Dagblaðið Vísir - DV - 31.01.2011, Blaðsíða 16

16 | Erlent 31. janúar 2011 Mánudagur
Mótmælum linnir ekki í Egypta-
landi en þau hafa nú staðið yfir
síðan á þriðjudaginn. Á laugar-
dag ákvað Hosni Mubarak, for-
seti Egyptalands síðan árið 1981,
að skipta út ríkisstjórn sinni í von
um að það lægði öldurnar með-
al mótmælenda. Sú áætlun hefur
ekki gengið eftir og tugir þúsunda
hafa fylkt liði á götum allra stærstu
borga Egyptalands. Rúmlega 150
manns hafa fallið í mótmælunum
og þúsundir eru særðir.
Þegar tekur að rökkva sjást eld-
ar loga víðs vegar um Egyptaland,
á meðan fólkið á götunum kyrjar
sína æðstu ósk – að Mubarak víki
tafarlaust úr valdastóli. Mubarak
hefur skipað bæði lögreglunni og
hernum að ná tökum á ástandinu
en án árangurs. Skriðdrekar voru
sendir á Tahrir-torg í miðborg Ka-
író á sunnudag þar sem hermenn
tóku að skjóta úr byssum sínum
út í loftið til að reyna að skapa ótta
og dreifa mannfjöldanum. Fólkið
hreyfði sig hins vegar ekki, heldur
stóð saman og hélt áfram að syngja
baráttusöngva.
Varaforseti í fyrsta sinn
Hosni Mubarak hefur aldrei á ferli
sínum sem forseti Egyptalands
haft varaforseta, en hann ákvað
á laugardag að skipa náinn sam-
starfsmann sinn til margra ára,
Omar Suleiman, í embættið. Sulei-
man hefur starfað allt frá árinu
1993 sem yfirmaður egypsku leyni-
þjónustunnar og er af mörgum tal-
inn einn valdamesti njósnaforingi
í heimi. Fréttaskýrendur leiða lík-
ur að því að ákvörðun Mubaraks sé
liður í því að sýna egypsku þjóðinni
að hann hafi látið af áætlunum um
að koma syni sínum, Gamal Mu-
barak, í stól forseta. Lengi hefur
legið fyrir að Mubarak vilji fá Gam-
al til að taka við af sér, þvert gegn
vilja þjóðarinnar.
Sem forsætisráðherra skipaði
Mubarak gamlan félaga sinn, Ah-
med Shafik. Hann á það sameigin-
legt með þeim Mubarak og Suleim-
an að koma úr hernum en þar hófu
þeir allir starfsframa sinn. Mu-
barak hefur veitt Shafik umboð til
myndunar nýrrar ríkisstjórnar en
um sinn standa þeir þremenning-
ar einir að kjötkötlunum, öll önnur
ráðuneyti standa nú auð.
Lokað fyrir netið
Allt síðan á fimmtudagskvöld hef-
ur verið lokað fyrir aðgang að ver-
aldarvefnum í Egyptalandi. Fjar-
skiptasamband hefur verið með
versta móti og erfitt hefur reynst að
senda sms-skilaboð auk þess sem
talsamband hefur verið lélegt. Eg-
ypsk stjórnvöld skipuðu fjarskipta-
fyrirtækjum, meðal annars Voda-
fone, að loka fyrir þjónustu sína
með það fyrir augum að gera fólki
erfiðara með að skipuleggja mót-
mælafundi.
Ritskoðun á háu stigi
Stjórnvöld létu sér ekki nægja
að loka fyrir netaðgang heldur
var fréttastofu Al Jazeera í Kaíró
skyndilega lokað um hádegisbil-
ið á sunnudag. Í tilkynningu sem
var flutt af Mena-fréttastöðinni,
sem er í eigu ríkisins, kom fram
að útsendingarleyfi Al Jazeera
hefði verið dregið til baka og að
skrifstofu fréttastofunnar í Kaíró
yrði lokað. Þar að auki missa allir
starfsmenn fréttastofunnar í Eg-
yptalandi fréttamannapassa sína.
Í yfirlýsingu sem var birt á Al
Jazeera, sem fékk að vita um áform
egypskra stjórnvalda snemma
á sunnudagsmorgun, sagði að
fréttastöðin fordæmdi aðgerð-
ir stjórnvalda. „Al Jazeera hefur
verið hrósað um allan heim fyr-
ir vandaða umfjöllun á ástand-
inu í Egyptalandi. Al Jazeera lítur
á þessar aðgerðir sem tilraun til
að halda niðri frjálsri fjölmiðlun
og þagga niður í blaðamönnum.
Á þessum miklu umbrotatímum
er nauðsynlegt að segja frá öll-
um hliðum ástandsins. Aðgerðir
stjórnvalda hafa engan annan til-
gang en að ritskoða og þagga niður
í egypsku þjóðinni.“
Talsmaður Al Jazeera sagði að
fréttamenn stöðvarinnar ætluðu
sér að halda áfram að færa Egypt-
um, og heimsbyggðinni allri, frétt-
ir af byltingarástandinu í Egyptal-
andi, hvað sem tautaði og raulaði.
Lögreglan farin – herinn
tekinn við
Frá því á þriðjudag, þegar mótmæl-
in hófust, hafði lögreglan átt í fullu
fangi við að hemja mannfjöldann
sem þyrptist út á götur helstu stór-
borga landsins. Á laugardag var svo
komið að verkefnið reyndist þeim of-
viða. Lögreglumenn sjást ekki lengur
á götum úti og hefur herinn tekið við
löggæslu. Það virðist þó vart nægja
því mikið hefur borið á að fólk fari
ránshendi um yfirgefin svæði, versl-
anir, bifreiðar og íbúðarhúsnæði.
Fólkið sem hefur fjölmennt á
götum úti virðist þó taka hermönn-
unum vel, í öllu falli mun betur en
óeirðalögreglunni. Á laugardag átti
yfirmaður egypska hersins, hers-
höfðinginn Sami Hafez Enan, fund
með bandaríska herforingjaráðinu
en þurfti frá að hverfa þegar frétt-
ist af því að hermenn óhýðnuðust
fyrirmælum. Svo virðist sem fjöl-
margir hermenn neiti nú að skjóta
á óvopnaðan mannfjöldann. Fólk-
ið hefur þakkað fyrir sig með því að
faðma að sér hermennina og dansa
á skriðdrekum þeirra.
Allra augu á Mubarak
Þjóðarleiðtogar hafa lýst yfir
áhyggjum sínum á ástandinu í Eg-
yptalandi og hafa hvatt Mubar-
ak til að láta af ofbeldi í garð mót-
mælenda. Angela Merkel, kanslari
Þýskalands, Nicolas Sarkozy, for-
seti Frakklands, og David Camer-
on, forsætisráðherra Bretlands,
sendu frá sér sameiginlega yfirlýs-
ingu vegna ástandsins. „Egypska
þjóðin hefur réttmætar áhyggjur og
kröfur til réttlátari og bjartari fram-
tíðar. Við hvetjum Mubarak til að
hefja breytingar sem skili sér í betri
ríkisstjórn og frjálsum og sann-
gjörnum kosningum.“
Barack Obama, forseti Banda-
ríkjanna, ræddi einnig við Muba-
rak í síma um helgina. Hann hvatti
Mubarak til að sýna breytingar í
verki og koma á varanlegum um-
bótum. Mubarak hefur löngum
verið dyggur bandamaður Banda-
ríkjanna og hafa forsetar Banda-
ríkjanna, allt frá Ronald Reagan,
sýnt honum skilning og átt við
hann góð samskipti. Ekki er tal-
ið líklegt að Obama víki frá þeirri
stefnu að fullu, þó hann hafi lát-
ið að því liggja að breytingar í Eg-
yptalandi væru óumflýjanlegar.
Endurnærir og hreinsar ristilinn
allir dásama OXYTARM
Í boði eru 60-150 töflu skammtar
30+
Betr i apotekin og Maður l i fandi www.sologhei lsa. is
OXYTARM
Sól og
heilsa ehf
=
Losnið við hættulega
kviðfitu og komið maganum
í lag með því að nota náttúrulyfin
Oxytarm og 30 days saman120 töflu skammtur
days
detox
ELDAR LOGA Í
EGYPTALANDI
n Mótmælin í Egyptalandi hafa staðið yfir síðan á þriðjudag n Mubarak hefur nú
sagt upp ríkisstjórninni og skipað varaforseta í fyrsta sinn n Lokað er fyrir netað-
gang og Al Jazeera-fréttastofunni er bannað að flytja fréttir af mótmælunum
Björn Teitsson
blaðamaður skrifar bjorn@dv.is
„Við hvetjum Mubarak til að hefja breytingar
sem skili sér í betri ríkisstjórn og frjálsum og
sanngjörnum kosningum.
Dansað á skriðdreka Hermenn hafa
neitað að skjóta á óbreytta borgara. Því
er vel tekið og er þess í stað dansað á
skriðdrekunum.
Eldar loga Mótmælandi í mið-
borg Kaíró aðfaranótt sunnudags.