Dagblaðið Vísir - DV - 21.02.2011, Blaðsíða 14

Frábært framtak
n Lofið að þessu sinni fær Fjallkonu-
bakaríið á Laugaveginum. „Mér
finnst þetta frábært framtak,“ segir
móðir tveggja ára ærslafulls drengs.
„Þetta er einstaklega góður staður
fyrir foreldra sem vilja setjast inn
á kaffihús með börnin sín án þess
að þurfa að hugsa um hvort
börnin trufli aðra kaffihús-
gesti. Þar er gott að setjast
inn, þjónustan er sérstak-
lega góð og vinaleg og
ekki skemmir að þar er
boðið upp á góðan og
hollan barnamat,“ segir
móðirin.
Innköllun
á graflaxi
Eðalfiskur hefur tilkynnt að
fyrirtækið hafi ákveðið að stöðva
sölu og innkalla Reykás grafinn lax
en þetta kemur fram á heimasíðu
Matvælastofnunar. Innköllunin
mun vera vegna gruns um mengun
af völdum bakteríunnar Listeria
moncytogenes en bakterían getur
valdið sýkingum hjá áhættuhópum
sem eru barnshafandi konur og
einstaklingar með skert ónæmis-
kerfi. Innköllun vörunnar nær
eingöngu til dagsetningarinnar „best
fyrir 16.02.11“ en neytendur sem hafa
slíka vöru í fórum sínum eru beðnir
að skila henni með því að hafa
samband við Eðalfisk. Varan er ekki
lengur á markaði.
Eitt teppi í stað
tveggja
n Lastið fær búðin Móðurást en
óánægð móðir keypti Carters-bóm-
ullarteppi þar á 2.490 krónur um
daginn. „Þegar ég kom heim og ætl-
aði að þvo teppið sá ég á miðanum
að þar stóð „two pieces“ en ég var
bara með einn. Ég ákvað þá að kíkja
inn á carters.com og fann tepp-
ið sem ég keypti og sá að erlendis
kaupir maður tvö teppi í
einum pakka á um það
bil 1.100 krónur. Svo
virðist sem Móðurást
kaupi þetta á slikk úti
og taki pakkninguna í
sundur og selji í tvennu
lagi með brjálaðri álagn-
ingu,“ segir hún að lokum.
SENDIÐ LOF EÐA LAST Á NEYTENDUR@DV.IS
LOF&LAST
Skíðaganga góð fjölskylduíþrótt Skíðaganga er
hin besta hreyfing sem krefst útiveru. Hún er tilvalin fjölskylduíþrótt þar
sem flestir eiga auðvelt með að stunda hana. Þegar líða tekur á vetur og sól
hækkar á lofti er enn víða snjór á láglendi og tilvalið fyrir fjölskylduna að fara
á gönguskíði. Kosturinn við íþróttina er að auðvelt er að ná tökum á henni og
hver getur stundað hana á sínum hraða. Á heimasíðu Heilsubankans segir að
vissulega sé ákveðinn stofnkostnaður við að kaupa sér útbúnaðinn en hann
úreldist seint. Þar er einnig bent á að vorin séu oft besti tíminn til að fjárfesta í
slíkum búnaði þar sem oft séu tilboð og útsölur á skíðabúnaði þá.
14 | Neytendur Umsjón: Gunnhildur Steinarsdóttir gunnhildur@dv.is 21. febrúar 2011 Mánudagur
E
ld
sn
ey
ti Verð á lítra 218,4 kr. Verð á lítra 224,3 kr.
Bensín Dísilolía
Verð á lítra 218,1 kr. Verð á lítra 223,9 kr.
Verð á lítra 219,9 kr. Verð á lítra 224,4 kr.
Verð á lítra 218,0 kr. Verð á lítra 223,8 kr.
Verð á lítra 218,1 kr. Verð á lítra 223,9 kr.
Verð á lítra 218,4 kr. Verð á lítra 224,3 kr.
Algengt verð
Almennt verð
Algengt verð
Akureyri
Melabraut
Algengt verð
„Við hjónin höfðum ákveðið að kaupa
nýjan bíl og fundum einn sem var á
lánum hjá Lýsingu. Við ætluðum að
yfirtaka lán upp á um það bil 700.000
krónur en borga út 500.000 krónur. Þeg-
ar ganga átti frá þessu hafnaði Lýsing hf.
kennitölu konu minnar sem við skiljum
ekki þar sem við erum alveg hrein og
bein og með öll okkar fjármál á hreinu,“
segir Kristmundur Anton Jónsson. Lýs-
ing hf. vill ekki gefa honum skýringu á
höfnuninni og hefur fyrirtækið hvorki
svarað símtölum né tölvupóstum DV
með fyrirspurnum um málið.
Fann að honum leið illa
Hann undrast að hafa fengið höfnun
og finnst enn verra að fá ekki skýringu
á henni. Starfsmaður Lýsingar gat ein-
ungis gefið þeim þær upplýsingar að
þeim væri hafnað en sagði að það væru
verklagsreglur hjá Lýsingu hf. að gefa
ekki upp ástæðuna. „Hann var eins og
vélmenni þegar hann endurtók alltaf
að þetta væru verklagsreglur Lýsingar.
Ég fann þó á honum að honum leið
illa út af þessu,“ bætir hann við. Krist-
mundur útskýrir að hann og kona hans
séu með öll sín fjármál á hreinu. Þau
séu með húsnæðislán upp á 18.000.000
krónur, eigi skuldlausan bíl og skuld-
laust fyrirtæki. „Við erum ekki einu
sinni með yfirdrátt,“ segir hann. Þau séu
fjölskyldufólk sem reki skuldlaust fyrir-
tæki en konan hans er einnig kennari í
fæðingarorlofi.
Verklagsreglur Lýsingar hf.
Hann segir að það sem reitt hafi hann
til reiði hafi verið að þau fengu ekki
sömu svör og seljandinn. „Við okkur
var sagt að þetta væru verklagsreglur
og ekkert gefið upp. Þegar þau töluðu
við seljandann töluðu þau um okkur
eins og við værum lélegur pappír,“ seg-
ir Kristmundur. Hann hafi talið að það
væri hans réttur að fá að vita ástæðu
höfnunarinnar en segist munu fjár-
magna þennan bíl á annan hátt. Lýsing
hf. muni missa viðskiptin við hann og
hann skilji ekki að það skipti máli hvort
það sé hann eða Hrannar, seljandi bíls-
ins, sem greiði mánaðargreiðslur. Hann
segist hafa lent í því sama í fyrra þegar
hann hugðist selja bíl sem var á lánum
hjá SP fjármögnun en þeir hafi stopp-
að þrjár sölur. „Kaupendurnir þrír voru
fjársterkir aðilar sem var öllum neit-
að. Þá fékk ég sömu loðnu svörin og
þeir hummuðu þetta fram af sér,“ segir
Kristmundur að lokum.
Hélt sjó
„Það eru einhver æðri máttarvöld sem
vilja stoppa þetta,“ segir Hrannar Björn
Friðbjörnsson, seljandi bílsins. Hann
segist hafa verið með bílálán hjá Lýs-
ingu hf. síðan 2006 og hafa haldið sjó
í gegnum erfiðleikana síðustu árin.
Hann hafi ákveðið að reyna að halda
áfram að greiða þrátt fyrir að mánað-
argreiðslur hafi farið úr rúmum 20.000
krónum í ríflega 60.000 krónur. „Ég
lenti stundum í því að geta ekki greitt
og skuldaði kannski tvær greiðslur en
ég hélt alltaf sjó. Ég samdi við þá og
greiddi mínar skuldir með vöxtum. Svo
þegar maður ætlar að losa sig frá þessu
tjóni gefa þeir ekki einu sinni skýringu
á þessu. Þetta fær maður frá þeim þeg-
ar maður reynir að skilja við þá,“ segir
hann.
Orðlaus yfir vinnubrögðunum
Hann segist fá það á tilfinninguna að
fyrirtækið hafi reynt að eyðileggja söl-
una fyrir honum til þess að halda hon-
um inni. Það sé þó óskiljanlegt þar sem
Lýsing myndi ekki tapa neinum pen-
ingum þótt hann hætti viðskiptum við
fyrirtækið. „Hvaða hagsmunir eru fyrir
þá að þessi skipti okkar fari ekki í gegn?
Þessi hjón eru með allt sitt á hreinu svo
ég skil ekki að það skipti máli hver borg-
ar þessar reikninga, ég eða þau. Svo
skýla þjónustufulltrúar Lýsingar hf. sér
bara á bak við verklagsreglur. Ég er gjör-
samlega orðlaus yfir þessum vinnu-
brögðum,“ bætir Hrannar við. Hann
segir hvorki stjórnvöld né eftirlitsaðila
gera neitt og fyrirtækin fái bara að halda
áfram. „Ég hefði bara viljað sjá þessi fé-
lög sett á hausinn og frekar borga ríkinu
það sem ég skulda. Peningurinn er þó
minnsta málið hjá mér, það er fram-
koma þessara aðila.“
Skili sér fyrir aðra í sömu stöðu
Hafa Hrannar og Kristmundur ákveð-
ið að fara aðra leið að sölunni. Krist-
mundur mun fjármagna kaupin á
annan hátt og lánið hjá Lýsingu verð-
ur greitt upp. Þeir segjast hafa ákveðið
að fara með þetta í blöðin í von um að
það komi öðrum í sömu stöðu til góða.
Þeir vona að þetta muni leysa einhverja
hnúta. Þegar þeir tilkynntu starfsmanni
Lýsingar að þeir myndu hafa samband
við fjölmiðla var svarið: „Já, þið getið
gert það, við svörum ekki fjölmiðlum.“
Hrannar segir að það myndi nú heyr-
ast annað hljóð í Lýsingarfólki ef hann
myndi hringja og tilkynna þeim að
hann væri með sínar eigin leikreglur.
Að hann myndi greiða þegar honum
hentaði. „Það er ekki gott hvernig menn
haga sér. Ef það er þetta sem á að bjóða
almenningi upp á endar með því að hér
verður þjóðarhreinsun.“
Ekki við þjónustufull-
trúann að sakast
Kristmundi og Hrannari þótti undar-
legt að þjónustufulltrúi Lýsingar hefði
sagt við hjónin að það væri ekki þeirra
þjóðfélagslegi réttur að taka lán. Þeir
voru þó sammála því að ekki væri við
þjónustufulltrúann að sakast. „Þessi
grey sem vinna þarna vita að það er
enga aðra vinnu að fá. Þau þora örugg-
lega ekki að segja neitt jafnvel þó þau
viti að þetta sé rangt, af hræðslu við að
missa vinnuna,“ segja þeir að lokum.
Mega hafna yfirtökunni
„Ég held að það sé ekki til nein laga-
skylda sem hvílir á þeim við að upplýsa
um ákvarðanir þeirra. Ef þeir neita fólki
um yfirtöku þá hafa þeir í raun fullan
rétt til þess,“ segir Guðmundur Andri
Skúlason, talsmaður Samtaka lánþega,
aðspurður um mál Lýsingar. „Ég hef
grun um að Lýsing sé á hausnum og
vegna þess að þeir eiga enga peninga
reyna þeir að þvinga fram uppgjör eins
og mögulegt er. Þeir vilja ekki fram-
lengja lánin og er það líklega ástæðan
fyrir því að þeir vilja ekki að fólk yfirtaki
lán, segir hann og bætir við að Lýsing
starfi á undanþágu frá Fjármálaeftirlit-
inu.
Fyrirtækið nær sínu fram
Guðmundur Andri segir þetta kúgun-
arform hjá Lýsingu þar sem það sé hag-
stæðara fyrir fyrirtækið að lánið sé gert
upp. „Þegar eldri lántakinn gefst upp
og getur ekki borgað, þá geta þeir hirt
bílinn og náð sér í pening. Ef kaupandi
og seljandi ákveða hins vegar að láta
kaupin ganga í gegn og fjármagna þetta
á annan hátt er lánið gert upp hjá Lýs-
ingu og fyrirtækið hefur náð sínu fram.
Þannig virkar þetta,“ segir hann.
n Áhugasamur kaupandi bíls fékk höfnun á yfirtöku hjá Lýsingu hf. n Fyrirtæk-
ið gefur ekki upp ástæðu höfnunarinnar n Seljandi og kaupandi undrast vinnu-
brögð fyrirtækisins n Þeir vona að umfjöllun komi öðrum í sömu stöðu til góða
VAR NEITAÐ UM
YFIRTÖKU LÁNS
Gunnhildur Steinarsdóttir
blaðamaður skrifar gunnhildur@dv.is
Hrannar Björn Friðbjörnsson og
Kristmundur Anton Jónasson Krist-
mundur mátti ekki yfirtaka lán Hrannars.
Guðmundur Andri Skúlason
Tals maður Samtaka lánþega segir þetta
kúgunarform hjá Lýsingu þar sem það sé
hagstæðara fyrir fyrirtækið að lánið sé gert
upp. MYND HEIÐA HELGADÓTTIR