Dagblaðið Vísir - DV - 09.02.2011, Page 24
24 | Sport 9. febrúar 2011 Miðvikudagur
Toure varar United við
n Varnarmaðurinn Kolo Toure hef-
ur kynt undir stuðningsmönn-
um Manchester United fyrir slag
Manchester-lið-
anna í ensku
úrvalsdeildinni
um næstu helgi.
Hann varar Un-
ited-menn við
að fyrsta tap liðs-
ins á tímabil-
inu um síðustu
helgi gæti verið
upphafið að lægð. „Það verður allt
erfiðara þegar þú ert taplaus og tap-
ar svo loks. Sjálfstraust manna fer í
hnút. Kannski gerist það hjá þeim.
Þetta var sárt tap,“ segir Toure sem
þekkir það frá tíma sínum með Ars-
enal hversu erfitt það er að jafna sig
eftir tapleik þegar allt hefur leikið í
lyndi svo lengi.
Adam ekki að
spá í peninga
n Charlie Adam fyrirliði Blackpool
segir að meiri peningar hafi ekki
verið ástæðan fyrir því að hann ósk-
aði eftir að fara
frá nýliðunum í
janúar. Honum
stóð til boða að
semja við Liver-
pool og Totten-
ham og færa sig
upp um nokkur
þrep hvað laun
varðar. „Kannski
hefði ég fengið miklu meiri peninga
en ef þú ert alvöruknattspyrnumað-
ur þá ertu í þessu til að spila fót-
bolta. Fyrir mér snýst þetta allt um
að spila fótbolta hjá stóru liði.“ Búist
er við að Adam fari frá Blackpool í
sumar.
Malouda dreymir
um Brasilíu
n Franska kantmanninn Florent
Malouda dreymir um að ljúka ferli
sínum í Brasilíu þegar ferli hans
hjá Chelsea lýk-
ur. Hann segir
í samtali við Le
Parisien að hann
hafi dreymt um
það í æsku að
leika með bras-
ilíska landslið-
inu. Malouda
er fæddur í
Frönsku Gvæjana í S-Ameríku sem
á landamæri að Brasilíu. Menning-
in þar er mjög brasilísk og eigin-
kona Malouda er þaðan. „Það yrði
frábært að leika með Flamengo eða
Vasco da Gama.“ Malouda ætlar að
reyna að komast í HM-hóp Frakka
fyrir HM 2014.
Silva bestu kaupin
n Carlos Tevez fyrirliði Manchester
City segir að bestu kaup félagsins
hafi verið að fá David Silva til liðsins.
City hefur eytt
gríðarlegum fjár-
hæðum í að setja
saman meistara-
lið og Silva kost-
aði félagið 24
milljónir punda.
Þrátt fyrir að
hafa aðeins skor-
að eitt mark þá
lítur Tevez á hann sem mikilvægan
leikmann. „Hann er leikmaður sem
getur unnið leiki. Hann getur gefið
sendingar sem sprengja upp varnir
og koma framherjunum í marktæki-
færi. Hann hressti upp á liðið og er
einn besti leikmaður okkar.“
Molar
Danski framherjinn hjá Arsenal Nicklas
Bendtner hefur lengi þótt yfirlýsinga-
glaður. Ef hann sjálfur er ekki að tala
um sitt eigið ágæti í fjölmiðlum þá eru
það hans nánustu fjölskyldumeðlimir
eða ættingjar. Nú kann að vera komin
skýring á því gríðarlega mikla áliti sem
Daninn virðist hafa á sjálfum sér. Egóið
hans á sér engin takmörk.
Það er í það minnsta niðurstaða
Jacques Crevoisier, íþróttasálfræðings
Arsenal, sem hefur nú ljóstrað því upp
að framherjinn sprengi alla skala í vís-
indalegum mælingum á sjálfstrausti.
Trú Bendtners á sjálfum sér er eiginlega
komin yfir í hreinan hroka.
Arsene Wenger, knattspyrnustjóri
Arsenal, er eins og flestir vita mik-
ill hugsuður þegar kemur að knatt-
spyrnu. Félagið lítur því ekki aðeins til
knattspyrnuhæfileika manna heldur
er stuðst við sálfræðipróf til að meta
andlegan og sálrænan styrk þeirra líka
þegar kemur að knattspyrnuiðkun. Og
Bendtner er það sér á báti.
„Einn hluti prófsins er að menn
leggja mat á eigin hæfileika,“ segir Cre-
voisier í samtali við sænska blaðið
Offside. „Á skala sem nær upp í 9 fékk
Bendtner 10! Við höfum aldrei séð ann-
að eins. Pat Rice [aðstoðarstjóri Arsen-
al] sat við hliðina á mér þegar við reikn-
uðum þetta út og hann gat ekki hætt að
hlæja.“
Sálfræðingurinn skeleggi segir að
þegar Bendtner klúðri marktækifæri sé
hann gjörsamlega sannfærður um að
það hafi ekki verið honum að kenna.
Prófið samanstendur af 117 spurn-
ingum sem hannaðar eru til að mæla
sjálfstraust leikmanna, einbeitingu og
ákveðni og er Crevoisier sérfræðingur í
þessum mælingum.
mikael@dv.is
Ef framherjinn klúðrar færi er það aldrei honum að kenna:
Egó Bendtners sprengir alla skala
Ásgeir Sigurgeirsson skotíþróttamað-
ur úr Skotfélagi Reykjavíkur er ný-
kominn heim frá Haag í Hollandi þar
sem hann vann til tvennra silfurverð-
launa á alþjóðlega loftbyssumótinu
Inter-Shoot. Ásgeir á Íslandsmetið
í greininni en hann stefnir ótrauð-
ur á Ólympíuleikana í London árið
2012. Þjálfari Ásgeirs er Svíinn Ragn-
ar Skanåger sem er ein reynslumesta
skytta heims í greininni og hefur unn-
ið til verðlauna á öllum helstu stór-
mótum.
„Þetta voru þrjú mót á þrem-
ur dögum og ég náði silfri á fyrstu
tveimur mótunum en sjötta sæti á því
þriðja. Ekki alveg nógu sáttur við það,“
segir Ásgeir sem hefur verið að klífa
upp heimslistann í greininni. „Í minni
grein voru um 60 keppendur svo að
ég er á heildina litið nokkuð sáttur,“
segir Ásgeir en hann hugsaði þessi
mót sem undirbúning fyrir komandi
stórmót. Á þeim mótum mun Ásgeir
reyna að klífa heimslistann enn frekar
en hann er nú í fimmtugasta sæti en
þarf að komast í það þrítugasta til að
ná inn á leikana.
120 tímar í æfingar
Skotfimi er vinsæl íþróttagrein um
allan heim en fær ekki mikla athygli
í fjölmiðlum hér á landi. Ásgeir segir
þó aðstæður hérna vera nokkuð góð-
ar en hann æfir fjórar til fimm klukku-
stundir á dag í Egilshöll. „Ég æfi sex
sinnum í viku og yfirleitt um fjóra til
fimm tíma í einu. Þetta eru svona í
kringum 25 til 30 tímar á viku,“ seg-
ir Ásgeir en það eru um 100 til 120
klukkustundir sem fara í æfingar á
mánuði hverjum. Það er óhætt að
segja að það skorti ekki metnaðinn
hjá þessari ungu skyttu en Ásgeir er
fæddur árið 1985. „Ég er að skjóta 130
skotum á hverri æfingu,“ heldur hann
áfram en það gerir 3.120 skot á mán-
uði.
En hvernig fer keppni í greininni
fram? „Það er skotið 60 skotum af
tíu metra færi og maður fær mest tíu
stig fyrir að hitta í miðjuna. Það er
því mest hægt að fá 600 stig,“ en Ís-
landsmet Ásgeirs í greininni eru 586
stig. „582 stig nægja yfirleitt inn í átta
manna úrslit á svona mótum og því er
alveg raunhæft markmið að komast á
Ólympíuleikana,“ segir Ásgeir og bæt-
ir við að góður árangur á einu móti
geti jafnvel nægt.
Ekki með veiðileyfi
Þjálfari Ásgeirs er Svíinn Ragnar
Skanåger en hann er gríðarlega
reynslumikil skytta og hefur unnið
til verðlauna á Ólympíuleikum sem
og heims- og Evrópumeistaramóti.
„Hann hefur hjálpað mér alveg gríð-
arlega mikið og á eftir að hjálpa mér
enn meira.“ Ásgeir hefur verið að
prófa sig áfram í nýrri grein eða skot-
fimi með 22 kalibera skammbyssu þar
sem skotið er af 50 metra færi: „Það
hefur bara gengið vel ég er strax kom-
inn á heimslistann þar.“ Ragnar ætti
að nýtast Ásgeiri vel í þeirri grein þar
sem hún var hans sterkasta. Ásgeir
lætur það ekki aftra sér þótt þjálfarinn
sé búsettur í Svíþjóð. „Hann flýgur
stundum hingað til mín og ég fer líka
út til hans í æfingabúðir.“
Þrátt fyrir mikla fimi Ásgeirs með
byssu hefur áhuginn ekkert smit-
ast yfir í veiðina. „Ég hef bara engan
áhuga á því. Ég er ekki einu sinni með
veiðileyfi.“
Ásgeir Jónsson
blaðamaður skrifar asgeir@dv.is
n Ásgeir Sigurgeirsson vann tvenn verðlaun á Inter-Shoot n Æfir 25 til 30 tíma á
viku og stefnir á ólympíuleika n Þjálfaður af ólympíu-, heims- og Evrópumeistara
Tvö silfur í farteskinu
Ásgeir Sigurgeirsson Æfir 100 til 120 tíma á mánuði.Ásgeir og Ragnar Ferðast á milli landa fyrir æfingar.
Karlinn getur ekki klikkað Bendtner trúir því að það sé öllum öðrum að kenna en
honum sjálfum þegar hann klúðrar færi. MYND REUTERS