Dagblaðið Vísir - DV - 14.03.2011, Blaðsíða 17

Snyrtistofur lagi verðmerkingar Neytendastofa gerði könnun á verð-
merkingum á snyrtistofum á höfuðborgarsvæðinu í janúar og febrúar. Könnun sem þessi hefur ekki
verið gerð áður en farið var á 54 snyrtistofur. Skoðað var hvort verðskrá yfir þjónustu væri sýnileg
og hvort söluvörur væru merktar á skýran og greinilegan hátt eins og lög gera ráð fyrir. Einungis 35
þeirra voru með verðskrá sýnilega og verðmerkingar voru litlu skárri en á 31 stofu voru þær ekki sem
skyldi. Algengt er að það gleymist að verðmerkja snyrtivörustanda og sýnishorn, en að sjálfsögðu
verða allar vörur sem stillt er upp að vera verðmerktar og eiga viðskiptavinir ekki að þurfa að spyrja
um verð. Á heimasíðu Neytendastofu segir að ekki hafi verið vanþörf á þessari könnun því ljóst sé að
eigendur snyrtistofa þurfi að kippa verðmerkingum í lag. Alls fengu 37 snyrtistofur áminningu.
Skrúbb með eplaediki Það er alltaf gaman að heyra um náttúrulegar
aðferðir við umhirðu húðar og sér í lagi þegar þær spara manni pening sem annars færi í
rándýrar snyrtivörur. Á nattura.is má finna uppskrift að andlitsskrúbb. Þar segir að fyrst
eigi að þvo andlitið með mildri hreinsimjók, setja síðan þvottapoka í heitt vatn og leggja
hann síðan laust á andlitið í eina til tvær mínútur. Bómullarservíetta er sett í volgt vatn
með tveimur til þremur teskeiðum af eplaediki. Leggja skal servíettuna á andlitið og heita
þvottapokann yfir klútinn á andlitinu. Þetta er svo látið vera á í fimm mínútur og þá skolað
af með heitu vatni. Því næst skal nudda andlitið vel með þvottapokanum. Með þessu
losna dauðar húðfrumur og húðin fer aftur að ljóma. Endurtaka skal þetta vikulega.
Mikill verðmunur
hjá apótekum
ASÍ gerði verðkönnun á ýmsum
vörum sem seldar eru í apótekum
víðs vegar á landinu 7. mars en
Ólafsvíkurapótek neitaði að
taka þátt í könnuninni. Var verð
kannað á vörum svo sem hreinsi-
og snyrtivörum, smokkum og
fæðubótarefnum. Lægsta verðið
var oftast að finna í Rima apóteki
Langarima, í 7 tilvikum af 31. Hæsta
verðið var oftast í Lyfjum og heilsu, í
6 tilvikum af 31. Almennt var mikill
verðmunur á milli apótekanna,
oftast um eða yfir 20%. Á heimasíðu
ASÍ má sjá verðmun á hinum ýmsu
vörum en þar segir einnig að um
beinan verðsamanburð sé að ræða
en ekki hafi verið lagt mat á gæði eða
þjónustu söluaðila.
Rafsegulóþol
Það eru kannski fáir sem vita að
hægt er að fá ofnæmi fyrir rafmagni.
Fyrirbærið er kallað rafsegulóþol
og er sennilega algengara en halda
mætti. Um þetta er rætt á maður-
lifandi.is. Þar segir að í Svíþjóð hafi
rafsegulóþol lengi verið í umræð-
unni. Einkenni óþolsins geta verið
höfuðverkur, sviði og doði í húð,
síþreyta, verkir í vöðvum og liðamót-
um, suð í eyrum, pirringur í augum,
truflað jafnvægisskyn, ógleði,
verkir fyrir brjósti, andþrengsli og
hjartsláttartruflanir svo eitthvað sé
nefnt. Það þarf þó langtímaviðverðu
í rafmenguðu umhverfi til að fá þetta
ofnæmi en þó skal hafa í huga að
rafsegulsvið getur verið talsvert án
þess að við höfum hugmynd um.
Á síðunni segir einnig að fyrirbæri
eins og flökkustraumar geti legið
í járnabindingu veggja og valdið
umtalsverðu rafsegulsviði án þess að
nokkur geri sér grein fyrir því. Einnig
geti rafmagnskaplar legið í veggjum
herbergja og valdið umtalsverðu
rafsegulsviði. 
Ógleði og ónot
Ónot í maga og ógleði er hvimleiður
fylgifiskur ferðalaga hjá mörgum en
fólk er misviðkvæmt fyrir flugi, bíl-
ferðum og siglingum. Á heilsubank-
inn.is eru gefin góð ráð við þessu
en þar segir að gott ráð sé að skera
fleyg af sítrónu og sjúga, til að draga
úr ógleði vegna bíl- og sjóveiki. Hins
vegar þurfi að passa vel upp á að
þrífa tennur vel á eftir, þar sem að
sítrónusafinn hefur slæm áhrif á
glerung tannanna. Eins er mælt með
að setja tvær teskeiðar af eplaediki
í bolla af vatni og drekka varlega en
eplaedik ver líkamann gegn matar-
eitrun.
Neytendur | 17Mánudagur 14. mars 2011
Orkusetur bendir á hvernig minnka má eldsneytiskostnað:
Einföld ráð til sparnaðar
Eldsneytisverð hækkar nær dag-
lega og mikilvægt fyrir neytend-
ur að huga að því hvernig hægt sé
að takmarka eldsneytisnotkun. Á
heimasíðu Orksetursins eru nokk-
ur ráð um hvað hægt sé að gera til
að koma í veg fyrir meiri eldsneytis-
eyðslu en nauðsyn krefur.
Til að byrja með er mikilvægt
að hafa ávallt réttan loftþrýsting í
dekkjum. Of lítill loftþrýstingur eyk-
ur viðnám og getur aukið eldsneyt-
iseyðsluna um allt að 6 prósent. Ef
loftþrýstingur er ójafn í dekkjum
getur ending dekkja minnkað um
allt að 10 prósent. Ef aðeins eitt
dekk hefur of lítinn þrýsting get-
ur ending hjólbarðans minnkað
um allt að 10.000 kílómetra akstur
auk þess sem hemlunarvegalengd
eykst. Athuga skal loftþrýsting að
minnsta kosti mánaðarlega.
Illa stillt vél eykur eyðsluna en
vanstillt vél getur notað allt að 50
prósent meira eldsneyti og mengað
í samræmi við það.
Óhrein eða stífluð loftsía getur
aukið eyðslu um allt að 10 prósent.
Bifreiðar þurfa hreint og gott loft til
brennslu ekki síður en við sjálf.
Óþarfa þyngd eykur eldsneytis-
notkun. Það gildir sama um bifreið-
ar og okkur mannfólkið, aukin byrði
veldur meiri áreynslu. Því er gott
að losa farþega- og farangursrým-
ið við óþarfa dót. 50 kíló geta aukið
eldsneytiseyðsluna um 2 prósent.
Það er líka góð hugmynd að fjar-
lægja hluti eins og aukafarangurs-
geymslu á toppnum og toppgrindur
sem ekki eru í notkun. Minni loft-
mótstaða því minni eyðsla. Topp-
grindur og aukafarangursgeymsla
á toppnum auka loftmótstöðu, því
er mikilvægt að fjarlæga slíkt eft-
ir notkun. Tóm farangursgeymsla
á toppi bifreiðar skilar engu nema
auknum rekstrarkostnaði.
Hin minnnsta mótstaða skiptir
máli og jafnvel fuglaskítur á bifreið
getur raunverulega aukið eyðslu
um brotabrot. Bíllinn smýgur betur
í gegnum loftið ef hann er hreinn og
gljáandi, skítugur bíll getur eytt allt
að 7 prósent meira eldsneyti.
gunnhildur@dv.is
Staðið við dæluna Bifreiðareig-
endur eyða sífellt meiri peningum
í bensín og bensínverð hækkar
stöðugt.
Ef þú ert áskrifandi að Skjá Einum og
lokað er á útsendingar stöðvarinnar
vegna ógreiddra reikninga máttu bú-
ast við því að greiða svokallað lokun-
argjald viljir þú halda áskrift áfram.
Sama gjald er tekið hjá Símanum ef
lokað hefur verið á símann hjá þér.
Gjaldið er 950 krónur sem ansi hátt
hlutfall af mánaðargjaldi áskriftar hjá
Skjá 1 sem er 2.900 krónur.
„Okurvextir“
„Ég gleymdi að borga af Skjá Einum og
það var lokað á mig, sem er kannski
ekki í frásögur færandi. Ég fór hins
vegar sama dag í verslun Símans til
að láta opna fyrir Skjá Einn aftur. Ég
ætlaði að borga mánaðargjaldið sem
er 2.900 krónur en var þá sagt að ég
þyrfti að borga lokunargjald sem er
950 krónur. Þetta gjald er um það bil
33 prósent af áskriftinni og mér finn-
ast það okurvextir sem þeir bæta ofan
á,“ segir viðskiptavinur Skjás Eins sem
vill ekki láta nafns síns getið.
Tekið fram í skilmálum
Margrét Stefánsdóttir, upplýsingafull-
trúi Símans, segir að skýringin á þessu
sé sú að ef viðskiptavinur er í vanskil-
um og lokað hefur verið á þjónustu
sem hann vill láta opna aftur kosti það
950 krónur á reikninginn, sem fór í
vanskil. Um sé að ræða áfallinn kostn-
að við það að opna þjónustu aftur.
Hún segir þetta í rauninni umsýslu-
gjald þar sem vanskil viðskiptavina
kosti Símann pening í formi vinnu
starfsfólks við símtöl og þeirrar um-
sýslu sem þarf til að loka og opna aft-
ur fyrir áskrift. Hún bendir á ef reikn-
ingur er ekki greiddur verði hann að
skuld og fari í eðlilegt innheimtuferli.
Ætli viðskiptavinur ekki að fá þjónust-
una opnaða aftur þá þarf hann ekki að
greiða þessar 950 krónur. Hins vegar
bætast dráttarvextir ofan á eins og við
hverja aðra skuldakröfu. Aðspurð af
hverju þetta sé ekki í þeim skilmálum
sem birtir eru á heimasíðu Skjás Eins
segir hún að sjónvarpsstöðin sé undir
móðurfélaginu Skiptum. Áskriftin sé
í gegnum Símann og viðskiptavinum
ætti að vera þetta ljóst þar sem þessi
kostnaður sé tekinn fram í þeirra skil-
málum.
Ekki heyrt slíkar kvartanir áður
Ingibjörg Magnúsdóttir, starfsmaður
kvörtunar- og leiðbeiningaþjónustu
Neytendasamtakanna, segir að slíkar
kvartanir varðandi Skjá Einn hafi ekki
komið inn á þeirra borð áður. „Við höf-
um ekki heyrt að það sé lokunargjald
hjá þeim en þetta er væntanlega vegna
þess að það er Síminn sem sér um
þetta. Þar er rukkað um lokunargjald,“
segir hún og bætir við að kostnaður-
inn sé afar hátt hlutfall af mánaðar-
áskriftinni. „Þetta er löglegt en okk-
ur finnst það siðlaust ef þetta er gjald
sem er tekið einungis fyrir að opna fyr-
ir þjónustuna aftur. Ef þetta er tilfellið
þá verða þeir að upplýsa viðskiptavini
um gjaldið, annað hvort á heimasíðu
fyrirtækisins eða að upplýsa um það
þegar fólk gerist áskrifendur.“
n Neytendur eru hvattir til þess að kynna sér skilmála þeirra samninga sem þeir skrifa
undir n Greiða þarf 950 krónur ef lokað hefur verið fyrir áskrift að Skjá Einum
n Löglegt að innheimta þennan aukakostnað samkvæmt Neytendasamtökunum
LOKUNARGJALD HÁTT
HLUTFALL ÁSKRIFTAR
„Ég ætlaði að borga
mánaðargjaldið
sem er 2.900 krónur en
var þá sagt að ég þyrfti að
borga lokunargjald sem er
950 krónur.
Gunnhildur Steinarsdóttir
blaðamaður skrifar gunnhildur@dv.is
Skjár Einn Sjónvarpsstöðin rukkar
fyrir lokunargjald hafi verið lokað
fyrir dagskrána. MYND STEFÁN KARLSSON
Margrét Stefánsdóttir Upplýsingafull-
túi Símans segir gjaldið vera tilkomið vegna
umsýslu við að opna og loka fyrir áskrift.