Dagblaðið Vísir - DV - 31.01.2011, Side 19

Umræða | 19Mánudagur 31. janúar 2011
Hvað er
betra en
sett af
ömmum?
1 „Sjúk í viðurkenningu annarra“Elísabet Jökulsdóttir fann fyrst fyrir
meðvirkni þegar hún var tvítug og
ástfangin í fyrsta sinn.
2 Kristbjörg fer á kostum með SteindaKristbjörg Kjeld leikkona stóð sig vel í
þættinum Steindanum okkar.
3 Slíta samskiptum í skugga hengingarHollenska stjórnin sleit samskipti við
Íran eftir að hollensk kona var hengd
þar fyrir smygl.
4 Stóð upp eftir 305 metra fallEnskur fjallagarpur féll niður 305
metra, stóð upp eftir fallið og fór að
skoða kortið sitt.
5 Ástæður þess að karlmenn kaupa vændi: „Konan vill ekki
prófa neitt nýtt“
Árlega sækja 30–40 konur viðtöl hjá
Stígamótum vegna reynslu sinnar af
vændi eða klámiðnaði.
6 Endurreikna húsnæðislán: Lánin lækki um þriðjung
Íslandsbanki hyggst endurreikna
húsnæðislán í samræmi við nýsett
lög frá Alþingi.
7 Afhausuðu múmíur í gróðavonÞjófar brutust inn í safn í Kairó í von
um gróða.
Margrét Pála Ólafsdóttir var
verðlaunuð af Félagi kvenna í
atvinnurekstri á fimmtudag.
Hver er maðurinn?
„Ég elska börn og er búin að verja starfs-
ævinni í að vinna fyrir þau og vil sjá fleiri
koma til liðs við mig á þeim vettvangi.“
Hvaða merkingu hefur viðurkenningin?
„Þetta kallast hvatningarverðlaun svo að
ég vel að líta svo á að Hjallastefnan sé rétt
að byrja. Ég er bara búin að vera að í 20 ár,
þetta eru greinilega fyrstu skrefin. En svo
er líka gaman að fá hvatningu fyrir það sem
vel er gert. Þetta hefur gengið fyrir 300
samstarfskonur og -menn og svo öll börnin
og foreldrin sem hafa treyst okkur og eru að
treysta okkur í dag. Þetta eru margfeldisá-
hrif, ég er bara fulltrúi.“
Hvað er efst á baugi hjá þér?
„Það er að sinna barnabörnunum. Ég sé
um þau í heila viku þar sem foreldrarnir
skruppu í smá frí. Hvað er þá betra en eitt
sett af ömmum, því það þarf svo marga
fullorðna í kringum börn? Þess utan er ég að
klára MBA-nám í Háskólanum í Reykjavík
í viðskiptafræði og stjórnun. Ég ákvað að
dengja mér í þetta.“
Hvernig fer þér að læra viðskiptafræði?
„Ég viðurkenni að fyrst þá sortnaði mér fyrir
augum, en nú er ég rífandi kát.“
Eru fullorðnir óþekkari en börn?
„Þeir eru óþekkari á annan hátt. Fullorðnir
eru góðir í að blekkja sig sjálfa. Sá er
munurinn að börn hafa miklu dýpri skilning
á sjálfum sér.“
Eitt gott ráð til foreldra?
„Já, R-reglur Hjallastefnunnar. Röð, regla
og rútína!“
„Já, það á að kjósa aftur.“
Svanhildur Guðmundsdóttir
46 ára, starfsmaður Íbúðalánasjóðs
„Nei, ég vil ekki að það verði kosið aftur.“
Einar Jónsson
73 ára, smiður
„Nei, ég er ánægður með þá fulltrúa sem
voru kosnir á stjórnlagaþingið og vil halda
þeim.“
Einar Sigurðsson
40 ára, flugmaður
„Já, það á ekki að láta þessa dóna komast
upp með þetta. Ég er til í að kjósa aftur,
gefst ekki upp í fyrstu lotu.“
Jón Þór Jónasson
72 ára, bílasmiður
„Mér finnst koma til greina að skipa þá sem
voru kosnir til þess að endurskoða stjórnar-
skrána. Annmarkar Heimdellinganna ógilda
ekki kosningarnar.“
Gunnlaugur Ástgeirsson
61 árs, kennari
Mest lesið á dv.is Maður dagsins
Á að kjósa aftur til stjórnlagaþings?
Framtíð stjórnlagaþings er óljós svo ekki sé fastar að orði kveðið Ögmundur Jónasson
innanríkisráðherra ræddi við þá sem kosnir voru til stjórnlagaþings á sunnudaginn. „Ég þarf að heyra þeirra afstöðu,“
sagði ráðherrann. Hér sést hann á tali við Eirík Bergmann prófessor og séra Örn Bárð Jónsson. MYND SIGTRYGGUR ARI
Myndin
Dómstóll götunnar
Ástæða er til að fagna nýsprottn-um áhuga sjálfstæðismanna á formfestu í stjórnkerfinu og
kröfum þeirra á hendur stjórnvöld-
um um að stöðuveitingar innan
þess verði í samræmi við verðleika,
menntun og formleg umsóknarferli,
en fari ekki eftir ætt eða flokksstimpl-
um. Formfestan var ekki aðall flokks-
ins nema að svo miklu leyti sem hún
þjónaði valdinu sem safnað hafði
verið saman í Valhöll. Þar sem form-
festu og lagafyrirmælum sleppti hafði
landsstjórnin oftar en ekki verið á
skilmálum flokksins og háð geðþótta
flokksforystunnar.
Hluti þessa valds er dómsvald-
ið. Vert er að hafa hugfast að einnig
dómsvaldið á rætur að rekja til fólks-
ins. Þjóðin framselur vald sitt til kjör-
inna þingmanna sem ráða því hvaða
háttur er hafður á því að manna dóm-
stóla landsins.
Í sögu lýðveldisins hefur Sjálfstæð-
isflokkurinn – með vissum undan-
tekningun – lagt undir sig dómstól-
ana. Svo langt hefur þetta gengið að
frami lögfræðinga innan stjórnkerf-
isins var nær útilokaður nema þeir
gengju í Flokkinn og sýndu hollustu
í verki. Deilur um veitingu dómara-
embætta urðu af þessum sökum að
innanflokksdeilum; hvort þessi eða
hinn ráðherrasonurinn eða flokks-
gæðingurinn ætti að fá laust dómara-
embætti. Hinir komu ekki til álita.
Allir vanhæfir
Á áttunda áratug síðustu aldar hafði
vinstristjórnin 1971 til 1974 áhuga á
að vísa Bandaríkjaher úr landi. Við
þessu brugðust hægrimenn og fleiri,
sem vildu hafa herinn áfram í land-
inu, og söfnuðu tugþúsundum und-
irskrifta gegn slíkum áformum. Einn
helsti hvatamaðurinn var sjálfstæð-
ismaðurinn og hæstaréttardómarinn
Þór Vilhjálmsson. Þegar fjöldi meið-
yrðamála kom fyrir Hæstarétt neydd-
ust allir dómararnir til þess að víkja
sæti. Málin höfðuðu flokksbræður
Þórs. Hann og fleiri dómarar höfðu
beint og óbeint blandað sér í hápól-
itískar deilur og voru vitanlega van-
hæfir.
Í nýliðinni viku áttu allir 9 dómar-
ar Hæstaréttar þess kost lögum sam-
kvæmt að álykta um lögmæti kosn-
inga til stjórnlagaþings. Þrír þeirra
sögðu sig frá málinu vegna tengsla
við frambjóðendur eða fólk í lands-
kjörstjórn.
Með líku lagi hefðu Jón Steinar
Gunnlaugsson, Árni Kolbeinsson,
Viðar Már Matthíasson og jafnvel
Gunnlaugur Claessen átt að segja
sig frá afskiptum af stjórnlagaþing-
inu, en augljóst mátti vera að nær
allir kjörnu stjórnlagaþingsfulltrú-
arnir stefndu að því að setja ákvæði
í stjórnarskrá um þjóðareign á auð-
lindum. Umræddir fjórir dómar-
ar hafa á ýmsum stigum unnið að
málum sem tengjast kvótakerfinu
og eignarhaldi á kvóta og haft af
því pólitísk afskipti. Þetta á sérstak-
lega við um Jón Steinar Gunnlaugs-
son. Viðar Már hefði sem bróðir eins
stærsta kvótahafa landsins og aðal-
eiganda Morgunblaðsins, Guðbjarg-
ar Matthíasdóttur, einnig átt að segja
sig frá afskiptum af kosningum til
stjórnlagaþingsins.
Rangur dómur
Fallist menn ekki á vanhæfisrök-
semdirnar gegn þremur til fjórum
af dómurunum sex er hægt að líta
á sjálfa ályktun þeirra um ágallana í
kosningunum.
Líkja má úrskurði dómaranna við
dóm án glæps. Enginn hefur sýnt
fram á – ekki heldur dómararnir – að
ágallarnir hafi haft áhrif á úrslit kosn-
inganna í anda 120. greinar laga um
þingkosningar.
Huginn Freyr Þorsteinsson, að-
stoðarmaður fjármálaráðherra, vitn-
aði í Silfri Egils til deilna um bókstaf-
inn V eða U fyrir VG á sínum tíma.
Sumar kjördeildir notuðust í sjálfum
kosningum enn við stimpil með U en
ekki V, stafnum sem framboðið hafði
valið sér. Þetta gat haft áhrif á úrslit
kosninga en ekkert var gert.
Augljós áhrif á úrslit, sem lesa
má úr þessu dæmi, hefur ekki kom-
ið fram varðandi kosningarnar til
stjórnlagaþingsins. Heilbrigð skyn-
semi segir því að rétturinn hefði átt
að áminna menn um að gæta að sér
varðandi aðfinnsluatriðin en láta
kosningarnar standa vegna skorts
á sönnunum fyrir því að ágallarnir
hefðu haft áhrif á úrslitin.
Í öðru lagi er almenna reglan sú
að þegar menn kæra eða höfða mál
verður að liggja fyrir að meintur þol-
andi hafi persónulegra hagsmuna
að gæta eða að hann hafi orðið fyrir
einhverju tjóni. Ekki er að sjá að kær-
endur stjórnlagaþingskosninganna
hafi átt einhverra slíkra hagsmuna að
gæta eða að þeir hafi orðið fyrir tjóni.
Málatilbúnaðurinn brýtur því í bága
við almenna réttarfarsreglu.
Allt þetta dregur úr þeirri virðingu
sem Hæstarétti ber. Vonandi eykst
dómgreindin þar innan veggja með
tíð og tíma.
Dómstóll fólksins eða flokksins
Kjallari
Jóhann
Hauksson