Dagblaðið Vísir - DV - 05.07.2010, Page 18

Ólafur og Björgólfur
Heiðar á eftir Sjóvá?
n Aðeins einn væntanlegur kaup-
andi er eftir að tryggingafélaginu
Sjóvá sem skilanefnd Glitnis hefur
verið með í sölu-
meðferð í lang-
an tíma. Ekki
liggur ljóst fyrir
um hvern er að
ræða. Eftir því
sem næst verður
komist var Heiðar
Már Guðjóns-
son, viðskiptafé-
lagi Björgólfs Thors Björgólfssonar
og tengdasonur Björns Bjarnasonar,
meðal þeirra sem lýstu yfir áhuga á
tryggingafélaginu.
Sonur ingibjargar
í bobba
n Einn af fimmmenningunum ís-
lensku sem voru handteknir í Mílanó
fyrir skömmu fyrir skemmdarverk á
bílum í skjóli nætur mun vera sonur
Ingibjargar Sólrúnar Gísladóttur,
fyrrverandi utanríkisráðherra. Sá
sem um ræðir heitir Hrafnkell Hjör-
leifsson og er 25 ára. Greint var frá
málinu í ítalska blaðinu Corriere della
Sera. Drengirnir skemmtu sér við það
að hoppa ofan á þökum og húddum á
bílum og munu hafa verið nokkuð við
skál þegar atvikið átti sér stað. Ítalska
blaðið hafði eftir þeim að þeir hefðu
bara verið að skemmta sér. Spurning-
in er hvort hið sama hafi átt við um
Ingibjörgu Sólrúnu en Hrafnkell er
skráður til heimilis í foreldrahúsum.
jón áSgeir = evrópu-
Sambandið
n Stríð Morgunblaðsins við Ólaf
Stephensen, ritstjóra Fréttablaðsins,
út af andstæðum sjónarmiðum um
Evrópusambandið er að ná nýjum
og óþekktum hæðum. Skotin á Ólaf,
þennan fyrrverandi ritstjóra Morg-
unblaðsins, hafa sjaldan verið fastari.
Svo er að sjá sem Ólafur sé orðinn
einn af helstu óvinum Morgunblaðs-
ins. Helst er það í Staksteinum sem
Ólafur er látinn finna til tevatnsins.
Í Staksteinum á föstudaginn stóð
til dæmis eftirfarandi: „Ritstjórinn
vinnur fyrir Jón Ásgeir Jóhannesson:
manninn sem öðrum fremur keyrði
þjóðina í þrot.“ Nýjasta áróðursbragð
Moggans virðist því vera að reyna að
búa til samasemmerki á milli Ólafs
Stephensen, Evrópusambandsins og
Jóns Ásgeirs.
Stóra púltmálið
n Eins og fram kom í DV á dögun-
um urðu nokkur innanflokksátök
fyrir landsfund Sjálfstæðisflokksins
um það hvaða
ræðupúlt ætti að
nota á fundinum.
„Gamla, góða“
púltið varð loks
að víkja fyrir ný-
tískulegri línu
sem lögð var í
Valhöll. Nokkrir
hraðlínumenn úr
ungliðahreyfingunni, SUS, snéru til
að mynda sendibifreið aftur í Laug-
ardalshöll sem komin var með ræðu-
púltið upp í Valhöll, en höfðu ekki
erindi sem erfiði. Án þess að spyrja
kóng eða prest pöntuðu þeir degi
síðar sendibíl undir ræðupúltið og
ætluðu að flytja það upp í Gullhamra,
þar sem landsfundarhófið var haldið.
Enn varð þeim ekki að ósk sinni því
yfirvaldið í Valhöll stöðvaði púltflutn-
ingana enn einu sinni.
Svarthöfði hefur upphugsað nokkrar frábærar, hagfræði-legar lausnir til bjargar efna-hagslífinu.
Innblásturinn fékk Svarthöfði hjá Vilhjálmi Egilssyni, fram-kvæmdastjóra Samtaka atvinnu-lífsins, sem vill að gamla fólkið
vinni meira til að flýta för okkar upp
úr kreppunni. Hann vill að fólk fari á
eftirlaun 68 ára í staðinn fyrir 65 eða
67 ára. Frakkar eru að hugsa um að
hækka eftirlaunaaldurinn úr 60 árum
í 62, og því ljóst að þeir sækja hratt að
okkur.
Eftir að hafa rýnt í orð helstu framámanna þjóðarinnar, Steingríms J. Sigfússonar og Gylfa Magnússonar, hefur
Svarthöfði komist að þeirri niður-
stöðu að mest þörf fyrir fjármagn sé
í bönkunum. Nú þegar hefur komið
fram að dómur Hæstaréttar, um að
tvöföldun „erlendra“ lána sé ólögleg,
muni draga kreppuna á langinn og
seinka afnámi gjaldeyrishafta og þar
með útiloka erlenda fjárfestingu og
auka atvinnuleysi, sem þýðir að þú
verður atvinnulaus. En hvað gerðist
ef við myndum ekki aðeins tvöfalda
lánin, heldur þrefalda þau? Bókhald
bankanna myndi færast aftur til 2007!
Sumir gætu sagt að það væri ólöglegt að hækka lán. En lög og dómar skipta ekki öllu máli ef maður er sjálfur löggjafi.
Seðlabankinn og Fjármálaeftirlitið
hafa líka hunsað dóm Hæstaréttar
og beina tilmælum til bankanna um
að brjóta á rétti neytenda. Og hvenær
hafa Seðlabankinn og Fjármálaeftir-
litið haft rangt fyrir sér? Einfaldasta
leiðin til að hækka lánin væri að búa
til nýja vísitölu. Hún mætti heita
Velferðarvísitala. Hún virkar þannig
að fyrir hverja krónu sem bankarnir
segjast þurfa til að viðhalda starfhæfu
atvinnulífi hækka heildaríbúðarlán
Íslendinga um eina krónu að viðbætt-
um svokölluðum greiðslujöfnunar-
vísitöluskatti, sem yrði 100%.
Velferðarvísitalan mun tryggja að bankarnir verði nægilega fjármagnaðir (annars verður þú at-
vinnulaus eins og fólkið í Evrópu-
sambandinu) og að auki myndi
greiðslujöfnunarvísitöluskatturinn
treysta stöðu ríkissjóðs til muna.
Það fé mætti nýta til að fækka at-
vinnulausum, með því að fjölga
fólki á listamannalaunum. Þetta
mun virka sem adrenalínsprauta í
hjarta hagkerfisins!
Rétt eins og Vilhjálmur Egils-son bendir á liggur sóknar- færi í gamla fólkinu. Það liggur margt hvert á digrum
sjóðum, vel skatttækum. Ekki vita
allir að eldri borgarar þurfa færri
hitaeiningar til að komast í gegnum
daginn en yngra fólk, vegna þess hve
hægist á efnaskiptum með aldrinum.
Hugsanlegt væri að horfa til þeirrar
staðreyndar í hagræðingarskyni. Sér-
stakur matarskattur á eldri borgara
fellur vel að þessum mismunandi
þörfum fólks eftir aldri, auk þess sem
hann ynni gegn því heilsutjóni sem
hefst af ofneyslu á hitaeiningum og
tilheyrandi offitu. Offita er eitt það
hættulegasta sem hent getur borgar-
ana. Sígarettur eru skattlagðar vegna
heilsutjóns sem þær valda. Og því
er eðlilegt að skattleggja sérstaklega
hitaeininganeyslu eldri borgara, þeim
til heilsubótar.
Rétt eins og mikið svigrúm liggur í öldruðum er ljóst að lægstu aldurshóparnir eru nánast óplægður akur.
Mikill kostnaður fer í að halda úti
skólastarfi til handa börnum, til
þess eins að koma þeim út á vinnu-
markaðinn. Hægt væri að flýta
þessu ferli með því að skera burt
milliliðinn; það er að segja skólann.
Börn eru mjög óhagkvæm í rekstri
og þau skila jafnan litlum tekjum,
þrátt fyrir töluverð útgjöld þeim
tengd. Engu að síður eru þau nauð-
synlegir græðlingar fyrir hin gjöfulu
ávaxtatré ríkisins sem þau verða á
fullorðinsaldri.
Börn eru flest í öruggu húsa-skjóli foreldra sinna og hafa aðgang að fæðu úr sömu auðlind. Vegna algerrar sér-
stöðu barna hvað varðar afkomu-
öryggi er ljóst að þau þurfa ekki á
jafnmiklum tekjum að halda og aðr-
ir þjóðfélagsþegnar. Því væri upp-
lagt að ríkið sækti sér auknar tekjur,
til að fyrirbyggja almennt atvinnu-
leysi, með skattlagningu á tekjur
barna til leiðréttingar miðað við
almennan kaupmátt og tekjuþörf.
Annað væri ósanngjarnt gagnvart
þeim þjóðfélagshópum sem ekki
hafa aðgang að ókeypis húsnæði og
fæðu.
Þetta fyrirliggjandi Endur-reisnarmanífestó vísar veg-inn að sársaukaminnstu leiðinni út úr kreppunni.
Einnig er hún pólitískt farsæl fyrir
ríkisstjórn Samfylkingar og Vinstri-
grænna. Börn hafa ekki kosningarétt
og gamla fólkið kýs hvort eð er alltaf
Sjálfstæðis flokkinn!
HÉR ER LAUSNIN!
„Já, ég gæti vel
hugsað mér það,“
segir DaGur
KrISTJÁnSSon.
Dagur fór ásamt
fimm vinum sínum
til Dujiangyan í Kína
til að vera viðstaddur
alþjóðlega hátíð.
Lagt var upp úr því að safna útlendum
gestum á hátíðina til að sýna fram á
hversu alþjóðavætt Kína var orðið.
Hann fékk greiddar tíu þúsund krónur
fyrir að sýna sig auk veitinga. Í Kína
hefur verið ágæt eftirspurn eftir
útlendingum til „leigu“ á hvers kyns
viðburði.
GætIR þú oRðIð
GEStUR Að AtvINNU?
„Ég lagði allt að
veði.“
n Mummi í Mótorsmiðjunni um
að ásakanir í hans garð séu rangar. Hann hafi
lagt allt að veði fyrir starfið og hann hafi
uppskorið svik, hjartaáfall og að hjónabandi í
upplausn. – DV
„Batteríin kláruðust.“
n Íris Kristinsdóttir, kennd við Buttercup, um
það af hverju hún hætti í tónlistarbransanum á
sínum tíma. – DV
„Ég ætla að
reyna að smygla
því með mér
aftur heim.“
n Söngkonan Hera Hjartardóttir sem býr á
Nýja-Sjálandi um að hún sakni helst furðulegu
hlutanna á Íslandi svo sem kavíars í túbu. – DV
„Það var eins og
ég væri slegin
utan undir.“
n Valgerður Erla Óskarsdóttir
um það þegar hún fékk fréttir af því að hún yrði
alltaf hölt eftir bílslys. – DV
„Ég hef allt öðrum hnöpp-
um að hneppa en að pæla
í svona geðveiki.“
n Tónlistarmaðurinn Herbert Guðmundsson um
fjórðu stefnu húseignafélagsins að Prestbakka
11 til 21 gegn honum. – DV
„Við vorum
bara: Vá!“
n Darri Ingólfsson
aðalleikari myndarinnar
Boðberi sem hefur atburðarás
sem er ansi lík þeirri sem hefur átt sér stað hér á
landi fyrir og eftir hrun. Handrit myndarinnar
var þó skrifað fyrir hrun. – DV
Málefni ríkisstyrkta menntaskól-ans Hraðbrautar hafa verið til umfjöllunar í DV. Umfjöllun blaðsins sýnir fram á fjáraust-
ur út úr skólanum til eigenda hans, skóla-
stjórans Ólafs Johnson og Nýsis, í formi arð-
greiðslna og lána. Einnig sýnir umfjöllunin
óánægju meðal kennara Hraðbrautar vegna
launa sem samræmast ekki kjarasamning-
um Kennarasambands Íslands. Flest bendir
til að sérhyggja og græðgi hafi einkennt sjö
ára eiganda- og stjórnartíð Ólafs Johnson í
skólanum.
Til að byrja með er einkennilegt að
menntamálaráðuneytið hafi gert samstarfs-
samning við skóla Ólafs. Skólastjórinn hef-
ur tengst nokkrum vafasömum málum á ferli
sínum. Hið íslenska kennarafélag taldi hann
hafa brotið kjarasamninga í öðrum einka-
skóla, Sumarskólanum, sem hann rak frá ár-
inu 1993. Fjölbrautaskólinn í Breiðholti vann
mál gegn Ólafi í Hæstarétti árið 1999 þar sem
áminning rektors til Ólafs fyrir að nota náms-
gögn skólans í einkafyrirtæki sínu var staðfest.
Starfslok Ólafs í fjölbrautaskólanum komu til
af því að rektor skólans stóð hann að því að
kenna í Hraðlestrarskólanum, sem hann átti
og rak, á meðan hann var í veikindafríi. Ólafur
skilaði inn uppsagnarbréfi skömmu síðar.
Að sama skapi er sérstakt að Ríkisendur-
skoðun hafi ekki haft meira eftirlit með skól-
anum. Lögbundið hlutverk stofnunarinnar er
að hafa eftirlit með fyrirtækjum eins og Hrað-
braut og er skýrt kveðið á um þessa skyldu
í samstarfssamningi skólans við mennta-
málaráðuneytið frá 2007. Samt virðist stofn-
unin ekki hafa rækt þessa skyldu því athug-
unarefnin við fjármál Hraðbrautar sem koma
fram í ársreikningum skólans eru mörg.
Sagan af Ólafi og viðskiptum hans við ís-
lenska ríkið kallar fram í hugann samanburð
við annan mann sem sama ríkisstjórn aðstoð-
aði einnig við að komast í arðvænlega stöðu á
markaði. Þetta er Björgólfur Guðmundsson.
Hann fékk að kaupa Landsbankann árið 2003
þrátt fyrir að hafa hlotið dóm fyrir hvítflibba-
brot í Hafskipsmálinu og þrátt fyrir að hafa
þegið stolnar milljónir úr Landsbankanum
nærri þrjátíu árum áður í máli starfsmanns
Landsbankans, Hauks Heiðar, sem síðar var
dæmdur fyrir fjárdrátt úr bankanum
Í tilfellum Ólafs og Björgólfs stóð þessi per-
sónusaga ekki í vegi fyrir því að þáverandi
ríkisstjórn kvittaði upp á hæfi þeirra og veitti
þeim ákveðin gæði. Þessi fyrirgreiðsla hjálp-
aði þeim við að eignast og reka fyrirtæki sem
snertu hagsmuni fjölda óbreyttra borgara.
Enn frekar þótti þessi fortíð þeirra ekki gefa
tilefni til að Ríkisendurskoðun og Fjármála-
eftirlitið ræktu að minnsta kosti lögbundin
eftirlitshlutverk sín með fyrirtækjum þeirra.
Í skýrslu rannsóknarnefndar Alþingis er
að finna gagnrýna greiningu á starfsemi Fjár-
málaeftirlitsins á árunum fyrir hrun. Líklega
þarf að vinna sams konar úttekt á starfsemi
Ríkisendurskoðunar, meðal annars vegna
þess að hún virðist ekki hafa sinnt því eftir-
liti sem hún átti að sinna með ríkisstyrktum
fyrirtækjum eins og Hraðbraut. Eftirlitsleys-
ið sem einkenndi íslenska bankakerfið virðist
því einnig hafa verið vandamál á öðrum svið-
um samfélagsins á árunum fyrir hrunið.
INGI F. vILHjáLmSSoN FRÉttAStjóRI SkRIFAR.
sandkorn
tryggvagötu 11, 101 reyKjavÍK
Útgáfufélag: Dv ehf.
Stjórnarformaður:
Lilja Skaftadóttir
framkvæmdaStjóri:
Bogi örn emilsson
ritStjórar:
jón trausti reynisson, jontrausti@dv.is
og reynir traustason, rt@dv.is
fréttaStjóri:
Ingi Freyr vilhjálmsson, ingi@dv.is
dv á netinu: Dv.IS
aðalnÚmer: 512 7000, ritStjórn: 512 7010,
áSkriftarSími: 512 7080, auglýSingar: 512 7050.
SmáauglýSingar: 515 5550.
umbrot: Dv. Prentvinnsla: Landsprent. dreifing: Árvakur.
Dv áskilur sér rétt til að birta aðsent efni blaðsins
á stafrænu formi og í gagnabönkum án endurgjalds.
öll viðtöl blaðsins eru hljóðrituð.
leiðari
spurningin
svarthöfði
bókstaflega
18 umræða 5. júlí 2010 mánudagur
Að sama skapi er sérstakt að Ríkisendurskoðun hafi ekki haft meira eftirlit með skólanum.