Dagblaðið Vísir - DV - 12.03.2012, Page 14

14 Erlent 12. mars 2012 Mánudagur
Fannst á lífi eftir langa leit
n Margaret Page var villt í skógi í þrjár og hálfa viku
B
jörgunarsveitir í Albuquerque í
Bandaríkjunum fundu á dögun-
um 41 árs konu, Margaret Page,
sem hafði verið týnd í Gila-skóg-
inum í þrjár og hálfa viku.
Talið er að Margaret hafi farið í
gönguferð í skóginum þann 10. febrú-
ar síðastliðinn en athygli vekur að hún
tók köttinn sinn með sér í ferðina. Hún
villtist hins vegar af leið og rataði ekki
til baka. Það var svo á miðvikudag í
síðustu viku að björgunarsveitir fundu
Margaret á lífi en varla mátti á tæpara
standa. Hún var alvarlega vannærð og
er talið að hún hafi misst um 15 kíló
meðan hún dvaldi í skóginum.
„Ég ætlaði ekki að trúa því að hún
væri á lífi,“ segir Glenn Tolhurst sem
stjórnaði leitinni um það þegar hann
fékk símtal frá björgunarsveitarmönn-
um. Margaret var flutt á sjúkrahús þar
sem hún var höfð undir eftirliti áður en
hún var útskrifuð fyrir helgi.
Talið er að Margaret hafi drukk-
ið vatn úr á sem rann í skóginum og
náði hún að halda hita á sjálfri sér – og
kettinum – með svefnpoka sem hún
hafði meðferðis. Þá tók hún með katt-
armat sem kötturinn nartaði í en líkt
og Margaret þjáðist hann þó einnig af
vannæringu.
Grunsemdir vöknuðu um afdrif
Margaret þann 14. febrúar síðastlið-
inn þegar skógarverðir komu auga
á bifreið hennar. Ekki er óalgengt að
göngufólk skilji bifreiðar sínar eftir á
bílastæði við skóginn í nokkra daga
og því ákváðu skógarverðir að bíða og
sjá. Þegar bifreiðin var enn á stæðinu
tíu dögum síðar var lögregla látin vita.
Hófst þá leit að Margaret sem bar loks
árangur síðastliðinn miðvikudag.
Fannst á lífi Margaret og kötturinn hennar voru mjög hætt komin. Bæði hún og kötturinn
eru þó við ágæta heilsu.
H
eilbrigðistryggingakerfið
sem Barack Obama Banda-
ríkjaforseti kom á laggirnar
fljótlega eftir að hann var
kjörinn í embætti hefur
stöðugt verið skotspónn andstæð-
inga hans. Ekkert lát hefur verið á
því í kosningabaráttu repúblikana
sem leitast eftir útnefningu flokks-
félaga sinna til að takast á við forset-
ann í forsetakjöri sem fram fer síðar
á árinu. Nú virðist þó vera sem vind-
ur blási í segl Obama og heilbrigðis-
tryggingakerfisins.
Hart barist fyrir dómstólum
Mary Brown, sjálfstæður atvinnurek-
andi, vakti mikla athygli þegar hún
tók sér stöðu á víglínunni gegn heil-
brigðistryggingakerfinu í málsókn
sem höfðuð var af samtökum sjálf-
stæðra atvinnurekenda vestanhafs
gegn lögunum sem sett voru til að
koma kerfinu á. Samkvæmt lögun-
um eru allir bandarískir ríkisborg-
arar með heilbrigðistryggingar. Sú
hefur ekki verið raunin síðustu ára-
tugi í Bandaríkjunum og hafa einstak-
lingar þurft að sjá sjálfir um að kaupa
sér sérstaka heilbrigðistryggingu til
að eiga rétt á gjaldfrjálsri eða niður-
greiddri heilbrigðisþjónustu eins og
við Íslendingar eigum að venjast.
Þetta lagðist fljótt illa í marga og
þá einkum hægrisinnaða Bandaríkja-
menn sem líkt hafa heilbrigðistrygg-
ingakerfi Obama við sósíalisma og
jafnvel kommúnisma. Andstæðingar
hafa sagt að verið sé að neyða fólk til
að taka ábyrgð á öðrum en sjálfum sér
og borga fyrir þá sem ekki geta borgað
sjálfir fyrir heilbrigðisþjónustu.
Gjaldþrota vegna
sjúkrareikninga
Núna er svo komið að Brown er
orðin gjaldþrota, meðal annars
vegna reikninga fyrir heilbrigðis-
þjónustu. Samkvæmt Los Ange-
les Times skuldar Brown um 4.500
dali, jafnvirði 570 þúsund króna,
vegna heilbrigðisþjónustu. Lög-
menn sem starfa á vegum ríkis-
stjórnar Obama voru fljótir að
vekja athygli á þessu og bentu á
að þarna væri einn helsti baráttu-
maðurinn gegn tryggingakerfinu
búinn að koma sér í þá stöðu að
kröfuhafar yrðu fyrir tjóni vegna
þess að hún var ekki með heil-
brigðistryggingu.
„Þetta er kaldhæðnislegt. Þetta
sýnir bara að allir Bandaríkjamenn
þurfa að vera heilbrigðistryggðir.
Einhver annar endar á að borga
hennar eigin sjúkrakostnað,“ sagði
Jane Perkins, sérfræðingur í heil-
brigðislögum, sem bendir á að
um 62 prósent gjaldþrota einstak-
linga útskýrist að einhverju leyti af
kostnaði vegna heilbrigðisþjón-
ustu.
Viðurkennir þörf á tryggingum
Brown, sem er 56 ára, sagði í sam-
tali við Los Angeles Times að hún hafi
aldrei haldið því fram að ekki væri þörf
á tryggingum. „Það ætti samt að vera
réttur hvers og eins að ákveða hvers
konar tryggingar viðkomandi fær sér,“
sagði hún í samtali við blaðið. Hún
neitaði einnig að reikningarnir væru
hennar eigin og sagði að þeir væru í
raun vegna eiginmanns hennar. „Hver
segir að ég sé ekki tryggð núna?“ bætti
hún við.
Lögfræðingar hennar hafa einnig
bent á það að gjaldþrotið sé alls ekki
vegna sjúkrareikninganna eingöngu
og segja hjónin hafa skuldað 55 þús-
und dali, jafnvirði tæplega sjö milljóna
króna, fyrir utan sjúkraskuldirnar. Eru
þær skuldir tilkomnar vegna fyrirtækis
þeirra hjóna sem varð gjaldþrota.
Gjaldþrota vegna
heilbrigðisskulda
n Helsti andstæðingur bandaríska heilbrigðistryggingakerfisins gjaldþrota„Hver
segir
að ég sé ekki
tryggð núna?
Aðalsteinn Kjartansson
blaðamaður skrifar adalsteinn@dv.is
Vindur í seglin Gjald-
þrot Brown þykir í raun vera
vindur í seglin hjá Obama og
heilbrigðistryggingakerfinu.
Mynd AFP
Hermaður
gekk ber-
serksgang
Bandarískur hermaður var hand-
tekinn í grennd við borgina Kan-
dahar í Afganistan á sunnudag eft-
ir að hann hóf skothríð á óbreytta
borgara. Talið er að sextán hafi
fallið í árás hermannsins, þar á
meðal nokkur börn.
Atvikið átti sér stað aðfaranótt
sunnudags en maðurinn yfirgaf
herstöð þar sem hann dvaldi
ásamt fleiri hermönnum. Hann
gekk á milli húsa og skaut alla þá
sem á vegi hans urðu.
Að því loknu gaf maðurinn
sig fram við yfirmenn sína og var
handtekinn.
Rick Santorum
vann í Kansas
Forkosningar Repúblikanaflokks-
ins fyrir forsetakosningarnar í
Bandaríkjunum fóru fram í Kan-
sas og Wyoming um helgina. Rick
Santorum fór með sigur af hólmi
í Kansas þar sem hann hlaut 52
prósent atkvæða. Mitt Romney,
sem er í sterkri stöðu, hlaut 21
prósent atkvæða, Newt Gingrich
hlaut 14 prósent atkvæða og Ron
Paul 13 prósent atkvæða. Þetta
þýðir að Santorum fékk 33 kjör-
menn en Romney sjö.
Mitt Romney fór með sigur úr
býtum í Wyoming og fékk sjö kjör-
menn af tólf sem í boði voru. Rick
Santorum fékk þrjá kjörmenn.
Romney er nú kominn með
454 kjörmenn, Santorum 217,
Gingrich 107 og Ron Paul 47. 1.144
kjörmenn þarf til að hljóta útnefn-
ingu sem framboðsefni flokksins.
Næstu forkosningar verða í Ala-
bama og Mississippi.
Máli Made-
leine ekki
enn lokið
Hópur þrautreyndra lögreglu-
manna vinnur nú að því að finna
nýjar vísbendingar í máli Made-
leine McCann, bresku stúlkunn-
ar sem hvarf sporlaust árið 2007.
Þrátt fyrir að nánast allt hafi verið
reynt til að finna Madeleine, sem
var fjögurra ára þegar hún hvarf,
hefur það ekki tekist.
Samkvæmt frétt breska blaðsins
The Sun mun portúgalska lögregl-
an vinna náið með Scotland Yard.
Rannsókn málsins hefur þó ekki
verið formlega opnuð aftur en það
verður einungis gert ef „sterkar“
nýjar vísbendingar koma fram.