Dagblaðið Vísir - DV - 06.06.2011, Blaðsíða 10

10 | Fréttir 6. júní 2011 Mánudagur
Allt á einum stað!
Bílaverkstæði | Dekkjaverkstæði | Smurstöð | Varahlutir
Þú færð fría olíusíu ef þú lætur
smyrja bílinn hjá okkur
Komdu með bílinn til okkar og
þú færð fría ástandsskoðun
Útlendingastofnun segir ástæð-
ur þess að hælisleitandinn Mousa
Sharif Al Jaradat hafi flúið frá Pal-
estínu ekki hafa verið til skoðunar
hjá stofnuninni. Því skipta upptök-
ur hans af líflátshótunum litlu máli.
Mousa reyndi að fremja sjálfsvíg á
Gistiheimilinu Fit fyrir rúmri viku.
Umsókn þessa 25 ára manns um
hæli hér á landi hefur verið hafnað á
grundvelli Dyflinnarreglugerðarinn-
ar sem kveður á um að mál hælisleit-
enda skuli tekin fyrir í því landi Evr-
ópu sem þeir koma fyrst til.
Mousa dvaldi að eigin sögn hjá
frænda sínum í Noregi um fjögurra
mánaða skeið áður en hann hélt til
Jórdaníu, þar sem hann segist hafa
dvalið í um þrjá mánuði áður en
hann kom til Íslands. Útlendinga-
stofnun telur ekki trúverðugt að
Mousa hafi verið í Jórdaníu áður en
hann kom til Íslands. Hljóðupptök-
ur og önnur gögn sem hann sendi
stofnuninni hafa ekki verið til skoð-
unar.
Vísa ábyrgð til Noregs
Á meðal þeirra gagna sem Útlend-
ingastofnun fékk í hendur var leigu-
samningur Mousa frá Jórdaníu og
vottorð frá vinnuveitanda hans þar
í landi, því til staðfestingar að hann
hafi verið í Jórdaníu á umræddu
tímabili. Í svörum Útlendingastofn-
unar við fyrirspurn DV kemur fram
að stofnunin telji gögnin ekki sönn-
un á því að Mousa hafi dvalið í Jórd-
aníu þegar fyrir lágu upplýsingar um
það hvenær hann hefði horfið frá
Noregi.
Í skriflegu svari Þorsteins Gunn-
arssonar, forstöðumanns hælissviðs
Útlendingastofnunar, kemur fram
að Útlendingastofnun taki ekki af-
stöðu til þess hvort Mousa sé flótta-
maður í skilningi íslenskra laga eða
viðeigandi alþjóðlegra mannrétt-
indasamninga, þar sem mál hans
hafi verið afgreitt á grundvelli Dyfl-
innarreglugerðarinnar. Mat stofn-
unarinnar er að gögnin sem Mousa
framvísaði séu ekki sönnun þess að
hann hafi verið í Jórdaníu. Þá segir
að Mousa hafi ekki kannast við að
hafa sótt um hæli í Noregi þrátt fyr-
ir að norsk yfirvöld haldi öðru fram.
Gögn höfðu ekki áhrif
Fleiri gögn sem Mousa færði Út-
lendingastofnun og DV hefur undir
höndum eru vottorð frá heilbrigðis-
stofnunum í Palestínu þar sem fram
kemur að hann hafi misst augað í
sprengingu Ísraelshers og að hann
sé ofsóttur af hernum. Þá færði
hann stofnuninni einnig hljóðupp-
tökur af líflátshótunum í hans garð
sem hann segir koma frá meðlimi
ísraelsku leyniþjónustunnar. DV lét
þýða hljóðupptökurnar sem voru
upprunalega á hebresku en þar seg-
ir maður sem kallar sig Doden hers-
höfðingja meðal annars: „Ef þú verð-
ur með eitthvert vesen aftur þá drep
ég þig á staðnum.“
„Samkvæmt umsækjanda sjálfum
er það ísraelska leyniþjónustan sem
vill hann feigan. Þau gögn sem um-
sækjandi lagði fram um þetta voru
ekki talin hafa áhrif á það hvort hann
yrði endursendur til Noregs eður ei.
Í Noregi á umsækjandinn aðgang að
kerfi sem fer yfir hælisumsókn hans
í samræmi við alla alþjóðlega mann-
réttindasamninga og sé umsækjandi
í raunverulegri hættu þar í landi þá
eru norsk yfirvöld fullfær um að veita
honum viðeigandi vernd þar í landi,“
segir í svari Útlendingastofnunar við
fyrirspurnum DV.
Erfið sönnunarbyrði
Í svarinu kemur enn fremur fram að
í þeim tilvikum sem Dyflinnarreglu-
gerðinni sé beitt þá séu þau atvik
sem upprunalega orsökuðu flóttann
ekki til skoðunar. Þá reyni einungis á
það hvort ríkið, sem hælisleitandi er
endursendur til, virði mannréttindi
og sé í stakk búið til að afgreiða hans
mál með fullnægjandi hætti. Þá seg-
ir að flóttamannastofnun Samein-
uðu þjóðanna (UNHCR) hafi ekki
gert athugasemdir við að hælisleit-
endur séu sendir til Noregs. Mousa
íhugar að kæra niðurstöður Útlend-
ingastofnunar til innanríkisráðu-
neytisins en allir hælisleitendur eiga
rétt á því.
Sá sem telur sig vera flóttamann,
og sækir um hæli á Íslandi, ber að
mestu sönnunarbyrðina fyrir því að
honum beri að veita hæli. Það getur
verið erfitt og stundum útilokað að
framvísa gögnum til að sanna mál.
Framburður hælisleitenda er því oft
eina sönnunargagnið sem hægt er
að styðjast við, þegar meta á hvort
veitt verði pólitískt hæli eða ekki.
Hótanir ekkert
skoðaðar
n Hljóðupptökur af líflátshótunum ekki teknar til sér-
stakrar skoðunar hjá Útlendingastofnun n Verður
sendur til Noregs á grundvelli Dyflinnarreglugerðar
n Framburður ekki talinn trúverðugur „Þau gögn sem
umsækjandi lagði
fram um þetta voru ekki
talin hafa áhrif á það
hvort hann yrði endur-
sendur til Noregs eður ei.
Jón Bjarki Magnússon
blaðamaður skrifar jonbjarki@dv.is