Dagblaðið Vísir - DV - 11.04.2012, Blaðsíða 8

8 Fréttir 11. apríl 2012 Miðvikudagur
Steingrímur lofar ríkisstjórnina
n Fer að sama skapi hörðum orðum um Sjálfstæðisflokkinn
H
ér er hagvöxtur og efnahags­
bati ólíkt flestum öðrum Evr­
ópuríkjum. Færri einkaþotur
og minni glæsileiki á yfirborð­
inu eru ekki mælikvarði á raunveru­
leg lífsgæði. Aukinn jöfnuður er það
hins vegar,“ segir Steingrímur J. Sig­
fússon, formaður Vinstrigrænna, í
grein sem hann ritar á vefritið Smug­
una. Þar fer Steingrímur meðal ann­
ars yfir stöðu efnahagsmála á Íslandi
í dag og það sem hann telur að ríkis­
stjórn VG og Samfylkingar hafi áunn­
ist frá því að hún tók við völdum þann
1. febrúar 2009.
„Fleiri stunda nú nám, eru í starfs­
þjálfun eða endurmenntun á Íslandi
en áður í sögunni enda verið gert
mikið átak til að beina ungu fólki og
atvinnuleitendum í nám. Kaupmátt­
ur hefur aukist tvö ár í röð og skuld­
ir heimila fara lækkandi. Yfirveðsett­
um heimilum hefur fækkað um tæp
15 þúsund. Á Íslandi er hlutfall þeirra
sem eru undir fátæktarmörkum eða
í hættu á að lenda í félagslegri ein­
angrun lægst meðal allra Evrópuríkja
sem þátt taka í slíkum mælingum.
Lífskjörin hafa jafnast umtalsvert,
ekki síst vegna félagslega meðvitaðra
skattkerfisbreytinga. Enginn ræð­
ir lengur um mögulegt greiðslufall
landsins,“ segir Steingrímur í grein­
inni sem ber yfirskriftina Vinsældir
og árangur; hugleiðingar bak pásk­
um!
Í greininni fer Steingrímur einnig
hörðum orðum um Sjálfstæðisflokk­
inn sem hann segir hafa stundað
markvissa niðurrifsstarfsemi í stjórn­
arandstöðu enda líti hann á það sem
óþolandi frávik á eðlilegu ástandi að
hann sé ekki við völd. „Sérstaklega
hefur hann staðið gegn öllum breyt­
ingum á stjórnarskrá sem almenn­
ingur hefur einmitt kallað eftir, rekur
háværa andstöðu gegn öllum breyt­
ingum á kvótakerfinu, er aftur orðinn
að sömu forneskjunni í umhverfis­
málum (ekki sést grænn fálki á for­
síðu MBL í nokkur ár) og kvartar og
kveinar undan því að hæst launaði og
ríkasti hluti landsmanna er nú látinn
leggja meira af mörkum. Nema hvað,
þetta er sami gamli Sjálfstæðisflokk­
urinn sem hefur ekkert lært. Því er
merkilegt að sjá Sjálfstæðisflokkinn
fara frekar upp á við en hitt í skoð­
anakönnunum. Er það raunverulega
þannig að fleiri og fleiri vilja færa
honum völdin aftur?“ spyr Stein­
grímur en greinina má lesa í heild
sinni á vef Smugunnar, smugan.is.
H
enrý Þór Baldursson skop­
myndateiknari er ósáttur
við að Ágústa Hrund Stein­
arsdóttir, upplýsingafulltrúi
Íslandspósts, haldi því fram
að honum hafi verið gerð grein fyrir
ástæðu uppsagnar sinnar hjá fyrir­
tækinu í maí árið 2009. DV fjallaði
um mál Henrýs nýlega, en hann tel­
ur sig aldrei hafa fengið neinar skýr­
ingar á því af hverju honum var sagt
upp hjá fyrirtækinu þegar hann var
nýkominn úr fæðingarorlofi. Ágústa
svaraði fyrir málið fyrir hönd Íslands­
pósts í helgarblaði DV þann 30. mars
og sagði að af Póstsins hálfu hefðu
honum verið skýrðar allar ástæður
uppsagnarinnar.
Henrý hefur í höndunum, máli
sínu til stuðnings, bréfasamskipti
sem fóru á milli hans og yfirstjórnar
fyrirtækisins eftir að honum var sagt
upp störfum. Sjálfur telur hann mál­
ið snúast um skopmyndateikningar
sínar.
Dularfull áminning
Henrý hafði fengið eina áminningu
töluvert áður en honum var sagt
upp en hann fékk þó ekki að vita fyr­
ir hvað hann var áminntur né hver
kvartaði yfir honum. Var því borið við
að persónuverndarsjónarmið kæmu
í veg fyrir að hægt væri að veita hon­
um þær upplýsingar. Sama var uppi á
teningnum við uppsögnina. „Ég átti
langt símtal við Andrés Magnússon
starfsmannastjóra í kjölfar áminn­
ingar, sem gat ekkert upplýst mig,
en benti mér á að áminning væri
ekki endir alls og að margir hefðu
starfað hjá fyrirtækinu í áratugi með
eina áminningu á bakinu.“ Þessi eina
áminning virtist þó nóg til að Henrý
væri sagt upp.
Fékk stuttaralegt svar
Henrý greip til þess ráðs að senda
vin sinn, sem er almannatengill, á
fund starfsmannastjóra fyrirtækisins
þegar hvorki gekk né rak hjá honum
sjálfum að fá svör. „Ég sendi Andrés
Jónsson almannatengil á þeirra fund
fyrir mína hönd og hann fékk engar
skýringar þrátt fyrir umboð frá mér.
Trúnaðarmaður minn, Íris Halla,
sóttist eftir upplýsingum, en fékk
ekki. Ég skrifaði stjórn fyrirtækisins
og fékk ekkert. Ég gæti ekki hafa sótt
harðar að þeim til að fá skýringar og
fékk engar. Samt hefur Ágústa þann
kjark að halda því fram fullum fetum
nokkrum árum síðar að ég hafi verið
að fullu upplýstur.“
Málið lá þungt á Henrý og hann
sendi yfirstjórn Íslandspóst langan
og ítarlegan póst haustið 2009 þar
sem hann fór yfir öll sín mál hjá fyrir­
tækinu og krafðist enn og aftur skýr­
inga á uppsögninni. Svarið sem hann
fékk frá formanni stjórnar Íslands­
pósts var ansi stuttarlegt. Honum var
þakkað fyrir bréfið en jafnframt tjáð
að niðurstaða stjórnar væri sú að að­
hafast ekkert frekar í málinu „...enda
sýndist okkur að staðið hafi verið við
þær verklagsreglur sem eru í gildi hjá
Íslandspósti varðandi svona mál,“
sagði í svarbréfinu.
Kennt að takast á við hrunið
Þegar Henrý sendi stjórninni umrætt
bréf var hann farinn að hallast að því
að uppsögnin tengdist skopteikning­
um sínum sem hann hóf að teikna
og birta í kjölfar hrunsins á haust­
mánuðum 2008. „Byggist það á ein­
hvers konar lífsleiknifundi sem einn
stjórnenda hélt með starfsfólki þjón­
ustuvers, nokkrum dögum fyrir það
að ég var dreginn inn á skrifstofu og
áminntur fyrir eitthvað sem ég mátti
ekki vita hvað var. Fundur þessi var
ætlaður til að kenna okkur að takast
á við efnahagshrunið og vera áfram
hress í símann þrátt fyrir áföllin sem
dundu yfir þjóðina.“
Áttu helst að hlusta á geisladiska
Meðal þeirra lífsleikniverkfæra sem
Íslandspóstur mælti með að starfs­
menn sínir notuðu var að hlusta
ekki á útvarp á leið í vinnuna heldur
hafa frekar góðan geisladisk í tæk­
inu. „Sneiða hjá fréttatímum, dag­
blöðum og umræðuþáttum. Því það
skildi hvort eð er ekkert eftir. Við
værum ekki að fara að breyta neinu
í samfélaginu eða hafa áhrif á þetta
hrun eða eftirleik þess, þetta væri svo
stórt, svo yfirþyrmandi. Það borgaði
sig ekki að velta sér upp úr þessu.
Það væri best að leiða þetta hjá sér og
fókusera á jákvæðu hliðarnar í lífinu,
því það væri uppbyggilegra.“
Í teikningum Henrýs birtist póli­
tísk ádeila og taldi hann að þær hefðu
farið fyrir brjóstið á yfirmönnum Ís­
landspósts eða fólki þeim tengdu.
Því hefði farið sem fór og hann stóð
eftir atvinnulaus, nýbakaður faðir.
Henrý segir að það komi sér ekk­
ert á óvart ef hagsmunatengsl hér á
landi geri þjónustufyrirtækjum erfitt
fyrir að hafa gallagripi eins og hann
í starfi. „Menn sem kunna ekki að
halda kjafti þegar við á. Mér finnst
bara lítilmótlegast af Íslandspósti
að geta ekki viðurkennt það. Og vor­
kenni þeim rosalega að hafa ekki
meira bein í nefinu,“ segir Henrý að
lokum.
Telur skopteikningar
ástæðu uppsagnar
n Segir að starfsmönnum hafi verið ráðlagt að velta sér ekki upp úr hruninu
Sólrún Lilja Ragnarsdóttir
blaðamaður skrifar solrun@dv.is „Það borg-
aði sig ekki
að velta sér upp
úr þessu. Það væri
best að leiða þetta
hjá sér og fókusera
á jákvæðu hliðarnar
í lífinu, því það væri
uppbyggilegra.
Teiknar skopmyndir
Henrý Þór telur að pólitískar
skopmyndateikningar hans
hafi farið fyrir brjóstið á yfir-
mönnum Íslandspósts.
Niðurrifsstarfsemi Steingrímur
segir að Sjálfstæðisflokkurinn hafi stundað
markvissa niðurrifsstarfsemi í stjórnarand-
stöðu.
Mikil fjölgun
gistinátta
Gistinætur á hótelum í febrúar
voru 102.600 samanborið við
79.900 í febrúar 2011. Gistinætur
erlendra gesta voru um 78 prósent
af heildarfjölda gistinátta í febrúar
en gistinóttum þeirra fjölgaði um
33 prósent samanborið við febrú­
ar 2011. Á sama tíma fjölgaði gisti­
nóttum Íslendinga um 13 prósent.
Þetta kemur fram í nýjum tölum
sem birtar eru á vef Hagstofu Ís­
lands.
Gistinóttum á hótelum fjölgaði
í öllum landshlutum. Á höfuð­
borgarsvæðinu voru tæplega 80
þúsund gistinætur í febrúar og
fjölgaði um ríflega 30 prósent frá
fyrra ári. Á samanlögðu svæði
Vesturlands og Vestfjarða fjölg­
aði gistinóttum mikið á milli ára,
voru 2.800 samanborið við 1.200 í
febrúar 2011. Á Austurlandi fjölg­
aði gistinóttum einnig mikið, voru
1.600 samanborið 1.000 í febrúar
2011. Á Norðurlandi voru 4.900
gistinætur á hótelum í febrúar
sem er um 25 prósenta aukning
frá fyrra ári. Á Suðurnesjum voru
gistinætur 4.400 í ferbúar sem er
13 prósent aukning samanborið
við febrúar 2011. Á Suðurlandi
voru 9.000 gistinætur á hótelum í
febrúar sem er 6 prósenta aukning
frá fyrra ári.
Athygli er vakin á því að hér er
eingöngu átt við gistinætur á hót­
elum, það er hótelum sem opin
eru allt árið. Til þessa flokks gisti­
staða teljast hvorki gistiheimili né
hótel sem eingöngu eru opin yfir
sumartímann.
Breiðdalsheiði
er oftast ófær
Breiðdalsheiði er sá vegkafli á
Hringveginum sem er oftast ófær.
Þetta kemur fram í svari innanrík­
isráðherra við fyrirspurn Sigurðar
Inga Jóhannssonar, þingmanns
Framsóknarflokksins.
Sigurður Ingi spurði ráðherra
hvaða vegkaflar á Hringveginum
hafi oftast orðið ófærir síðustu
tvo mánuði ársins 2011 og fyrstu
tvo mánuði ársins 2012. Þá spurði
hann hvaða vegkaflar á veginum
hafi á umræddu tímabili þurft á
mestri þjónustu að halda vegna
annars vegar snjómoksturs og
hins vegar hálkuvarna.
Í svari ráðherra kemur fram að
vegurinn um Breiðdalsheiði hafi
verið lokaður 54 daga á umræddu
fjögurra mánaða tímabili. Á sama
tímabili var vegurinn um Víkur­
skarð lokaður í sjö daga og Hellis­
heiði lokuð í sex daga.
Tilkynning
í vikunni
Kristín Ingólfsdóttir, rektor Há­
skóla Íslands, tilkynnir það í vik­
unni hvort hún gefi kost á sér í
forsetakosningum eða ekki. Þetta
kom fram í fréttum RÚV á þriðju­
dag. Kristín er meðal þeirra sem
orðuð hafa verið við framboð að
undanförnu. Sex hafa þegar lýst
yfir framboði til embættis forseta
Íslands en tæpir þrír mánuðir eru
til kosninga.