Dagblaðið Vísir - DV - 08.03.2010, Blaðsíða 10

10 MÁNUDAGUR 8. mars 2010 FRÉTTIR
BANKINN HELDUR EKKJU
Í STOFUFANGELSI
Guðrún Andrea Einarsdóttir missti
manninn sinn í janúar síðastliðnum og
berst nú ein við að halda fjárhag heimil-
isins í lagi. Eftir nákvæma útreikninga
bað hún bankann sinn um aðstoð til að
geta komist af hvern mánuð. Því synjaði
Íslandsbanki og ekkjan situr sár eftir.
„Sjálf er ég búin að reikna nákvæm-
lega út greiðslugetu mína og því leit-
aði ég til bankans með þessa beiðni.
Ég fékk neitun til baka,“ segir Guðrún
Andrea Einarsdóttir, ekkja og þriggja
barna móðir úr Vogum á Vatnsleysu-
strönd.
Guðrún missti eiginmann sinn af
slysförum í janúar síðastliðnum. Hún
sér nú ein fyrir þremur börnum sínum
og á erfitt með að láta enda ná sam-
an. Hún ákvað að setjast niður með
reiknivélina og fann út leið til að geta
boðið börnum sínum upp á eitthvað
annað en að vera föst heima hjá sér.
Þeirri leið, sem fól í sér að Guðrún
myndi borga upp höfuðstól tæplega
fimm milljóna króna láns og fá um
það bil 1,5 milljóna verðbætur niður-
felldar, hafnaði Íslandsbanki alfarið.
Mjög svekkt
Guðrún er sár út í bankann sinn og
bendir á að hún hafi ávallt staðið í skil-
um. Hún telur neitun bankans hafa
komið of fljótt fram án frekari íhugun-
ar þar sem hún sé nú ekkja með þrjú
börn á sinni framfærslu. „Ég er rosa-
lega svekkt og sár. Það er ekki eins og
ég sé með þessi erlendu lán eða bíla-
lán heldur einfalt, íslenskt, verðtryggt
lán með óhagstæða vexti. Því leitaði
ég til bankans í þeirri von að geta gert
upp óhagstætt lán og gerði þeim til-
boð til að klára þetta. Ég bauð bank-
anum 5 milljónir þannig að lánið væri
frá og afborganirnar myndu lækka hjá
mér. Í raun yrði þetta ein og hálf millj-
ón sem yrði niðurfelld en þannig gæti
ég haft það af með sæmilegum hætti,“
segir Guðrún.
„Ég er ekki að fara fram á mik-
ið. Eftir nákvæma útreikninga sé ég
að ég ræð við þetta svona en bank-
inn neitaði. Hann bauð mér í staðinn
greiðsluaðlögun sem felur í sér höfuð-
stólslækkun en þá verða lánin verð-
tryggðu óverðtryggð og þá sýnist mér
lánið bera hærri vexti og jafnvel hærri
afborganir en áður var. Ég skil ekki
hvernig það getur komið betur út fyr-
ir mig.“
Alltaf í skilum
Aðspurð segist Guðrún ávallt hafa
staðið í skilum hjá bankanum og er
svekkt sé horft til afskrifta auðmanna
sem fjallað hefur verið um í fjölmiðl-
um. „Ég horfi þannig á þetta að ég verð
að geta leyft börnunum mínum eitt-
hvað en það get ég ekki eins og stað-
an er núna. Þegar neitunin kom trúði
ég því varla og leitaði til útibússtjór-
ans en þar fékk ég endanlega neitun.
Eftir þessa neitun get ég lítið gert með
börnunum,“ segir Guðrún.
„Þegar tekjur mínar hafa verið
reiknaðar saman, og þá tek ég meira
að segja barnabæturnar inn í, er ég í
miklum mínus sé horft til framfærslu-
kostnaðar einstæðrar móður með
þrjú börn, samkvæmt töflu Ráðgjafar-
stofu heimilanna. Ég hef alltaf staðið í
skilum og nú sýnist mér vera að sann-
ast að það fólk fær enga hjálp.“
Missti manninn
Eins og áður sagði fylgdi Guðrún eig-
inmanni sínum til grafar í janúar síð-
astliðnum og hefur síðan þá verið að
vinna úr fjármálum heimilisins. Hún
taldi sig hafa fundið leið til að koma
þeim í rétt horf þannig að hún gæti
veitt börnum sínum betri framtíð.
„Ég er nýbúin að jarða og nú er ég að
ferma barnið okkar, allt kostar þetta
sitt. Þegar ég horfi á allar fréttirnar
þar sem verið er að afskrifa hundruð
milljóna eða jafnvel milljarða hjá fólki
þá verð ég eitt spurningamerki. Þarna
var ég ekki að biðja um afskrift láns-
ins heldur aðeins að felldar yrðu niður
verðbætur þannig að ég gæti ráðið við
þetta. Ég bauð bankanum allt sem ég á
og mér fannst ég ekki vera að biðja um
mikið,“ segir Guðrún.
„Mér finnst þetta svo óréttlátt. Ef
ég fæ ekki þessa aðstoð frá bankanum
þarf ég að erfiða við að borga þessar
verðbætur og það þýðir að ég hef þá
ekkert á milli handanna. Það þýðir að
bankinn heldur okkur áfram í stofu-
fangelsi. Mér finnst alveg nóg að börn-
in séu búin að missa pabba sinn þó að
þeim sé ekki haldið áfram í búri.“
88 milljarðar
Skuldir Kjalars, félags Ólafs
Ólafssonar, við Arion banka hafa
verið afskrifaðar nánast að fullu
í bókum bankans en fyrirtækið
skuldaði bankanum 88 milljarða
króna á núvirði.
Taka ber fram að þetta þýðir ekki
að bankinn muni ekki reyna að
innheimta kröfuna á Kjalar. Þrátt
fyrir skuldastöðu og að hann
hefði stöðu grunaðs manns hjá
embætti sérstaks saksóknara
kom bankinn Samskipum aftur í
hendur Ólafs nýverið.
Ríflega 13 milljarða
skuld
Félög tengd Þorsteini Jónssyni,
forstjóra Vífilfells, skulduðu
rúma 13 milljarða króna
samkvæmt lánabók Kaupþings.
Eftir þrýsting frá Coca-Cola
fyrirtækinu á Norðurlöndum
fékk hann að halda fyrirtækinu
og talið var líklegt að skuldirnar
við bankann yrðu afskrifaðar.
Þorsteinn hefur ekki viljað
staðfesta afskriftirnar fram að
þessu.
Tæpir 4 milljarðar
Búist er við því að Finnur Ingólfs-
son, fyrrverandi seðlabankastjóri
og viðskiptaráðherra, fái 3,7
milljarða króna afskrifaða sem
fjárfestingarfélag hans skuldar.
Útlit er fyrir að litlar sem engar
eignir séu til upp í skuldina og því
líkur á afskrift án þess að gengið
verði að öðrum eigum hans, en
hann er eigandi Frumherja, þar
sem hann er ekki í persónulegum
ábyrgðum fyrir lánunum eftir því
sem DV kemst næst. Fari félagið í
gjaldþrot er lítið annað hægt en
að afskrifa þessa háu skuld.
Hátt í 50 milljarðar
Magnús Kristinsson, útgerð-
armaður í Vestmannaeyjum,
fékk stóran hluta af tæplega
50 milljarða króna skuld
eignarhaldsfélaga sinna
afskrifaðan eftir að hann samdi
við skilanefnd Landsbankans.
Nákvæmar upplýsingar
um upphæðir afskriftanna
liggja hins vegar ekki fyrir.
Skilanefndin leysti ekki til sín
kvóta Magnúsar, sem var ekki
í persónulegum ábyrgðum
fyrir langmestum hluta skulda
sinna.
800 milljónir
Bjarni Ármannsson, fjárfest-
ir og fyrrverandi forstjóri
Glitnis, komst að samkomu-
lagi við skilanefnd Glitnis
um afskriftir á rúmlega 800
milljóna króna skuldum
eignarhaldsfélagsins
Imagine Investment, sem er
í eigu hans, við bankann.
30 milljarðar
Jón Ásgeir Jóhannesson og
Jóhannes Jónsson stofnuðu
til tugmilljarða króna skulda í
tengslum við Haga, Gaum, Baug
og 1998 ehf. Þegar 30 milljarða
lán sem 1998 ehf. tók hjá Kaup-
þingi sumarið 2008 var fært frá
skilanefnd Kaupþings yfir til Nýja
Kaupþings og nú Arion banka,
var lánið metið á 17 milljarða. Sé
horft til vísitöluþróunar stóð það
hins vegar í 48 milljörðum og 30
milljarðar þannig afskrifaðir.
TRAUSTI HAFSTEINSSON
blaðamaður skrifar: trausti@dv.is