Dagblaðið Vísir - DV - 08.03.2010, Blaðsíða 30

„Verkið er mjög krefjandi og áhrifamikið og
farnar eru nýjar og harðar leiðir til að koma
góðum boðskap á framfæri,“ segir Gréta
Morthens, einn aðstandenda söngleiks-
ins Déjà Vu sem Leikfélagið Verðandi í Fjöl-
brautaskólanum í Garðabæ frumsýndi nýver-
ið. Söngleikurinn er frumsaminn af hópnum
og að sögn Grétu tekur hann á einelti.
Nýlegar kannanir um að einelti sé enn
mjög ríkjandi í skólum landsins var kveikjan
að því umfjöllunarefni. „Við vildum samt alls
ekki setja upp forvarnaleikrit um sögu sem
allir hafa heyrt áður og eru orðnir þreyttir á.
Við tókum því þá ákvörðun að setja upp leik-
rit sem höfðar til unglinga jafnt sem fullorð-
inna um einelti, og förum við mjög gróft í það,
það er að segja harðar leiðir, bæði með sorg
og hlátri í von um að boðskapurinn skili sér á
skrautlegan, skemmtilegan og lúmskan hátt,“
segir Gréta en þess má geta að hún er dótt-
ir Bubba Morthens sem, eins og kunnugt er,
hefur einnig mikið látið til sín taka í forvarna-
málum.
Déjà Vu gerist í skóla á höfuðborgarsvæð-
inu þar sem fimm unglingsstúlkur ráða ríkj-
um með yfirgangi og frekju. Kennarinn Elísa-
bet og sveitastrákurinn Gústi sem er nýfluttur
í bæinn spila svo stóra rullu í verkinu.
Tónlistin í sýningunni er af ýmsum toga að
sögn Grétu, allt frá Pink Floyd til Rammstein,
sem krakkarnir hafa snarað yfir á íslensku.
„Þetta verk skiptir okkur gífurlega miklu máli
og hafa allt að hundrað nemendur komið að
því, til dæmis með hönnun og gerð búninga,
uppsetningu sviðs, markaðssetningu, fjáröfl-
un og fleira,“ segir Gréta.
Sex sýningar eru eftir af Déjà Vu en loka-
sýningin er 18. mars.
kristjanh@dv.is
LEIKFÉLAG FJÖLBRAUTASKÓLANS Í GARÐABÆ SÝNIR DÉJA VU:
MOTTU-MARS:
Einhverjir hafa væntanlega tekið
eftir að dagskrárgerðarfólk innan
365 á það mjög til að kynna aðra
dagskrárliði fyrirtækisins í þátt-
um sínum, í afskaplega mismikl-
um mæli þó. Líkamsræktarfröm-
uðurinn Ívar Guðmundsson,
sem er með þætti á Bylgjunni á
milli klukkan 9 og 13 á virkum
dögum, er með þeim duglegri
í þessum bransa. Undantekn-
ingalaust spilar hann til dæmis
brot úr helgarþáttum Bylgjunnar
í þætti sínum á mánudögum. En
leiða má líkur að því að Ívar hafi
slegið einhvers konar met síðast-
liðinn föstudag þegar hann var
með þrjá gesti í þætti sínum sem
allir eru dagskrárgerðarmenn
hjá 365, þá Loga Bergmann
Eiðsson, Sigurð Hlöðversson og
Hemma Gunn.
30 MÁNUDAGUR 8. mars 2010 FÓLKIÐ
Færeyski folinn Jógvan Han sen
og unnusta hans Hrafnhildur
Jóhannesdóttir gistu sína fyrstu
nótt í nýju íbúðinni sinni á föstu-
daginn. Þegar Jógvan tók þátt
í Söngvakeppni Sjónvarpsins
fyrir skömmu mátti sjá að hann
var á fullu að mála og smíða
þegar tekið var viðtal við hann
fyrir úrslitaþáttinn. Hann lenti í
öðru sæti keppninnar með lagið
One More Day sem Óskar Páll
Sveinsson og Bubbi Morth-
ens sömdu. Framkvæmdirn-
ar í íbúðinni eru nú að klárast
og fagnaði parið fyrstu nóttinni
í íbúðinni með því að skála í
kampavíni.
KAMPAVÍN
OG GLEÐI
PLÖGG
Á PLÖGG
OFAN
Árlega greinast á Íslandi að meðaltali 716 karlar með krabba-mein en að meðaltali látast um 278 karlmenn vegna sjúk-dómsins. Því hefur Krabbameinsfélagið farið af stað með átak til að vekja athygli á þessari staðreynd. Karlmenn um allt land
safna nú yfirvaraskeggi, eða mottu, allan mánuðinn sem hefur verið
nefndur Mottu-mars. Á heimasíðu Krabbameinsfélagsins segir: „Yfir-
varaskegg er táknrænt. Það auðveldar umræðu um það sem erfitt er að
ræða. Krabbamein í karlmönnum hefur verið feimnismál allt of lengi.“
Viðbrögðin hafa verið frábær og eru yfir 700 karlmenn byrjaðir að
safna mottu. Gengur þetta þannig fyrir sig að hver karlmaður skráir sig
til leiks og safnar áheitum í gegnum SMS frá vinum og kunningjum. Þeir
efstu eru komnir með rétt undir 100.000 krónur. Einnig geta lið skráð sig
til leiks en þar hefur áhöfn Hrafns Sveinbjarnarsonar GK-255 forystuna.
Þekktir einstaklingar hafa ekki látið sitt eftir liggja. Meðal þeirra sem
eru byrjaðir að safna mottu eru söngvararnir Pétur Örn Guðmundsson,
oftast kenndur við Buff, Heiðar Örn Kristjánsson Botnleðjumeðlimur,
Henry Birgir Gunnarsson, íþróttastjóri Fréttablaðsins, Brynjar Björns-
son, körfuboltamaður úr KR, Finnur Jóhannsson, handknattleiksmaður
sem lék á sínum tíma í myndinni Blossi, og handknattleiksgoðið Alex-
ander Petersson.
Íþróttafélögin taka einni mjörg hver þátt í liðakeppninni. Íslands-
meistarar FH í knattspyrnu eru allir byrjaðir að safna ásamt meistara-
flokki Keflavíkur. Þá er knattspyrnulið Breiðabliks byrjað að safna ásamt
handknattleiksfélögum Gróttu og HK. Hægt er að taka þátt með því að
skrá sig á heimasíðu átaksins, karlmennogkrabbamein.is.
tomas@dv.is
Karlmenn um allt land safna nú yfir-
varaskeggi, eða mottu, í tilefni Mottu-
mars, söfnunarátaks Krabbameinsfé-
lagsins. Heitið er á alla sem safna mottu
og eru þekktir einstaklingar, söngvarar,
íþróttamenn, blaðamenn og fleiri byrj-
aðir að safna mottu á efri vörina.
DÓTTIR BUBBA SETUR UPP SÖNGLEIK
Úr Déja Vu Allt að hundrað nemendur FG
koma að uppsetningu söngleiksins Déjà Vu.
FRÆGIR
MEÐ MOTTU
Íslandsmeistaramotta
Leikmenn FH eru byrjaðir að safna
og safna heitum fyrir átakið.
Rokkuð motta Heiðar Örn úr
Botnleðju safnar mottu eins og
enginn sé morgundagurinn.
Hárið farið Pétur Örn Guð-
mundsson lét síða hárið flakka
en safnar mottu í staðinn.