Dagblaðið Vísir - DV - 10.06.2011, Blaðsíða 14

14 | Fréttir 10.–14. júní 2011 Helgarblað
Sturla Böðvarsson, fyrrverandi sam-
gönguráðherra, er stjórnarformaður
Ökugerðis Íslands, sem hefur feng-
ið lánsloforð frá Byggðastofnun,
en þar situr Sturla einnig í stjórn.
Heimildir DV herma að lánsloforð-
ið hljóði upp á 200 milljónir króna.
Aðspurður hvort honum finnist orka
tvímælis að fyrirtæki sem hann sé í
forsvari fyrir fái lán frá stofnun þar
sem hann situr í stjórn segist Sturla
ekki líta málin þeim augum. Hann
segir strangar reglur gilda um slíkt
hjá Byggðastofnun og að hann hafi
hvergi komið nærri ákvörðunum um
hvort veita ætti Ökugerði Íslands lán.
Sem samgönguráðherra lagði
Sturla fram frumvarp á þingi þess
efnis að ökunemar yrðu skyldað-
ir til þess að fá þjálfun í svokölluðu
ökugerði og að það yrði liður í al-
mennu ökunámi. Árið 2010 tóku
slík lög gildi. Með tilkomu Ökugerð-
is Íslands, mun fjöldi ökunema því
sækja akstursþjálfun sína á svæðið,
sem verður það eina sinnar tegundar
hér á landi. Ökugerði er sérhannað
æfinga- og kennslusvæði fyrir öku-
nema, þar sem nemar fá meðal ann-
ars tækifæri til þess að finna hvern-
ig það er að missa stjórn á bifreið í
hálku eða á malarvegi. Áætlað er að
nemendur muni að minnsta kosti
þurfa að greiða 35 þúsund krón-
ur fyrir að nota aðstöðu Ökugerðis
Íslands. Ökukennarafélag Íslands
hefur starfrækt sérstakt ökugerði á
Kirkjusandi frá því í apríl 2010. For-
maður félagsins gerir athugasemd-
ir við það að Sturla Böðvarsson hafi
setið beggja vegna borðs þegar kom
að lánveitingum Byggðastofnunar.
Sturla var framkvæmdastjóri
Ökugerði Íslands er fyrirtæki í eigu
einkahlutafélagsins Nesbyggðar
ehf. en það félag er aftur í eigu Nes-
byggðar eignarhaldsfélags ehf. Eig-
andi fyrirtækjanna þriggja er Páll
Guðfinnur Harðarson en hann sit-
ur í varastjórn Ökugerðis Íslands.
Ökugerði Íslands var skráð hjá fyr-
irtækjaskrá þann 13. júlí 2010 en
við stofnun félagsins var Sturla
Böðvars son eini skráði stjórnar-
maðurinn, og var hann jafnframt
formaður stjórnar. Þá var hann
skráður framkvæmdastjóri félags-
ins á þeim tíma. Stefnt er að því
að opna svæðið í lok þessa árs eða
byrjun þess næsta. Heimildir DV
herma að óvenju lítið hafi verið um
framkvæmdir í vetur.
Stjórn Byggðastofnunar var skip-
uð á ársfundi Byggðastofnunar
þann 11. júní 2010 en þá var Sturla
Böðvarsson meðal annars skipað-
ur í stjórn, eða rétt rúmum mánuði
áður en Ökugerði Íslands var form-
lega stofnað. Næstum hálfu ári fyrr,
eða þann 3. febrúar 2010 var fyrsta
skóflustungan að Ökugerði Íslands
tekin. Sturla segist í samtali við DV
ekki hafa komið nálægt lánasamn-
ingum við fyrirtækið sem hann er
stjórnarformaður í.
Einkahlutafélagið Icelandic
Moto park fékk lánsloforð frá
Byggðastofnun upp á 200 milljónir
króna fyrir framkvæmdum á akst-
ursíþróttasvæði sem áætlað var að
byggja upp á landinu Hjallar 1, þar
sem nú á að rísa Ökugerði Íslands.
Háleitar hugmyndir um svæði þar
sem hægt yrði að keppa í nánast
öllum akstursíþróttum fóru síðar út
um þúfur og félagið fékk aldrei lán-
ið frá Byggðastofnun þar sem ekki
hafði verið staðið við skuldbind-
ingar.
Kappakstursdraumar
Nú er svo komið að Ökugerði Ís-
lands hefur fengið sama loforð en
Páll Guðfinnur Harðarson eigandi
Nesbyggðar ehf. vildi lítið tjá sig um
málið þegar DV talaði við hann. Páll
sagði af og frá að í bígerð væru fram-
kvæmdir í ætt við Motopark-skýja-
borgina sem aldrei fékk að rísa. Í
samtali við DV sagði Páll að bráð-
um yrði fjölmiðlum greint frá gangi
mála. Fram að því gæti hann ein-
ungis vísað í opinber gögn um fyrir-
tækið og viðskipti þess. Á heimasíðu
Nesbyggðar segir að Nesbyggð ehf.
hafi verið stofnað árið 1987 og rekið
í núverandi mynd frá árinu 2002 og
að félagið hafi byggt margar íbúðir
síðan. Samkvæmt heimildum DV er
Páll Guðfinnur mikill áhugamaður
um akstursíþróttir en rallýkeppni
hefur meðal annars verið nefnd eft-
ir fyrirtækinu eða „Nesbyggð Rallý“.
Í kynningarbæklingi fyrir æf-
inga- og ökunema á Íslandi sem
gefinn var út af Ökugerði Íslands
í mars 2010 segir orðrétt: „Í fram-
tíðinni verður hægt að nota svæð-
ið sem þjónustusvæði fyrir kapp-
akstur og bílastæði ef svo færi að
kappakstursbraut sem hönnuð hef-
ur verið og var áætlað að yrði stað-
sett fyrir neðan ökugerðið á sínum
tíma yrði byggð.“ Jón Haukur Eð-
wald, formaður Ökukennarafélags
Íslands, segir þetta orka tvímæl-
is. „Okkur finnst ekki réttlætanlegt
að láta ökunema á landinu bera
uppi kostnað við að byggja upp slík
svæði.“
Svipaðri umsókn hafnað
Ökukennarafélag Íslands hefur starf-
rækt sérstakt ökugerði á Kirkjusandi
í Reykjavík frá því í apríl 2010. Þar
hafa nemar aðgang að svokölluðum
skrikbílum sem geta líkt eftir akstri í
hálku eða möl, en slíkt er mun ódýr-
ara en að viðhalda heilu brautunum.
Með þessari aðstöðu sér Ökukenn-
arafélagið fram á að ná að sinna öll-
um þeim fjögur þúsund nemum sem
taka bílprófið á hverju ári hér.
Félagið sótti um lán hjá Byggða-
stofnun fyrir starfsemi ökugerðis
úti á landi árið 2008 en þeirri um-
sókn var hafnað. Í niðurlagi í svar-
bréfi stofnunarinnar sagði: „Þá virð-
ist verkefnið við fyrstu sýn ekki falla
vel að starfssviði stofnunarinnar.“
Jón Haukur segir Ökukennarafélagið
hafa velt því upp hvers vegna starf-
semi Ökugerðis Íslands falli betur
að starfssviði stofnunarinnar, þar
sem um sé að ræða sömu starfsemi.
„Það er þetta sem við höfum bent á
og óskað eftir því að fá að vita hvað
hafi breyst.“ Frá Byggðastofnun feng-
ust þær upplýsingar að umsókn Öku-
kennarafélagsins hefði ekki staðist
kröfur. Jón Haukur setur hins vegar
spurningarmerki við það að stjórn-
armaður í Byggðastofnun hafi verið
stjórnarformaður félags sem þáði lán
frá stofnuninni.
Sturla Böðvarsson segir enga
hagsmunaárekstra hafa komið upp
á tímabilinu. „Það var búið að veita
lánsloforð til Ökugerðis á Reykjanes-
inu löngu áður en ég kom að þessu
Ökugerðismáli,“ segir hann. Sturla
segir að það hefði ef til vill orkað
n Byggðastofnun hefur lofað Öku-
gerði Íslands láni n Sturla Böðvars-
son situr í stjórn Byggðastofnunar
og er stjórnarformaður Ökugerðis
Íslands n Segir ekki um neina hags-
munaárekstra að ræða n Formaður
Ökukennarafélags Íslands setur
spurningarmerki við lánveitinguna
Óháður Sturla segist ekki hafa neinna hagsmuna að gæta hjá Ökugerði Íslands þrátt fyrir
að hann sé stjórnarformaður fyrirtækisins.
Jón Bjarki Magnússon
blaðamaður skrifar jonbjarki@dv.is
Sturla beggja vegna borðS
Ökugerði í stað Motopark Á þessum stað átti
að rísa alhliða akstursíþróttasvæði en nú er ráðgert
að setja upp ökugerði fyrir ökunema. Framtíðar-
áformin eru þó þau að reisa kappakstursbrautir.