rannsaka nú fjárdrátt Jóhanns
meðan hann gegndi starfi hjá
stofnuninni, líkt og DV.is greindi
frá á mánudaginn. Ríkisendur-
skoðun fer þessa dagana yfir bók-
hald Þróunarsamvinnustofnunar-
innar í Mósambík frá árinu 2006,
þegar Jóhann hóf störf þar, og þar
til í janúar 2009 þegar hann lét af
störfum hjá stofnuninni. „Ég er
sekur hvað sem verður,“ segir Jó-
hann.
Grunur vaknaði um fjárdrátt Jó-
hanns skömmu áður en hann lét af
störfum í janúar þegar starfssamn-
ingi hans lauk. Talið er að Jóhann
hafi dregið sér um 10 milljón-
ir króna. Fjárframlög til Þróunar-
samvinnustofnunar í Mósambík
nema um 300 milljónum á ári.
Vill ekki segja frá
Jóhann viðurkennir því brot sitt en
vill ekki greina frá því hvernig fjár-
drátturinn átti sér stað og til hvers
peningarnir voru notaðir. „Helst
vildi ég láta þetta kyrrt liggja. Ég vil
ekkert fara út í slík smáatriði. Ég hef
ekkert upp úr því... Ég vil ekki segja
það... Annars er mjög lítið um þetta
að segja. Það er þarna vesen sem
er verið að skoða og ég er ekkert að
fela það,“ segir Jóhann.
Aðspurður hvort um einhver
mistök sé að ræða í umræðunni um
fjárdráttinn segir Jóhann: „Nei, nei.
Þetta var nokkurn veginn svona...
En þetta voru bara mistök í hugsun
hjá mér, við getum sagt það.“ Þeg-
ar Jóhann er spurður hvort hann
hafi tekið peningana frá Þróunar-
samvinnustofnun og stungið þeim
í eigin vasa segir Jóhann: „Það eru
margar leiðir í vasann.“
Ætlar að vinna með lögregl-
unni
Sighvatur Björgvinsson, fram-
kvæmdastjóri Þróunarsamvinnu-
stofnunar, segir að stofnunin sé
með upplýsingar um útgjöld í
Mósambík vegna verkefna sem
stofnunin kannist ekki við að hafa
unnið að. „Við sjáum bara útgjöld
í bókhaldinu vegna verkefna sem
við könnumst ekki við... Það er
því ekki þannig að það vanti fylgi-
skjöl,“ segir Sighvatur og bætir því
við aðspurður að það sé hugsan-
legt að bókhaldsfærslurnar hafi
verið búnar til.
Fjárdrátturinn hefur því líklega
átt sér stað þannig að greiðslur fyr-
ir kaup á ýmiss konar þjónustu og
vörum hafi verið skráðar í bókhald
Þróunarsamvinnustofnunar án
þess að stofnunin hafi notið góðs af
þjónustunni eða vörunum. Hugs-
anlegt er því að bókhaldsfærslurnar
hafi verið tilbúningur og að pening-
arnir sem sagt var að notaðir hefðu
verið til að kaupa vörur og þjónustu
fyrir Þróunarsamvinnustofnun hafi
verið notaðir í annað.
Jóhann segir að hann muni að-
stoða ákæruvaldið við rannsókn
málsins og að hann treysti dóms-
kerfinu til að fjalla um málið og út-
skýra það. „Ég hef fullan áhuga á
að vinna með þeim að því að leysa
þetta mál. Ég skýt mér ekki undan
ábyrgð á þessu ...“ segir Jóhann en
hann játaði brot sitt fúslega þegar
Þróunarsamvinnustofnun komst
að því að hann hefði misfarið með
fé stofnunarinnar.
„ÉG GERÐI MISTÖK“
Það eru margar leiðir í vasann.
Jóhann Pálsson viðurkennir brot í starfi og fjárdrátt hjá Þróunarsamvinnustofnun
Íslands í Mósambík en vill ekki segja hvernig og til hvers hann dró sér fé. Heimildir
DV herma að í bókhaldi stofnunarinnar séu færslur vegna þjónustu og vara sem
ekki voru fyrir hana.
INGI F. VILHJÁLMSSON
blaðamaður skrifar ingi@dv.is
Jóhann Pálsson Hefur játað að hafa misfarið með
fjármuni Þróunarsamvinnustofnunar Íslands. Hann
sést hér á mynd sem tekin var í Inhambane-sýslu -
fátækasta héraði Mósambík - í apríl í fyrra þar sem
stofnunin kynnti nýtt fullorðinsfræðsluverkefni.
Stórauknar
sumarlokanir
Fleiri deildum á Landspítala verður
lokað í sumar en gert hefur verið hin
síðari ár. Starfsmönnum hefur fækk-
að um 350 síðustu árin og stjórn-
endur sjúkrahússins hafa helmingi
minna fé til að nota í launagreiðslur
sumarafleysingafólks nú en í fyrra.
Þetta kom fram í fréttum Stöðvar 2
á þriðjudagskvöld. Þar var fullyrt að
þetta hefði orðið til þess að mikill
kvíði ríkti meðal starfsmanna vegna
komandi sumars.
Meirihluti keyrir
of hratt
Rúmlega helmingur ökumanna
sem átti leið suður Suðurgötu,
að Kirkjugarðsstíg, í Reykjavík
seinnihluta dags á þriðjudag
keyrði hraðar en sem nemur
leyfilegum hámarkshraða. Há-
markshraði á þessum slóðum er
30 kílómetrar á klukkustund en
meðalhraði hinna brotlegu var 45
kílómetrar á klukkustund. Sá sem
hraðast ók mældist á sextíu kíló-
metra hraða á klukkustund eða
tvöföldum hámarkshraða.
Lögreglan ákvað að fylgjast
með akstri um götuna eftir að
íbúar við hana kvörtuðu undan
hraðakstri.
Danskir dátar
í loftvörnum
Fjórar danskar herþotur eru komnar
til landsins í annað skipti á einu ári
til að annast loftrýmiseftirlit. Þetta
kom fram í fréttum Ríkisútvarps-
ins á þriðjudagskvöld. Þar sagði að
herþoturnar væru af gerðinni F-16,
sömu gerðar og þær sem Danir not-
uðu við loftrýmiseftirlit hérlendis í
þrjár vikur fyrir ári.
Loftrýmiseftirlit flugherja frá að-
ildarríkjum Atlantshafsbandalagsins
á að koma í stað þess eftirlits sem
bandarísku orrustuþotur sem voru
á Keflavíkurflugvelli fram á seinni-
hluta árs 2006 höfðu séð um.